فوجی حکمرانی کے خاتمے تک لڑتے رہیں گے، میانمار کے عوام کا احتجاج

[محمد خلیل الرحمٰن]

فوجی حکمرانی کے خاتمے تک لڑتے رہیں گے، میانمار کے عوام کا احتجاج
18th February 2021 | ویب ڈیسک
میانمار میں فوج کی حکومت سنبھالنے کے بعد احتجاج کا سلسلہ ایک مرتبہ پھر زور پکڑنے لگا اور پہلی مرتبہ عوام کی اتنی کثیر تعداد سڑکوں پر نکل آئی اور فوجی حکومت کو ماننے سے انکار کرتے ہوئے فوج مخالف نعرے لگائے۔

عوام نے فوج سے مطالبہ کیا کہ وہ حکومت چھوڑ کر واپس بیرکس میں چلے جائیں اور عوامی منتخب نمائندہ آنگ سان سوچی کو رہا کرکے اقتدار ان کے حوالے کردیں۔

میانمار میں فوج کی جانب سے عوام کی منتخب حکومت کا تختہ الٹنے اور آنگ سان سوچی کی گرفتاری کے خلاف دنیا کے متعدد ممالک نے بھی احتجاج کیا اور ان کی رہائی کا مطالبہ کیا۔

سب سے بڑے شر ینگون میں سب سے بڑے اجتماعات ہوئے اور عوام نے گاڑیوں سے سڑکوں کو بھی بلاک کردیا گیا تاکہ فورسز کی نقل و حرکت کو محدود کیا جائے۔

فوج اور پولیس کے اہلکار احتجاجی ریلیوں کے قریب دکھائی دیے لیکن عوام کے سامنے آنے سے گریز کیا اور گزشتہ کئی روز سے عوام کی جانب سے ہونے والی مزاحمت کا مقابلہ کرنے سے اجتناب کیا۔

ینگون میں 21 سالہ طالبہ نیلار نے کہا کہ 'ہمیں آخر تک لڑنا ہے، فوجی حکمرانی کے خاتمے تک ہمیں اپنے اتحاد اور طاقت کا مظاہرہ کرنے کی ضرورت ہے، عوام سڑکوں پر نکل آئیں'۔

میانمار کے عوام فوج کی مداخلت کے خلاف مسلسل احتجاج کر رہے ہیں—فوٹو: رائٹرز

میانمار کے عوام نے واضح کردیا کہ فوجی بوٹ کے سامنے گھٹنے نہیں ٹیکیں گے—فوٹو: رائٹرز

ینگون میں بھی عوام کی بڑی تعداد نے فوج کی حکومت میں مداخلت کے خلاف احتجاج کیا —فوٹو:اے ایف پی

عوام آنگ سان سوچی کی رہائی اور حکومت چھوڑنے کا مطالبہ کر رہے ہیں—اے ایف پی

فوجی مداخلت کے خلاف ینگون میں سب سے بڑی ریلی نکالی گئی—فوٹو: رائٹرز

میانمار بھر میں آنگ سان سوچی کے حامیوں نے فوجی حکومت کو ماننے سے انکار کیا—فوٹو: اے پی

عوام نے سڑکوں کو بھی بلاک کر رکھا ہے—فوٹو: اے ایف پی

مختلف مقامات اور سڑکوں پر فوج کی مداخلت کے خلاف اور جمہوریت کے حق میں نعرے درج کیے گئے ہیں—فوٹؤ: اے ایف پی

میانمار کے شہر منڈالے میں عوام نے ریلوے ٹریک بھی بلاک کر دیا اور کہا کہ ہمیں فوجی حکومت نہیں چاہیے—فوٹو: اے پی

عوام نے احتجاج کے دوران فوج مخالف اور آنگ سان سوچی کے پورٹریٹ لے کر کھڑے ہیں—فوٹؤ: رائٹرز

میانمار کے شہریوں نے تھائی لینڈ کے دارالحکومت بنکاک میں اقوام متحدہ کے دفتر کے سامنے بھی فوج حکومت کے خلاف احتجاج کیا—فوٹو: رائٹرز

میانمار کے عوام نے نپیتاؤ میں بھی فوج کی مداخلت کے خلاف احتجاج کیا—فوٹو: رائٹرز

عوام نے سڑکوں پر فوج کے خلاف سخت زبان استعمال کرتے ہوئے نعرے درج کیے—فوٹو: رائٹرز

ینگون میں مختلف شعبہ ہائے زندگی سے تعلق رکھنے والے افراد نے فوج کے خلاف مظاہرہ کیا—فوٹو: اے ایف پی

ینگون میں جگہ جگہ عوام کی کثیر تعداد نے فوج حکومت کو یکسر مسترد کردیا—فوٹو: اے ایف پی

عوام سڑکوں پر احتجاج کر رہے ہیں—فوٹو: اے ایف پی

 

[محمد خلیل الرحمٰن]

جمہوریت پسند عوام کو سلام

 

[محمداحمد]

"جمہوریت "کی علمبردار آنگ سان سوچی کو روہنگیا مسلمان بالکل پسند نہیں کرتے!

