فنا فی اللہ ------- ایک نظم--------سیدانورجاویدہاشمی

[مغزل]

’’فنا فی اللہ ‘‘

وہ افغانی حسینائیں
جنھیں تنّور پر دیکھا
انھیں میں ایک پشمینہ تھی
اُس کا نام اس کے ساتھ بیٹھی
ایک لڑکی نے پکارا تھا:
مری پشمینہ! پش می نے
سُبحان اللہ سبحان اللہ
اچانک ایک چنگاری اُڑی
میں بالکونی سے یہ منظر دیکھتا تھا
پَٹ پُٹ پَٹا پٹ پُھٹ
کئی شعلے بھڑک کر
اُن حسیناؤں کے چہروں پر
گلابی، ارغوانی، آتشیں رنگوں کو بکھراتے
ہوا کے ساتھ محو ِ رقص تھے
و َاللہ!
یہ سارے آتشیں منظر
مری آنکھوں نے دیکھے، پَر
مرے سینے میں جو شعلے بھڑک اُٹھے
اُنھیں اب کون دیکھے گا؟
فنا فی اللہ فنا فی اللہ
٭

سید انور جاوید ہاشمی

 

[عمران شناور]

بہت شکریہ محمود صاحب! اچھی نظم ہے

 

[مغزل]

بہت شکریہ جناب ، سدا خوش رہیں

 

[محمد وارث]

بہت شکریہ مغل صاحب خوبصورت نظم شیئر کرنے کیلیے!