نبیل بھائی جب سے محفل اپگریڈ ہوئی ہے مجھے محفل میں دو مسائل کا سامنا ہے اور ایک میرا مشورہ ہے قبول کرنا آپ کی مرضی ہے۔۔۔
1:- جیسا کہ اوپر والی تصویر میں بائیں جانب "فوری روابط" والے لنک کے پاس سرخ دائرہ ہے وہاں سے Bar بائیں جانب سکرین سے باہر چلی جاتی ہے اور "لاگ آؤٹ" کا صرف "لا" اور تھوڑا سا "گ" بھی نظر آتا ہے یہ مسئلہ 600*800 ریزولوشن پر آ رہا ہے۔ جبکہ اس سے زیادہ پر نہیں آتا۔ کیونکہ میں زیادہ تر 600*800 ہی استعمال کرتا ہوں اس لئے سوچا کہ ہو سکتا ہے اور بھی دوست 600*800 ہی استعمال کرتے ہوں تو اس مسئلہ کے بارے میں بتا دوں۔۔۔
2:- دوسرا مسئلہ یہ ہے کہ جب کسی پوسٹ میں سے کچھ ٹیکسٹ سلیکٹ کرنی ہو۔ تو تھوڑا سا مسئلہ آتا ہے۔ نیچے والی تصویر کے دو حصے بنائے ہیں کہ مسئلہ آسانی سے سمجھا سکوں۔ جب کسی پوسٹ میں ٹیکسٹ سلیکٹ کرنے کے لئے کرسر سرخ دائرے والی جگہ پر ہو تو حصہ نمبر دو میں Selected Text جہاں سے شروع ہو رہی ہے وہاں سے ٹیکسٹ سلیکٹ ہونا شروع ہوتا ہے جبکہ کرسر ٹیکسٹ کے شروع پر ہے۔ اسی طرح جب کرسر سبز دائرے والی جگہ پر پہنچاتا ہے تو Selected Text کے آخر تک سلیکٹ ہو چکا ہوتا ہے۔۔۔ آسان الفاظ میں مسئلہ یہ ہے کہ جہاں کرسر ہوتا ہے وہاں سے ٹیکسٹ سلیکٹ ہونا شروع نہیں ہوتی بلکہ تھوڑا آگے سے ہوتی ہے۔۔۔ یہ مسئلہ تب زیادہ مشکل شکل اختیار کرتا ہے جب کسی پوسٹ کے درمیان میں سے کچھ سلیکٹ کرنا ہو۔۔۔
دراصل میں لمبی پوسٹس کو کاپی کر کے موبائل میں محفوظ کر لیتا ہوں اور جہاں وقت ملے پڑھ لیتا ہوں۔ اس لئے میں اکثر پوسٹ کو سلیکٹ کر کے کاپی کرتا ہوں اور مجھے اس مسئلہ کی وجہ سے کافی الجھن ہوتی ہے۔ یہی فانٹ م س ورڈ میں اور بی بی سی اردو کی سائٹ پرکوئی ایسا مسئلہ نہیں بنا رہا۔۔۔
اس کے علاوہ مشورہ یہ ہے کہ اوپر والی تصویر میں جہاں سرخ رنگ کے نشانات ہیں وہاں اگر محفل کے پرانے طریقہ کی گرافکس ہو جائے تو اسی طرح دونوں اطراف میں تو محفل کی پوسٹ اور باقی اندرونی مواد ذرا نکھر کر نظر آئے گا۔۔۔ یعنی اگر اوپر اور دونوں اطراف میں گہرا رنگ ہو گا تو اندرونی ہلکا رنگ واضح ہو جائے گا۔۔۔
