نبیل
تکنیکی معاون
السلام علیکم،
کچھ عرصہ قبل میں نے فورم کے زمرہ جات میں اضافہ اور ردوبدل کے لیے تجاویز اکٹھی کرنے کا سلسلہ شروع کیا تھا لیکن یہ کام بوجوہ آگے نہیں بڑھ سکا تھا۔ اس تھریڈ کے ذریعے میں اس سلسلے کو دوبارہ شروع کرنا چاہ رہا ہوں تاکہ فورم کے موضوعات میں تنوع پیدا کرنے کے لیے نئے زمرہ جات کا اضافہ کیا جا سکے اور پرانے اور غیر فعال زمرہ جات کی چھانٹی کی جا سکے۔ آپ سب دوستوں سے اس سلسلے میں تجاویز کی درخواست ہے۔
میرے ذہن میں اس وقت ذیل کے عنوانات سے نئے زمرہ جات کا آئیڈیا ہے:
صحافت: اب چونکہ فورم پر خاطر خواہ تعداد میں صحافت سے تعلق رکھنے والے اصحاب موجود ہیں، اسی لیے صحافت اور صحافیوں سے متعلق موضوعات کے لیے یہ زمرہ موزوں رہے گا۔
ہوم ورک: اگرچہ فورم پر تعلیم و تدریس کا زمرہ موجود ہے، لیکن خاص طور پر طلبا و طالبات کی رہنمائی کے لیے علیحدہ زمرہ درکار ہے جہاں وہ اپنے ہوم ورک اور اسائنمنٹس سے متعلق سوالات پوچھ سکیں اور خیالات کا تبادلہ کر سکیں۔
ویڈیوز: انٹرنیٹ پر لاتعداد ویڈیو ہوسٹ موجود ہیں اور فورم پر ان ہوسٹس سے ویڈیو پوسٹ کرنے کا آسان طریقہ بھی دستیاب ہے۔ اسی لیے ویڈیوز شئیر کرنے کے لیے یہ زمرہ موجود ہونا چاہیے۔ ضرورت پڑنے پر اس کے ذیلی زمرہ جات بھی تشکیل دیے جا سکتے ہیں۔
محفل ادب: یہ امر ہمارے لیے باعث مسرت ہے کہ گزشتہ کچھ عرصے سے محفل فورم پر ادب کا نفیس ذوق رکھنے والے دوست تشریف لائے ہیں، خاص طور پر شاعری کے حوالے محفل فورم کا ادبی کارنر اب اردو ویب سائٹس میں علیحدہ مقام رکھتا ہے۔ محفل فورم کے ادبی کارنر کی تشکیل محفل فورم کی ابتدا سے تقریباً اسی طرح چلی آ رہی ہے۔ اگر کسی دوست کے ذہن میں ادبی کارنر کی تشکیل میں اضافے یا ترمیم کی تجاویز موجود ہیں تو وہ انہیں یہاں پیش کر سکتے ہیں۔ ہم نے محفل فورم کی تیسری سالگرہ کے موقعے پر بہترین تحریر اور بہترین شاعری کا انتخاب کیا تھا۔ اس سلسلے کو مستقل بنیادوں پر آگے چلانے کی تجویز بھی سامنے آئی تھی۔ اس پر بھی عملدرآمد ہونا چاہیے۔
انگریزی سیکشن: انگریزی سیکشن میں مزید فورمز بنانے کا مطالبہ سامنے آتا رہا ہے۔ اس سلسلے میں بھی یہاں تجاویز پیش کی جا سکتی ہیں۔
میرے ذہن میں اس سلسلے میں جو آئیڈیاز آتے رہیں گے انہیں میں یہاں پیش کرتا رہوں گا اور اس کے ساتھ ہی آپ کی تجاویز کا بھی منتظر رہوں گا۔
والسلام
کچھ عرصہ قبل میں نے فورم کے زمرہ جات میں اضافہ اور ردوبدل کے لیے تجاویز اکٹھی کرنے کا سلسلہ شروع کیا تھا لیکن یہ کام بوجوہ آگے نہیں بڑھ سکا تھا۔ اس تھریڈ کے ذریعے میں اس سلسلے کو دوبارہ شروع کرنا چاہ رہا ہوں تاکہ فورم کے موضوعات میں تنوع پیدا کرنے کے لیے نئے زمرہ جات کا اضافہ کیا جا سکے اور پرانے اور غیر فعال زمرہ جات کی چھانٹی کی جا سکے۔ آپ سب دوستوں سے اس سلسلے میں تجاویز کی درخواست ہے۔
میرے ذہن میں اس وقت ذیل کے عنوانات سے نئے زمرہ جات کا آئیڈیا ہے:
صحافت: اب چونکہ فورم پر خاطر خواہ تعداد میں صحافت سے تعلق رکھنے والے اصحاب موجود ہیں، اسی لیے صحافت اور صحافیوں سے متعلق موضوعات کے لیے یہ زمرہ موزوں رہے گا۔
ہوم ورک: اگرچہ فورم پر تعلیم و تدریس کا زمرہ موجود ہے، لیکن خاص طور پر طلبا و طالبات کی رہنمائی کے لیے علیحدہ زمرہ درکار ہے جہاں وہ اپنے ہوم ورک اور اسائنمنٹس سے متعلق سوالات پوچھ سکیں اور خیالات کا تبادلہ کر سکیں۔
ویڈیوز: انٹرنیٹ پر لاتعداد ویڈیو ہوسٹ موجود ہیں اور فورم پر ان ہوسٹس سے ویڈیو پوسٹ کرنے کا آسان طریقہ بھی دستیاب ہے۔ اسی لیے ویڈیوز شئیر کرنے کے لیے یہ زمرہ موجود ہونا چاہیے۔ ضرورت پڑنے پر اس کے ذیلی زمرہ جات بھی تشکیل دیے جا سکتے ہیں۔
محفل ادب: یہ امر ہمارے لیے باعث مسرت ہے کہ گزشتہ کچھ عرصے سے محفل فورم پر ادب کا نفیس ذوق رکھنے والے دوست تشریف لائے ہیں، خاص طور پر شاعری کے حوالے محفل فورم کا ادبی کارنر اب اردو ویب سائٹس میں علیحدہ مقام رکھتا ہے۔ محفل فورم کے ادبی کارنر کی تشکیل محفل فورم کی ابتدا سے تقریباً اسی طرح چلی آ رہی ہے۔ اگر کسی دوست کے ذہن میں ادبی کارنر کی تشکیل میں اضافے یا ترمیم کی تجاویز موجود ہیں تو وہ انہیں یہاں پیش کر سکتے ہیں۔ ہم نے محفل فورم کی تیسری سالگرہ کے موقعے پر بہترین تحریر اور بہترین شاعری کا انتخاب کیا تھا۔ اس سلسلے کو مستقل بنیادوں پر آگے چلانے کی تجویز بھی سامنے آئی تھی۔ اس پر بھی عملدرآمد ہونا چاہیے۔
انگریزی سیکشن: انگریزی سیکشن میں مزید فورمز بنانے کا مطالبہ سامنے آتا رہا ہے۔ اس سلسلے میں بھی یہاں تجاویز پیش کی جا سکتی ہیں۔
میرے ذہن میں اس سلسلے میں جو آئیڈیاز آتے رہیں گے انہیں میں یہاں پیش کرتا رہوں گا اور اس کے ساتھ ہی آپ کی تجاویز کا بھی منتظر رہوں گا۔
والسلام
