اے خان
محفلین
اگر آپ کو کسی لڑکی کی پروفائل سے محبت بھرا میسج آئے تو مستقبل کے سہانے سپنوں میں مت کھو جائیں، بلکہ پہلے مندرجہ ذیل طریقوں سے اس کی تفتیش کرنے کی کوشش کریں:
1۔ سب سے پہلے لڑکی کی آئی ڈی کا جائزہ لیں، اگر تو اس کا نام انسانوں والا ہے تو اگلے سٹیپ نمبر 2 پر چلے جائیں لیکن اگر اس کا نام کیوٹ پری، ٹُو ہاٹ ٹو ہینڈل ، تنہا بلبل، سنگل پرنسس، یا اس سے ملتا جلتا ہو تو سمجھ جائیں کہ ابھی آپ کے مقدر پر چھائے تاریکی کے سائے نہیں چھٹے اور اس غفورے کو بلاک کرکے اپنی تلاش جاری رکھیں۔
2۔ اب لڑکی کی وال کا وزٹ کریں اور دیکھیں کہ اس کا یہ اکاؤنٹ کب بنا تھا۔ اگر تو اس نے کل، پرسوں، ایک ہفتہ پہلے یا اسی مہینے اپنا یہ اکاؤنٹ بنایا ہے اور آپ کو انباکس میں خصوصی میسج بھی بھیج دیا ہے تو اس کا یہ مطلب ہر گز نہیں کہ آپ کے اندر سے نکلنے والی مقناطیسی لہروں نے اس لڑکی کو دنیا کے کسی دوسرے کونے سے اپنی طرف متوجہ کرلیا تھا۔ اس کی صرف اور صرف ایک ہی وجہ ہوسکتی ہے کہ یا تو آپ کا کوئی دوست آپ کے ساتھ کوئی گیم کر رہا ہے یا پھر کوئی غفورا آپ کو بیوقوف بنانے کے درپے ہے۔ اسی سٹیپ پر اپنی تفتیش ختم کردیں اور اپنی تلاش جاری رکھیں۔ لیکن اگر اس کی پروفائل تازہ تازہ نہیں بلکہ ایک سال سے پرانی ہے تو پھر آپ اپنی تفتیش جاری رکھتے ہوئے سٹیپ نمبر 3 پر عمل کریں۔
3۔ اب آپ لڑکی کی وال پر اس کے ' اباؤٹ ' سیکشن کا جائزہ لیں۔ اگر تو اس نے اپنی انفارمیشن میں اپنی تعلیم لمز، کنئیرڈ کالج، بیکن ہاؤس سکول سسٹم، ڈی پی ایس، این سی اے، کنگ ایڈروڈ میڈیکل کالج، آئی بی اے کراچی، انجینئرنگ یا سائکالوجی وغیرہ لکھی ہے اور اس کی پوسٹس سستی قسم کی شاعری پر مشتمل ہے تو آپ کی ریسرچ یہیں مفقود ہوتی ہے۔ واپس اسی کام میں لگ جائیں جو اس سے پہلے کررہے تھے، یعنی لڑکی کی تلاش۔ یہ والی کوئی غفورا ہی ہے کیونکہ اگر آپ کو اپنی ماں کی تمام دعائیں بھی لگ جائیں، پھر بھی آپ کو لمز، این سی اے، آئی بی اے، ڈاکٹر یا انجینر لڑکی خود سے کبھی میسج کرکے دوستی کی خواہش کا اظہار نہیں کرے گی۔
لیکن اگر اس نے کچھ نہیں لکھا بلکہ کسی سرکاری سکول یا کالج سے ایف اے یا بی اے کیا ہو تو پھر آپ کی امید ابھی بھی قائم ہے۔ سٹیپ نمبر 4 پر جائیں اور اپنے نصیب کی بارش اپنی چھت پر ہونے کی امید جواں رکھیں۔
4۔ اب آپ لڑکی کی گزشتہ 30 دن کی ایکٹیویٹیز کا جائزہ لیں۔ اگر تو اس کی تمام تر پوسٹس تصویری شکل میں ہیں، مطلب کہ اس نے کسی کی پوسٹس شئیر کی ہیں اور خود سے کبھی کوئی پوسٹ نہیں کی، یا زیادہ سے زیادہ یہ پوسٹ کی ہو کہ آج میرے سر میں بہت درد ہے، یا گڈ مارننگ گائیز، یا میں اس تصویر میں کیسی لگ رہی ہوں، یا آج صبح سے طبیعت بہت خراب ہے، تو میرے بھائی، بوجھل دل کے ساتھ اپنا یہ شرمندگی والا سفر یہیں روک لیں۔ یہ کوئی پرانا خوچل قسم کا غفورا ہے جس کا کام آپ جیسے مفت کے ٹھرکیوں کو بیوقوف بنانا ہے۔ مزید تفتیش کرکے اپنا وقت ضائع مت کریں۔
