لقمان - ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ (يو ایس دفتر خارجہ)

[نایاب]

قابل احترام شمشاد صاحب،​

اسلام و عليکم،​

​

اختلاف صرف اختلاف لئی نہ تے کوئی بڑی صحت مند نہ ہی کوئی مفید گل اے. اصل مشکلاں جينا دا پاکستان نوں سامنا کرنا پے ريہا اے امریکہ دی طرفوں نہی بلکہ انتہا پسندی تے اقتصادی ترقی دی کمی دی وجہ نال اے۔ امریکہ پاکستان دے نال آج وی کھڑا اے جيويں او ماضی وچ وی ہر مشکل دی گھڑی وچ کھلوتا سی، پا کستان دے بناون وچ وی امريکہ دا بڑا اہم کردار اے۔ اج کوئی لگ بگ 18 کروڑ لوکی ايس وطن وچ کسے ن کسے شکل وچ انتہا پسندی توں متاثر نيں- امريکہ پاکستان دی انتہا پسنداں تے دہشت گرداں دے نال لڑائی لئی مدد کر ريہا اے کيونکہ انتہا پسند تے دہشت گرد پاکستان دے سياسی استحکام تے قومی اکٹھہ لئی خطرے دی وجہ نيں۔ کدی نظر تے پا کے ديکھو کے امريکی حکومت نے پاکستان وچ تعليم دے میعار دی بہۃری، غربت دے خاتمے، انتہا پسندی تے دہشت گردی دے خلاف لڑائی لئی کينے پروگرام شروع کيتے ہوئے نيں-​

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ​

digitaloutreach@state.gov​

www.state.gov​

http://www.facebook.com/USDOTPunjabi​

لقمان جی ۔ انج لگدا اے جیویں تسی کہنا چاہندے او کہ " پاکستان نوں وگاڑن اچ امریکہ دا بہوں ڈونگا ہتھ اے "
ایوین " چھنج " پاون دا کوئی فیدا نئیں ۔
اے گل کسے توں وی لکی چھپی نئیں کے " پاکستان نوں اے سارے اوکھے سیاپے امریکہ بہادر نوں اپنا " جگر " سمجھدیاں ای پیئے نیں ۔
عسکری بھرا نے ساڈھے جگری یار دے سارے کارنامے کھول دتے نیں ۔
دوجی حقیقت اے کے پاکستان دہشتگردی دے خلاف امریکہ بہادر دی مدد کر ریا اے ۔ امریکہ پاکستان دی نئیں ۔
امریکہ بہادر ساہنوں ساڈھے حال تے چھڈ دیوے تے بڑی میربانی ۔۔۔۔۔۔۔۔۔۔۔۔۔۔۔۔۔۔

 

[وجی]

لقمان جی ۔ انج لگدا اے جیویں تسی کہنا چاہندے او کہ " پاکستان نوں وگاڑن اچ امریکہ دا بہوں ڈونگا ہتھ اے "
ایوین " چھنج " پاون دا کوئی فیدا نئیں ۔
اے گل کسے توں وی لکی چھپی نئیں کے " پاکستان نوں اے سارے اوکھے سیاپے امریکہ بہادر نوں اپنا " جگر " سمجھدیاں ای پیئے نیں ۔
عسکری بھرا نے ساڈھے جگری یار دے سارے کارنامے کھول دتے نیں ۔
دوجی حقیقت اے کے پاکستان دہشتگردی دے خلاف امریکہ بہادر دی مدد کر ریا اے ۔ امریکہ پاکستان دی نئیں ۔
امریکہ بہادر ساہنوں ساڈھے حال تے چھڈ دیوے تے بڑی میربانی ۔۔۔ ۔۔۔ ۔۔۔ ۔۔۔ ۔۔۔ ۔۔۔

اصل چے گل اے پا نایاب کہ فواد دی دال نئیں گلی کچی رہ گئی
تے ایسے واسطے بابے لقمان دا منجن مارکیٹ وچ آیا اے ۔

 

[قیصرانی]

ہور سناؤ کدوں کدوں تسی ساڈے نال سی ؟؟؟؟؟؟؟؟؟؟؟؟؟؟؟؟؟

جدوں جدوں تسی ستے پئے سی

 

[آبی ٹوکول]

یاللہ میں کیہڑے پاسے جانواں تے منجی کتھے ڈاھانواں جدھر تکو ادھر امریکی

 

[قیصرانی]

یاللہ میں کیہڑے پاسے جانواں تے منجی کتھے ڈاھانواں جدھر تکو ادھر امریکی

اٹ پُٹو تھلے۔۔۔

 

[ساجد]

