قیامت برائے اصلاح

[ارشد چوہدری]

بحر (رجز مثمن سالم ) مستفعلن مستفعلن مستفعلن مستفعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آنے ہی والا لمحہ ہے سب کچھ ہلایا جائے گا
سارا جہاں مٹ جائے گا میداں بنایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
باقی رہے گا نامِ رب اوّل وہی آخر بھی ہے
پھر قُم کا نعرہ گونجے گا سب کو اُٹھایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاضر ہوں گے سارے ہی جو پہلے تھے اور پچھلے سبھی
پھر اذنِ رب سے حشر کا میداں سجایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرے خدا کے تخت کو تھامے ملائک آئیں گے
دیدار بھی میرے خدا کا پھر کرایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرے خدا کے سامنے مومن تو سب جھک جائیں گے
مشرک سے تو خود کو سجدے میں گرایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انسان کے اعمال اس کے سامنے سب آئیں گے
اعمال جس کے جو ہوں اس کو دکھایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محرومِ دنیا پھر مسند پر بٹھائے جائیں گے
ظالم کو پھر اس دن جہنّم میں جلایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امید ہے ارشد خدا بھی بخش دے تیری خطا
ہو گی شفاعت تو تجھے کوثر پلایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[سید عمران]

لڑی کا عنوان البتہ قابلِ اصلاح ہے!!!

 

[الف عین]

گویا یہ مسلسل غزل کی شکل میں نظم ہے

آنے ہی والا لمحہ ہے سب کچھ ہلایا جائے گا
سارا جہاں مٹ جائے گا میداں بنایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آن والا تقطیع ہونا یعنی آنے کی ے کا اسقاط،اور" لمحہ ہے" میں ح ہ کی تکرار ناگوار ہے، 'ہلایا' کیا جائے گا، کچھ مثال بھی دیں

باقی رہے گا نامِ رب اوّل وہی آخر بھی ہے
پھر قُم کا نعرہ گونجے گا سب کو اُٹھایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گونجے کی ے بھی گر گئی ہے
قم کی صدا گونجے گی پھر سب کو....

حاضر ہوں گے سارے ہی جو پہلے تھے اور پچھلے سبھی
پھر اذنِ رب سے حشر کا میداں سجایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہوں گے کو "ہُگے" تقطیع بھی ناگوار ہے
اگلے سبھی پچھلے سبھی حاضر وہاں ہوں گے سبھی
رواں نہیں لگتا؟

میرے خدا کے تخت کو تھامے ملائک آئیں گے
دیدار بھی میرے خدا کا پھر کرایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صرف جنتی کو دیدار رب ملے گا میرے خیال میں! 'میرے خدا' بھی دہرایا گیا ہے

میرے خدا کے سامنے مومن تو سب جھک جائیں گے
مشرک سے تو خود کو سجدے میں گرایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرا مصرع بحر سے خارج

انسان کے اعمال اس کے سامنے سب آئیں گے
اعمال جس کے جو ہوں اس کو دکھایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اعمال کا دہرایا جانا اچھا نہیں لگتا ہے ، یوں کہیے
جس نے عمل جو بھی کیا، اس....

محرومِ دنیا پھر مسند پر بٹھائے جائیں گے
ظالم کو پھر اس دن جہنّم میں جلایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع بحر سے خارج

امید ہے ارشد خدا بھی بخش دے تیری خطا
ہو گی شفاعت تو تجھے کوثر پلایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'عت تو تجھے' میں ت کی تکرار اچھی نہیں۔ پھر کوثر تو نبی اکرم ص پلائیں گے!