قطعہ

[احمد بلال]

خاک حاصل ہو سکے اوجِ قمر
سوچ یہ رکھتے ہوں جب اہلِ ہنر
پائیں سامانِ طرب پیہم ولے
نہ بہے یک قطرہء خونِ جگر
الف عین ، محمد وارث ، فاتح ، مزمل شیخ بسمل

 

[محمد اسامہ سَرسَری]

بہت ہی عمدہ قطعہ ہے۔
بہت سی داد۔۔۔۔

 

[الف عین]

درست، بس آخری مصرع میں ’نا بہے‘ پر اعتراض ہوتا ہے مجھے۔ ’بہہ نہ پائے قطرہ خون جگر‘ کہیں تو؟

 

[احمد بلال]

نہ بہے پر اعتراض کی کیا وجہ ہے؟

 

[ابن رضا]

خوب است

 

[احمد بلال]

درست، بس آخری مصرع میں ’نا بہے‘ پر اعتراض ہوتا ہے مجھے۔ ’بہہ نہ پائے قطرہ خون جگر‘ کہیں تو؟

میں نے غالب کے کلام میں دیکھا ہے۔ غالب نے کسی بھی جگہ "نہ" کو سبب خفیف نہیں استعمال کیا۔ ہمیشہ اگلے لفظ کے ساتھ ملا کے یا وتد مجموع بنایا ہے یا فاصلہ صغریٰ۔ اب میں سمجھ گیا ہوں کہ کیا وجہ تھی اعتراض کی۔ میں اسے تبدیل کرنے کی کوشش کروں گا۔ لیکن میں نے "یک" کے لفظ کو دانستاً استعمال کیا تھا شدت کے لیے۔ اسے نہیں ختم کرنا چاہتا۔ میرا مطلب ادھورا رہ جائے گا۔ البتہ علم میں اضافہ ہوا۔ اچھا لگا۔
ویسے اب میں یہ پوچھنا چاہتا ہوں کہ اور لفظوں میں جہاں "نہ" آتا ہے مثلاً خانہ، سینہ وغیرہ ، ان کا "نہ" سبب خفیف پر آسکتا ہے؟ غالب نے استعمال کیا ہے۔ اگر یہ آ سکتا ہے تو صرف "نہ" کیوں نہیں، اس کا قاعدہ مختلف کیوں ہے؟

 

[محمد اسامہ سَرسَری]

خانہ اور سینہ کے آخر میں جو ہ ہے وہ ”نہ“ کی ہ سے بہت مختلف ہے ، مکمل متلفظ ہوتی ہے، اضافت کی صورت میں اس پر ہمزہ بھی آتا ہے جیسے خانۂ خدا ، سینۂ پاک۔

 

[انوار گوندل؎]

واہ کمال ہے جی۔۔۔۔

 

[احمد بلال]

درست، بس آخری مصرع میں ’نا بہے‘ پر اعتراض ہوتا ہے مجھے۔ ’بہہ نہ پائے قطرہ خون جگر‘ کہیں تو؟

"مت بہے" صحیح ہے؟

 

[احمد بلال]

الف عین " مت بہے یک قطرہء خون جگر" صحیح ہے؟

 

[الف عین]

نہیں۔ ’مت‘ محض اوامر و نواہی میں آتا ہے۔

 

[احمد بلال]

الف عین یوں ہو سکتا ہے؟
"نے بہے یک قطرہ ء خونِ جگر"

 

[الف عین]

الف عین یوں ہو سکتا ہے؟
"نے بہے یک قطرہ ء خونِ جگر"

اس میں بھی مجھے شک ہے۔ میرے خیال میں
کیوں بہے اک۔۔۔
کہیں تو؟؟