لیکن اگر اس کی پوسٹس سیاست، سماجی پہلوؤں، اپنے پرسنل حالات زندگی سے متعلق ہوں جن سے لگے کہ یہ سب اس نے خود لکھا ہے تو پھر اپنے من مندر میں بجنے والی گھنٹیوں کے ساز سنتے رہیں اور اگلے سٹیپ نمبر 5 پر پہنچ جائیں۔
5۔ اب آپ نے اس لڑکی کی فرینڈ لسٹ کا بغور جائزہ لینا ہے۔ اگر تو اس کے تمام فرینڈز میں آپ جیسے واجبی شکل و صورت کے ہر عمر کے ٹھرکی حضرات موجود ہیں، جن میں انپڑھ ویلوں سے لے کر سرکاری دفاتر میں کام کرنے والے کلرکس اور مذہبی جماعتوں کے داڑھی بردار کارکن شامل ہیں تو پھر اے میرے بدقسمت دوست، تمہیں اس دفعہ بھی ہمیشہ کی طرح محبت میں ناکامی کا سامنا ہی کرنا پڑا۔ خاموشی سے اس کی وال سے واپس چلے جاؤ، یہاں تمہاری دال تو کیا گلے گی، تمہاری ہڈیاں تک چبا لی جائیں گی۔
لیکن اگر اس کی فرینڈ لسٹ میں مہذب قسم کے لوگ نظر آئیں، جن میں ایک آدھ اس کا فیملی ممبر بھی شامل ہو، تو پھر حوصلہ جواں رکھیں، ہوسکتا ہے کہ اللہ نے آپ کی سن لی ہو ۔ ۔ ۔ سٹیپ نمبر 6 پر تشریف لے جائیں۔
6۔ اب آپ اس لڑکی کی فرینڈ لسٹ میں موجود اپنی عمر کے لڑکوں کی ایک لسٹ مرتب کریں۔ ان سب کی والز کا وزٹ کریں اور ان کا مختصر بائیو ڈیٹا ایک کاغذ پر تحریر کرلیں۔ اب آپ ہر ایک کا اس کی کوالیفیکشن اور نوکری کے حساب سے اپنے ساتھ موازنہ کریں۔ اگر تو وہ سب لوگ شکل و صورت میں آپ سے بہتر ہوں، یا تعلیم اور سٹیٹس کے اعتبار سے آپ سے اوپر ہوں تو فیس بک کے دائیں جانب اوپر لگے ' سائن آؤٹ ' کی آپشن کو استعمال کریں، باتھ روم میں جا کر اپنے منہ پر ٹھنڈے پانی کے چھینٹے ماریں، تولیں سے منہ رگڑ رگڑ کر صاف کریں اور پھر شیشے کے سامنے کھڑے ہو کر اپنے آپ سے سوال کریں کہ اس لڑکی کو کیا پاگل کتے نے کاٹا تھا جو تم سے بہتر لوگوں کی موجودگی میں تمہارے پیچھے پڑ گئی؟ آپ کی تفتیش یہیں ختم ہوگئی۔
لیکن اگر شومئی قسمت سے اس لڑکی کی لسٹ میں آپ سے بھی زیادہ شوخے اور ناکام لوگ پائے جاتے ہیں تو پھر 'ابھی مجھ میں کہیں، باقی تھوڑی سی ہے زندگی' گاتے ہوئے آخری سٹیپ نمبر 7 پر چلے جائیں۔
7۔ اگر اپنی تفتیش کے تمام مراحل سے گزرنے کے بعد اس سٹیپ پر پہنچ گئے ہیں تو یاد رکھیں، آپ ان 2 فیصد خوش نصیبوں میں سے ایک ہیں جنہیں بظاہر ایک اصلی لڑکی نے خود سے میسج کرکے دوستی کی خواہش کا اظہار کیا۔
اب آپ ٹھنڈا پانی پئیں، تھوڑی دیر کیلئے آنکھیں بند کر کے مراقبے کی حالت میں چلے جائیں، اپنے ذہن کو ہر قسم کی سوچ سے خالی کردیں ۔ ۔ ۔ ۔ دنیا کی کوئی فکر، کوئی پریشانی اپنے ذہن میں مت آنے دیں۔
اسی حالت میں لیٹے رہیں، تھوڑی دیر بعد کوئی گھر والا آپ کو ٹھڈا یا جوتا مار کر نیند سے جگا دے گا ۔ ۔ ۔ ۔ آپ کا خواب یہیں ختم ہوا کیونکہ حقیقی زندگی میں تو کوئی لڑکی اس طرح آپ سے دوستی یا عشق کا اظہار کرنے سے رہی۔
ایڈے تُسی ٹام کروز.....