 

[محمد خلیل الرحمٰن]

"جمہوریت "کی علمبردار آنگ سان سوچی کو روہنگیا مسلمان بالکل پسند نہیں کرتے!

ہمارا سلام آنگ سان سو چی کے لیے نہیں تھا، جمہوریت پسند عوام کو بھیجا گیا تھا

 

[محمداحمد]

ہمارا سلام آنگ سان سو چی کے لیے نہیں تھا، جمہوریت پسند عوام کو بھیجا گیا تھا

ہم نے اُن کی جمہوریت کا ایک دوسرا رُخ بیان کیا ہے ۔

ویسے تو زبردستی کی حکومت سے جمہوریت ہی بہتر ہوتی ہے۔

 

[محمد خلیل الرحمٰن]

ویسے تو زبردستی کی حکومت سے جمہوریت ہی بہتر ہوتی ہے۔

متفق! زبردستی کی حکومت چاہے آمریت ہو یا ھائیبرڈ نظام ہو اس سے جمہوریت لاکھ درجے بہتر ہے۔ خوش رہیے جناب!

 

[جاسم محمد]

متفق! زبردستی کی حکومت چاہے آمریت ہو یا ھائیبرڈ نظام ہو اس سے جمہوریت لاکھ درجے بہتر ہے۔ خوش رہیے جناب!

متفق۔ زبردستی کی حکومت چاہے آمریت ہو، ہائبرڈ نظام ہو یا موروثیت، اس سے جمہوریت لاکھ درجے بہتر ہے۔

 

[جاسم محمد]

ویسے تو زبردستی کی حکومت سے جمہوریت ہی بہتر ہوتی ہے۔

بالکل۔ زبردستی کی موروثیت سے جمہوریت لاکھ درجہ بہتر ہے۔

 

[جاسم محمد]

جمہوریت پسند عوام کو سلام

افسوس پاکستان میں جمہوریت پسند عوام موجود نہیں۔ یا جسے وہ جمہوریت پسندی سمجھتے ہیں وہ درحقیقت موروثیت پسندی ہے۔

 

[زیک]

"جمہوریت "کی علمبردار آنگ سان سوچی کو روہنگیا مسلمان بالکل پسند نہیں کرتے!

لگتا ہے آپ کی میانمار (برما) کی تاریخ 2016 سے شروع ہوتی ہے۔ روہنگیا کو شہریت سے محروم فوجی ڈکٹیٹرشپ نے کیا۔ مزید بہت کچھ ہوا اور جاری تھا کہ آنگ سان سو چی کی حکومت آئی اور اس نے بھی روہنگیا کے ساتھ وہی کچھ کیا جو پہلے فوجی آمر کر رہے تھے۔

 

[جاسم محمد]

۔ مزید بہت کچھ ہوا اور جاری تھا کہ آنگ سان سو چی کی حکومت آئی اور اس نے بھی روہنگیا کے ساتھ وہی کچھ کیا جو پہلے فوجی آمر کر رہے تھے۔

تو پھر فرق کیا ہوا؟ جو کچھ روہنگیا کیساتھ فوجی آمریت کر رہی تھی وہی کچھ جمہوریت نے کر دیا۔

 

[فاخر رضا]

لگتا ہے آپ کی میانمار (برما) کی تاریخ 2016 سے شروع ہوتی ہے۔ روہنگیا کو شہریت سے محروم فوجی ڈکٹیٹرشپ نے کیا۔ مزید بہت کچھ ہوا اور جاری تھا کہ آنگ سان سو چی کی حکومت آئی اور اس نے بھی روہنگیا کے ساتھ وہی کچھ کیا جو پہلے فوجی آمر کر رہے تھے۔

پس ثابت ہوا کہ......؟

 

[فاخر رضا]

جمہوریت پسند عوام کو سلام

بالکل درست

زبردستی کی حکومت چاہے آمریت ہو یا ھائیبرڈ نظام ہو اس سے جمہوریت لاکھ درجے بہتر ہے۔

یہاں سے پتہ چلتا ہے کہ اصل ہدف عمران خان کی حکومت تھی
ہی ہی ہی ہی

اس نے بھی روہنگیا کے ساتھ وہی کچھ کیا جو پہلے فوجی آمر کر رہے تھے۔

ہمارے لئے تو بس یہ بات سچ ہے
جو جمہوریت سو کالڈ جمہوری لیڈروں نے دی وہ خود فیوڈل تھے اور ہیں، سوائے الطاف حسین بھائی کے. اور انہوں نے جو کیا وہ تو آپ بھگت چکے ہیں
مجھے لگتا ہے بس اب امام مہدی علیہ السلام کو آجانا چاہیے تاکہ پوری دنیا سے ظلم کا خاتمہ ہو اور ہم بار بار بیوقوف بننے سے بچ سکیں. ویسے بیوقوف بیوقوف ہی رہتا ہے. زیادہ فرق تب بھی نہیں پڑنے والا. مگر اوور آل ظلم کا خاتمہ ضرور ہو جائے گا