لقمان پنجابی جی اردو محفل تے تہاڈا سواگت اے ۔ اسیں تاں ایہو ای امید رکھاں گے کہ تُسی سجناں بیلیاں دی ایس محفل وچہ کُجھ ودھیا سانجھ پاؤ گے تے امریکہ دیاں اوہناں پالیسیاں دا پَکھ نئیں کرو گے جنہاں نے امریکہ دے سِر وچہ سوا پائی اے تے ساری دُنیا نوں تباہی دے کنڈے تے لیا کے کھڑا کر دتا اے۔

 

[آبی ٹوکول]

اٹ پُٹو تھلے۔۔۔

آہو تے نالئے جہیڑا کٹو اوہو اییییی ۔۔۔۔۔

 

[قرۃالعین اعوان]

اس توں وڈا لطیفہ میں سنیا ای کوئی نئی امریکا ساڈا دوست اے تے وت دشمن کس نوں آکھ دے ہن؟

 

[لقمان پنجابی]

کدوں دی گل اے پا جی ؟ یاد کراؤاں کجھ جے حکم ہوئے سرکار دا تے؟
1965 دیاں پابندیاں
1971 دیاں پابندیاں تے چھیواں بحری بیڑا
1989 پریسلر ترمیم دیاں پابندیاں
ایف سولہ جنہاں دے بدلے کنک ملی سی
گلارشیا کلاس بحری جہازاں دی واپسی
پی تھری سی جہازاں دا سامان روکنا
اقتصادی معاشی پابندیاں دے دس سال؟
ریمونڈ ڈیوس جئے قاتل سی آئی اے دیاں بدمعاشیاں؟
سی آئی اے دی پاکستان وچ مداخلت ؟
ڈرون حملیاں نال ساڈی خؤد مختیاری دا جنازہ؟
سلالہ تے حملہ؟
بارڈر پار انڈیا دے 7 کونسلیٹ ؟
بارڈر پاروں سارا سال راکٹ تے جہادی حملے
امریکی دھمکیاں تے بلیک میلنگاں؟
اسامہ لئی پاکستان تے کھلا حملہ
ہور سناؤ کدوں کدوں تسی ساڈے نال سی ؟؟؟؟؟؟؟؟؟؟؟؟؟؟؟؟؟

محترم شمشاد صاحب،​

تواڈے سوال دا جواب دين توں پہلے ميں بابا بلھے شاہ دا اک شعر تواڈی نذر کرنا چاھواں گا:​

پڑھ پڑھ عالم فاضل ہويوں کدی اپنے آپ نوں پڑھيا ای نئی​

ايس شعر دے نال گل شروع کرن دا مقصد اے وے کہ توانوں ايس حقيقت وارے دس دواں کے علم ہونا اک چنگی چيز اے پر تواڈا اپنے آپ نوں جاننا ذيادہ ضروری کيونکہ اے توانوں علم دی اصل پہچان تے اودھے استعمال اچ مدد ديندا اے۔​

سارياں نالوں پہلے اک گل دسنا چوہنا واں کے بين الاقوامی تعلقات تقريبن اوداں ہی چلدے نيں جداں ساڈے ياراں نال، رشتے داراں نال، تے اوناں لوکاں نال جناں دے نال اسی روزاناں کسے ناں کسے وجہ نال ميل ملاپ کردے آں- ہر رشتے دے چنگے نبھا لئي کچھہ ميعار تے اميداں دا خيال دوواں دھڑياں لئی رکھنا بہت ضروری اے۔​

ميں تواڈے سامنے اک مختصر جيا خلاصہ پيش کرريہاں اوس دستاويز دا جيڑی امريکی دفترے خارجہ دے تجزیہ کاراں نے اعلی امريکی حکام نوں لکھی سی اے گل سمجھاون لئی کہ پاکستان دے نال پاليسی دے مسئلے تے کيوں مشکلاں پيش اريہياں نيں- تفصيل نال پڑھن لئي ميں دستاويز دا لنک وی پيجھہ ريہيا:​

http://www.foia.cia.gov/sites/defau...sions/5829/CIA-RDP80B01676R000400110011-6.pdf

