فلسفے عشق میں پیش آئے سوالوں کی طرح

[ظفری]

فلسفے عشق میں پیش آئے سوالوں کی طرح
ہم پریشاں ہی رہے اپنے خیالوں کی طرح

شیشہ گر بیٹھے رہے ذکرِ مسیحا لے کر
اور ہم ٹوٹ گئے کانچ کے پیالوں کی طرح

جب بھی انجامِ محبت نے پکارا خود کو
وقت نے پیش کیا ہم کو مثالوں کی طرح

ذکر جب ہوگا محبت میں تباہی کا کہیں
یاد ہم آئیں گے دنیا کو حوالوں کی طرح

شاعر : نامعلوم ( حسبِ معمول )
​

 

[شاہ حسین]

اچھا انتخاب ہے جناب ظفری صاحب ۔

 

[خوشی]

واہ ظفری جی مگر شاعر نامعلوم کیوں ہے اور پھر ہمیشہ کی طرح کہہ کے آپ نے اور مشکوک کر دیا

 

[کاشفی]

خوب جناب۔۔۔۔۔

 

[محمد وارث]

بہت خوبصورت غزل ہے، شکریہ جناب شیئر کرنے کیلیے!

 

[محب علوی]

کیا بات ہے ظفری تمہاری

پریشاں ہی رہے اپنے خیالوں کی طرح ، واہ واہ کیا خود شناسی ہے

 

[فرخ منظور]

فلسفے عشق میں پیش آئے سوالوں کی طرح
گلوکار: محمد رفیع
موسیقی: تاج احمد خان
شاعر: سدرشن فاخر

 

[شاہ حسین]

بہت شکریہ ضناب سخنور صاحب۔

 

[عمران شناور]

اچھی غزل شیئر کی ہے۔ ظفری صاحب اور سخنور صاحب آپ دونوں‌کا شکریہ

 

[مغزل]

بہت خوب جناب واہ ۔ شکریہ ظفری صاحب اور فرخ صاحب آپ کا بھی شکریہ

 

[ظفری]

یہ غزل میری یادوں کی دریچوں سے ایک بازگشت سی تھی ۔ مجھے علم نہیں‌ تھا کہ یہ غزل رفیع صاحب نے بھی گائی ہے ۔ شکریہ فرخ بھائی کا کہ انہوں‌ نے یہ کلپ یہاں شئیر کیا ۔ مگر مجھے حیرت ہے کہ میں‌ نے دو دہائیوں کے بعد بھی صرف حافظے کی بنیاد پر یہ غزل صحیح پیرائے میں یہاں پوسٹ کردی ۔ شکریہ سب پسند کرنے والوں کا ۔