اکبر الہ آبادی لطیفہ - اکبر الہ آبادی

[پیاسا صحرا]

لطیفہ

ایک بوڑھا نحیف خستہ و زار
اک ضرورت سے جاتا تھا بازار

ضعف پیری سے خم ہوئی تھی کمر
راہ بیچارہ چلتا تھا جھک کر

چند لڑکوں کو اس سے آئی ہنسی
قد پہ پھبتی کمان کی سوجھی

کہا اک لڑکے نے یہ اس سے کہ بول
تو نے کتنے کو لی کمان یہ مول

پیر مردِ لطیف و دانش مند
ہنس کے کہنے لگا کہ اے فرزند

پہنچو گے میری عمر کو جس آن
مفت مل جائے گی تمہیں یہ کمان

اکبر الہ آبادی​

 

[فرخ منظور]

بہت خوب! شکریہ پیاسا صحرا!

 

[یونس عارف]

بہت زبردست

 

[mfdarvesh]

شاعری ہے جی۔

 

[Ahsanilyas45]

بہت ہی خوب پیغام ہے...

 

[شمشاد]

Ahsanilyas45 اردو محفل میں خوش آمدید۔

اپنا تعارف تو دیں۔

 

[یوسف-2]

استاد قمر جلالوی سے منسوب ایک شعر کچھ یوں ہے:

بے وجہ خم نہیں میری کمر میں اے قمر
جھک کے ڈھونڈتا ہوں، جوانی کدھر گئی

 

[محمد خلیل الرحمٰن]

بھائ یوسف
استادوں پر تہمت لگانا اچھی بات نہیں.۔ اس شکل میں یہ شعر استاد قمر جلالوی کا نہیں ہوسکتا
دوسرا مصرعہ تو کچھ یوں ہے، پہلا یاد نہیں۔
میں جھک کے ڈھونڈتا ہوں، جوانی کدھر گئی

 

[حماد]

بھائ یوسف
استادوں پر تہمت لگانا اچھی بات نہیں.۔ اس شکل میں یہ شعر استاد قمر جلالوی کا نہیں ہوسکتا
دوسرا مصرعہ تو کچھ یوں ہے، پہلا یاد نہیں۔
میں جھک کے ڈھونڈتا ہوں، جوانی کدھر گئی

پیری سے خم نہیں ہے مری کمر میں قمر
میں جھک کے ڈھونڈتا ہوں جوانی کدھر گئی

استاد قمر جلالوی

 

[کاشفی]

بہت خوب۔۔۔۔۔

 

[یوسف-2]

پیری سے خم نہیں ہے مری کمر میں قمر
میں جھک کے ڈھونڈتا ہوں جوانی کدھر گئی

استاد قمر جلالوی

آداب عرض ہے ۔
دراصل میرے ساتھ ایک بائی ڈیفالٹ مسئلہ ہے
اول تو مجھے کوئی شعر یاد نہیں رہتا
اور اگر کوئی شعر یاد رہ جائے
تو پھر وہ شعر نہیں رہتا
(رشید احمد صدیقی)

 

[سید عاطف علی]

دوسرا مصرعہ تو کچھ یوں ہے، پہلا یاد نہیں۔

ﭘﯿﺮﯼ ﺳﮯ ﺧﻢ ﻧﮩﯿﮟ ﮨﮯ ﮐﻤﺮ ﻣﯿﮟ ﻣﺮﯼ ﻗﻤﺮ
ﻣﯿﮟ ﺟﮭﮏ ﮐﮯ ﮈﮬﻮﻧﮉﺗﺎ ﮨﻮﮞ ﺟﻮﺍﻧﯽ ﮐﺪﮬﺮ ﮔﺌﯽ
آج یہ شعر اس شکل مین نظر آیا۔

 

[حبیب صادق]

بہت عمدہ معلومات