فورم کا موڈ

[نبیل]

السلام علیکم،
آپ دوست فورم پر اپنا انفرادی موڈ ایک موڈ گرافک کے ذریعے ظاہر کر سکتے ہیں۔ آپ کا انفرادی موڈ فورم کے اجتماعی موڈ پر بھی اثر انداز ہوتا ہے۔ میں نے فورم کے اجتماعی موڈ کو دکھانے کے لیے اس میں ایک ہیک نصب کیا ہے جس کے ذریعے آپ دن میں ایک مرتبہ فورم کے موڈ کا تعین کر سکتے ہیں۔ اس کے لیے آپ ایک سے پانچ تک کسی ایک موڈ کا انتخاب کر سکتے ہیں۔ نمبر پانچ بہترین موڈ کو ظاہر کرتا ہے جبکہ نمبر ایک برا موڈ ہے۔ آپ کے ووٹ دینے کے بعد تمام ممبران کے ووٹوں کی اوسط کے مطابق فورم کا موڈ ظاہر ہوگا۔
نوٹ کریں کہ یہ فیچر تجرباتی طور پر شامل کی گئی ہے۔ اس فیچر پر تبصروں کے لیے اس تھریڈ کا استعمال کریں۔
والسلام

 

[ماوراء]

مجھے سمجھ نہیں آئی۔

 

[نبیل]

اسے آپ فورم کی فضا قسم کی چیز سمجھ سکتی ہیں۔ سب لوگ مل کر اپنا موڈ ظاہر کرتے ہیں اور یہ ہیک سب کے موڈ کی ایوریج نکال لیتا ہے۔

 

[arifkarim]

شکریہ نبیل، لیکن یہ فضائی موڈ نظر کہاں آئے گا؟

 

[سیدہ شگفتہ]

یہاں اس صفحہ کے آخر میں نظر آ رہا ہے ۔

 

[سیدہ شگفتہ]

دلچسپ نبیل بھائی لیکن ایک بات ۔ ۔ ۔ اب ایسے کیسے معلوم ہو ۔ ۔ ۔ پہلے سیاسی یا پھر مذہبی زمرہ جات میں درجہ حرارت بلند ہو ذرا تو تب ہی تصدیق ہو سکے گی صحیح معنوں میں

 

[تعبیر]

مجھے سمجھ نہیں آئی۔

شکر ہے کہ کوئی تو میرا جیسا نکلا

اپنا بھی یہی حال تھا
اب کچھ کچھ سمجھ آگیا

 

[ماوراء]

تعبیر، میں ڈھونڈ ڈھونڈ کے۔۔کہ پانچ سے ایک تک کہاں سے منتخب کرنا ہے۔ لیکن پوچھنے کے بعد ہی نظر آ گیا تھا اور پھر سمجھ آ گئی۔ :d

 

[تعبیر]

ماوراء یہ تو اللہ بھلا کرے شگفتہ کا کہ اس کے بتانے سے کچھ پتہ لگا
ورنہ تو میں نے ٹکراتے ہی پھرنا تھا

 

[شاہ حسین]

اسّلام و علیکم
گو کہ میری دوسری ہی پوسٹ ہے پر یہ ایک اچھا سلسلا ہے ۔

 

[محمد وارث]

میرا موڈ آج خراب ہے، ووٹ دے آیا ہوں لیکن افسوس کہ محفل کے موڈ پر کوئی خاص فرق نہیں پڑا

 

[فرخ منظور]

میرا موڈ آج خراب ہے، ووٹ دے آیا ہوں لیکن افسوس کہ محفل کے موڈ پر کوئی خاص فرق نہیں پڑا

حضور کیا ہوا؟ نصیبِ دشمناں موڈ کیوں خراب ہے؟ ہمیں حکم کیجئے آپ کی تفریحِ طبع کا کچھ سامان بہم پہنچائیں۔

 

[نبیل]

خیریت تو ہے برادرم وارث۔۔۔؟
اللہ تعالی آپ کو اپنی حفاظت میں رکھیں اور آپ کی تمام مشکلات کو حل فرمائیں، آمین۔

 

[محمد وارث]

بہت شکریہ فرخ صاحب اور برادرم نبیل، بس ذرا زکام اور کام نے تنگ کیا ہوا ہے، لیکن آپ کی پرسش کے بعد "بیمار کا حال اچھا ہے"

 

[نبیل]

کمال ہے برادرم، وہاں سے دوا لینے کے باوجود افاقہ ہے۔

 

[محمد وارث]

جی برادرم یہ دوا صرف اور صرف وہیں سے ملتی ہے جہاں سے درد ملتا ہے