حوالہ. مجھے خود نہیں معلوم
1۔ سب سے پہلے لڑکی کی آئی ڈی کا جائزہ لیں، اگر تو اس کا نام انسانوں والا ہے تو اگلے سٹیپ نمبر 2 پر چلے جائیں لیکن اگر اس کا نام کیوٹ پری، ٹُو ہاٹ ٹو ہینڈل ، تنہا بلبل، سنگل پرنسس، یا اس سے ملتا جلتا ہو تو سمجھ جائیں کہ ابھی آپ کے مقدر پر چھائے تاریکی کے سائے نہیں چھٹے اور اس غفورے کو بلاک کرکے اپنی تلاش جاری رکھیں۔
2۔ اب لڑکی کی وال کا وزٹ کریں اور دیکھیں کہ اس کا یہ اکاؤنٹ کب بنا تھا۔ اگر تو اس نے کل، پرسوں، ایک ہفتہ پہلے یا اسی مہینے اپنا یہ اکاؤنٹ بنایا ہے اور آپ کو انباکس میں خصوصی میسج بھی بھیج دیا ہے تو اس کا یہ مطلب ہر گز نہیں کہ آپ کے اندر سے نکلنے والی مقناطیسی لہروں نے اس لڑکی کو دنیا کے کسی دوسرے کونے سے اپنی طرف متوجہ کرلیا تھا۔ اس کی صرف اور صرف ایک ہی وجہ ہوسکتی ہے کہ یا تو آپ کا کوئی دوست آپ کے ساتھ کوئی گیم کر رہا ہے یا پھر کوئی غفورا آپ کو بیوقوف بنانے کے درپے ہے۔ اسی سٹیپ پر اپنی تفتیش ختم کردیں اور اپنی تلاش جاری رکھیں۔ لیکن اگر اس کی پروفائل تازہ تازہ نہیں بلکہ ایک سال سے پرانی ہے تو پھر آپ اپنی تفتیش جاری رکھتے ہوئے سٹیپ نمبر 3 پر عمل کریں۔
3۔ اب آپ لڑکی کی وال پر اس کے ' اباؤٹ ' سیکشن کا جائزہ لیں۔ اگر تو اس نے اپنی انفارمیشن میں اپنی تعلیم لمز، کنئیرڈ کالج، بیکن ہاؤس سکول سسٹم، ڈی پی ایس، این سی اے، کنگ ایڈروڈ میڈیکل کالج، آئی بی اے کراچی، انجینئرنگ یا سائکالوجی وغیرہ لکھی ہے اور اس کی پوسٹس سستی قسم کی شاعری پر مشتمل ہے تو آپ کی ریسرچ یہیں مفقود ہوتی ہے۔ واپس اسی کام میں لگ جائیں جو اس سے پہلے کررہے تھے، یعنی لڑکی کی تلاش۔ یہ والی کوئی غفورا ہی ہے کیونکہ اگر آپ کو اپنی ماں کی تمام دعائیں بھی لگ جائیں، پھر بھی آپ کو لمز، این سی اے، آئی بی اے، ڈاکٹر یا انجینر لڑکی خود سے کبھی میسج کرکے دوستی کی خواہش کا اظہار نہیں کرے گی۔
لیکن اگر اس نے کچھ نہیں لکھا بلکہ کسی سرکاری سکول یا کالج سے ایف اے یا بی اے کیا ہو تو پھر آپ کی امید ابھی بھی قائم ہے۔ سٹیپ نمبر 4 پر جائیں اور اپنے نصیب کی بارش اپنی چھت پر ہونے کی امید جواں رکھیں۔
4۔ اب آپ لڑکی کی گزشتہ 30 دن کی ایکٹیویٹیز کا جائزہ لیں۔ اگر تو اس کی تمام تر پوسٹس تصویری شکل میں ہیں، مطلب کہ اس نے کسی کی پوسٹس شئیر کی ہیں اور خود سے کبھی کوئی پوسٹ نہیں کی، یا زیادہ سے زیادہ یہ پوسٹ کی ہو کہ آج میرے سر میں بہت درد ہے، یا گڈ مارننگ گائیز، یا میں اس تصویر میں کیسی لگ رہی ہوں، یا آج صبح سے طبیعت بہت خراب ہے، تو میرے بھائی، بوجھل دل کے ساتھ اپنا یہ شرمندگی والا سفر یہیں روک لیں۔ یہ کوئی پرانا خوچل قسم کا غفورا ہے جس کا کام آپ جیسے مفت کے ٹھرکیوں کو بیوقوف بنانا ہے۔ مزید تفتیش کرکے اپنا وقت ضائع مت کریں۔