 

[جاسم محمد]

یہاں سے پتہ چلتا ہے کہ اصل ہدف عمران خان کی حکومت تھی

اصل ہدف بغض عمران ہے۔ وگرنہ عمران خان سے قبل آنے والی تمام حکومتیں بھی ہائبرڈ ہی تھیں۔ یعنی ملک کی دفاعی اور خارجہ پالیسی اسٹیبلشمنٹ کے ہاتھ میں تھی۔ پاکستان میں جمہوری حکومت کبھی نہیں رہی۔

 

[جاسم محمد]

جو جمہوریت سو کالڈ جمہوری لیڈروں نے دی وہ خود فیوڈل تھے اور ہیں، سوائے الطاف حسین بھائی کے. اور انہوں نے جو کیا وہ تو آپ بھگت چکے ہیں

عمران خان تو اپر مڈل کلاس طبقہ سے تعلق رکھتا ہے اس لئے اسے فیوڈل کہنا درست نہیں۔ باقی بھٹو خاندان فیوڈل جبکہ شریف خاندان سرمایہ دار اشرافیہ طبقہ سے تعلق رکھتا ہے۔ پیچھے رہ گیا آپ کا الطاف بھائی۔ تو وہ بھی مڈل کلاس سے اقتدار میں آنے کے بعد بھتہ مافیا بن گیا تھا۔ اگر جائز اور جمہوری کام کئے ہوتے تو نواز شریف کی طرح دم دبا کر لندن نہ بھاگتا۔

 

[محمداحمد]

لگتا ہے آپ کی میانمار (برما) کی تاریخ 2016 سے شروع ہوتی ہے۔ روہنگیا کو شہریت سے محروم فوجی ڈکٹیٹرشپ نے کیا۔ مزید بہت کچھ ہوا اور جاری تھا کہ آنگ سان سو چی کی حکومت آئی اور اس نے بھی روہنگیا کے ساتھ وہی کچھ کیا جو پہلے فوجی آمر کر رہے تھے۔

یہ بات واقعی سچ ہے کہ ہمیں اس بارے میں زیادہ معلومات نہیں ہے۔

لیکن آپ کی فراہم کردہ معلومات اور زیرِ گفتگو معاملے کے تناظر میں دیکھا جائے تو آمریت اور جمہوریت ایک ہی سکے کے دو رُخ معلوم ہوتے ہیں۔

 

[Ali Baba]

یہ بات واقعی سچ ہے کہ ہمیں اس بارے میں زیادہ معلومات نہیں ہے۔

لیکن آپ کی فراہم کردہ معلومات اور زیرِ گفتگو معاملے کے تناظر میں دیکھا جائے تو آمریت اور جمہوریت ایک ہی سکے کے دو رُخ معلوم ہوتے ہیں۔

کیا پتے کی بات کی ہے جناب آپ نے۔ ہمارے جمہور بچوں کو تو بس ووٹوں اور نوٹوں والی جمہوریت ہی چاہیئے۔ کیونکہ ان کے لیے کوئی بوٹوں کی چاپ پر آئے تو آمر ہے اور جو نوٹوں کی تھاپ پر آئےوہ جمہوری ہے، حالانکہ دونوں میں جوہری فرق کچھ بھی نہیں۔

 

[زیک]

مجھے لگتا ہے بس اب امام مہدی علیہ السلام کو آجانا چاہیے تاکہ پوری دنیا سے ظلم کا خاتمہ ہو اور ہم بار بار بیوقوف بننے سے بچ سکیں. ویسے بیوقوف بیوقوف ہی رہتا ہے. زیادہ فرق تب بھی نہیں پڑنے والا. مگر اوور آل ظلم کا خاتمہ ضرور ہو جائے گا

میں نے تو پڑھا تھا کہ مہدی کی پیدائش کو ہزار سال سے اوپر ہو گئے۔ لہذا وہ تو آ کر گزر بھی گئے ظلم و ظالم ختم نہ ہوئے

 

[زیک]

یہ بات واقعی سچ ہے کہ ہمیں اس بارے میں زیادہ معلومات نہیں ہے۔

لیکن آپ کی فراہم کردہ معلومات اور زیرِ گفتگو معاملے کے تناظر میں دیکھا جائے تو آمریت اور جمہوریت ایک ہی سکے کے دو رُخ معلوم ہوتے ہیں۔

آپ شاید یوٹوپیا کے قائل ہیں۔ درجات میں فرق بھی کافی فرق ہوتا ہے