قطعات ۔ صوفی تبسم

[فرخ منظور]

اگر قلبِ تپاں کی آرزو ہے
لپٹ جا کر کسی خونیں جگر سے
نگاہیں کیوں جمی ہیں بوالہوس پر
ملے گا کیا چراغِ رہگزر سے
​

 

[فرخ منظور]

وفورِ کاہشِ پیہم سے تیرا جسمِ نزار
ترے شعور کا بارِ گراں اٹھا نہ سکا
پگھل کے خون ہوا قبلِ نازنیں تیرا
یہ جام تندیِ صہبا کی تاب لا نہ سکا
​

 

[فرخ منظور]

نہ جانے کٹ گیا کس بے خودی کے عالم میں
وہ ایک لمحہ گزرتے جسے زمانہ لگے
وہ ذوق و شوقِ محبّت کی واردات نہ پوچھ
جو آج خود بھی سنوں میں تو اِک فسانہ لگے
​

 

[فرخ منظور]

یہ جاں فروشیاں ترے کس کام آئیں گی
بے کار پھر رہے ہیں یہاں تو بدن فروش
سودا وہی ہے آج بھی بازارِ عشق کا
ہاں کوئی نو فروش ہے کوئی کُہن فروش
​

 

[فرخ منظور]

چشمِ نظارہ بیں پہ کھلے کیا رہِ کشود
جب دیکھنا یہی در و دیوار دیکھنا
دیدار بزمِ یار تبسّمؔ کہاں نصیب
اب رہ گیا ہے کوچۂ دلدار دیکھنا
​

​