لیکن اگر اس کی پوسٹس سیاست، سماجی پہلوؤں، اپنے پرسنل حالات زندگی سے متعلق ہوں جن سے لگے کہ یہ سب اس نے خود لکھا ہے تو پھر اپنے من مندر میں بجنے والی گھنٹیوں کے ساز سنتے رہیں اور اگلے سٹیپ نمبر 5 پر پہنچ جائیں۔
5۔ اب آپ نے اس لڑکی کی فرینڈ لسٹ کا بغور جائزہ لینا ہے۔ اگر تو اس کے تمام فرینڈز میں آپ جیسے واجبی شکل و صورت کے ہر عمر کے ٹھرکی حضرات موجود ہیں، جن میں انپڑھ ویلوں سے لے کر سرکاری دفاتر میں کام کرنے والے کلرکس اور مذہبی جماعتوں کے داڑھی بردار کارکن شامل ہیں تو پھر اے میرے بدقسمت دوست، تمہیں اس دفعہ بھی ہمیشہ کی طرح محبت میں ناکامی کا سامنا ہی کرنا پڑا۔ خاموشی سے اس کی وال سے واپس چلے جاؤ، یہاں تمہاری دال تو کیا گلے گی، تمہاری ہڈیاں تک چبا لی جائیں گی۔
لیکن اگر اس کی فرینڈ لسٹ میں مہذب قسم کے لوگ نظر آئیں، جن میں ایک آدھ اس کا فیملی ممبر بھی شامل ہو، تو پھر حوصلہ جواں رکھیں، ہوسکتا ہے کہ اللہ نے آپ کی سن لی ہو ۔ ۔ ۔ سٹیپ نمبر 6 پر تشریف لے جائیں۔
6۔ اب آپ اس لڑکی کی فرینڈ لسٹ میں موجود اپنی عمر کے لڑکوں کی ایک لسٹ مرتب کریں۔ ان سب کی والز کا وزٹ کریں اور ان کا مختصر بائیو ڈیٹا ایک کاغذ پر تحریر کرلیں۔ اب آپ ہر ایک کا اس کی کوالیفیکشن اور نوکری کے حساب سے اپنے ساتھ موازنہ کریں۔ اگر تو وہ سب لوگ شکل و صورت میں آپ سے بہتر ہوں، یا تعلیم اور سٹیٹس کے اعتبار سے آپ سے اوپر ہوں تو فیس بک کے دائیں جانب اوپر لگے ' سائن آؤٹ ' کی آپشن کو استعمال کریں، باتھ روم میں جا کر اپنے منہ پر ٹھنڈے پانی کے چھینٹے ماریں، تولیں سے منہ رگڑ رگڑ کر صاف کریں اور پھر شیشے کے سامنے کھڑے ہو کر اپنے آپ سے سوال کریں کہ اس لڑکی کو کیا پاگل کتے نے کاٹا تھا جو تم سے بہتر لوگوں کی موجودگی میں تمہارے پیچھے پڑ گئی؟ آپ کی تفتیش یہیں ختم ہوگئی۔
لیکن اگر شومئی قسمت سے اس لڑکی کی لسٹ میں آپ سے بھی زیادہ شوخے اور ناکام لوگ پائے جاتے ہیں تو پھر 'ابھی مجھ میں کہیں، باقی تھوڑی سی ہے زندگی' گاتے ہوئے آخری سٹیپ نمبر 7 پر چلے جائیں۔
7۔ اگر اپنی تفتیش کے تمام مراحل سے گزرنے کے بعد اس سٹیپ پر پہنچ گئے ہیں تو یاد رکھیں، آپ ان 2 فیصد خوش نصیبوں میں سے ایک ہیں جنہیں بظاہر ایک اصلی لڑکی نے خود سے میسج کرکے دوستی کی خواہش کا اظہار کیا۔
اب آپ ٹھنڈا پانی پئیں، تھوڑی دیر کیلئے آنکھیں بند کر کے مراقبے کی حالت میں چلے جائیں، اپنے ذہن کو ہر قسم کی سوچ سے خالی کردیں ۔ ۔ ۔ ۔ دنیا کی کوئی فکر، کوئی پریشانی اپنے ذہن میں مت آنے دیں۔
اسی حالت میں لیٹے رہیں، تھوڑی دیر بعد کوئی گھر والا آپ کو ٹھڈا یا جوتا مار کر نیند سے جگا دے گا ۔ ۔ ۔ ۔ آپ کا خواب یہیں ختم ہوا کیونکہ حقیقی زندگی میں تو کوئی لڑکی اس طرح آپ سے دوستی یا عشق کا اظہار کرنے سے رہی۔
ایڈے تُسی ٹام کروز.....
حوالہ. مجھے خود نہیں معلوم
۔ 