1960 دی دھائی وچ امريکہ تے پاکستان دے درميان اک دوجے دی سلامتی دے مسئلے تے دو ئيپکشی (بائی ليٹرل) معاہدہ سی، تے دوويں ملک ساؤتھہ ايسٹ ايشيا ٹريٹی آرگنائيزيشن تے سينٹرل ٹريٹی آرگنائيزيشن دے رکن وی سن- امريکی دفترے خارجہ دے تجزيہ کاراں دے مطابق ايس سارے عرصے دے دوران اپنی خارجہ پاليسی دے ضمن وچ پاکستان نيں کجھہ ايہو جے قدم چکے جيڑے کيتے ہوئے معاہدياں دے خلاف سن۔ مثال دے طور تے، پاکستان نے ساؤتھہ ايسٹ ايشيا ٹريٹی آرگنائيزيشن نال کيتے ہوئے معاہدے تے واعدياں دا احترام ناں کردياں ھوياں کمیونزم دے پھیلاؤ نوں روکن لئی امداد نہی کيتی۔ ايدے علاوہ پاکستان نيں امريکہ نال کيتے ہوئے فوجی امداد دے معاہدے دی خلاف ورزی کرديا ہوياں سی-ون تھرٹی طيارے دے پرزے اک تيجے ملک نوں دے ديتے حالانکہ معاہدے دے مطابق امريکی حکومت نے اے پرزے پاکستان دے اپنے ذاتی استعمال لئی امداد دی صورت وچ ديتے سن- 1965 دياں ہندوستان نال جنگ توں پہلے سرحدی جھڑپاں وچ پاکستان نے کچھہ ايسے فوجی آلياں دا استعمال کيتا جناں دا معاہدے دے مطابق ہندوستان دے خلاف استعمال دی اجازت نہي سی، ايس قسم دياں شکاں معاہدياں وچ امن نو قائم رکھن لئی عمومن پائیاں جاندياں نيں، پاکستان دا معاہدے تے دستخط کرنا تے اودے تے عمل کرنا اپنے اختيار وچ سی۔ اناں سارياں گلاں نوں اک پاسے رکھہ کے ميں توانوں دسنا چوھنا کے پاکستان اج وی اوناں ملکاں دی فہرست وچ ‎ارياں نالوں اگے وے جيناں نوں امريکی فوجی تے ترقياتی منصوبياں لئی امداد ملدی اے۔​

آخیر وچ توانوں پنجابی دا اک اکھان پيش کر ريہاں: يارياں لونياں سوکھياں تے نبھانياں اوکھياں مۃرا۔​

​

​

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ​

digitaloutreach@state.gov​

www.state.gov​

http://www.facebook.com/USDOTPunjabi​

 

[ساجد]

کر لو جو کرنا اے انہاں سرکاراں دا۔ اُتلے سرنامے وچہ ایہہ اقتباس پئے لیندے نیں عسکری دا تا گل پئے کردے نیں شمشاد بھائی نال۔
اوہ بھائی جی تہاڈی تے اپنی ہستی ڈانوں ڈول لگدی اے ۔ ساہنوں کیہڑے امریکی سبق پڑھان آ گئے او؟

 

[آبی ٹوکول]

اوہ مینون کنے واج ماری اے فیر ایتھے میں امریکہ دا ویزہ لبنا پھرنا تاکہ حکیم لقمان جی ہوران اوتھے جاکے پچھان کے اونھان نون کی لبدا اے امریکہ دی وکالت دا

 

[Ukashah]

ھاھاھا ۔ بھائی ایک ہی بار اوبامہ مسز اوبامہ کو تمام زبانیں سکھا کہ جا کر قم میں آٖرام کرو ۔ کن چکروں میں پڑے ہو ۔

کیسے کیسے نمونے موجود ہیں ۔

 

[شمشاد]

علموں بس کریں او یار۔

سانوں اپنی آپ ہی نبیھڑن دیو۔ تُسی اپنی آپ نبیھڑو۔
اسی اوکھے سوکھے ہو کے آپ ہی نبیھڑ لاں گے۔

تُسی زیادہ تو زیادہ اے ای کرو گے کہ پاکستان تے پابندیاں لا دیو گے۔ تو سو بسم اللہ لا دیو پابندیاں۔ جدوں مرن لگاں گے تے جین دا آپے ہی ول آ جائے گا۔

 

[لقمان پنجابی]

کدوں دی گل اے پا جی ؟ یاد کراؤاں کجھ جے حکم ہوئے سرکار دا تے؟
1965 دیاں پابندیاں
1971 دیاں پابندیاں تے چھیواں بحری بیڑا
1989 پریسلر ترمیم دیاں پابندیاں
ایف سولہ جنہاں دے بدلے کنک ملی سی
گلارشیا کلاس بحری جہازاں دی واپسی
پی تھری سی جہازاں دا سامان روکنا
اقتصادی معاشی پابندیاں دے دس سال؟
ریمونڈ ڈیوس جئے قاتل سی آئی اے دیاں بدمعاشیاں؟
سی آئی اے دی پاکستان وچ مداخلت ؟
ڈرون حملیاں نال ساڈی خؤد مختیاری دا جنازہ؟
سلالہ تے حملہ؟
بارڈر پار انڈیا دے 7 کونسلیٹ ؟
بارڈر پاروں سارا سال راکٹ تے جہادی حملے
امریکی دھمکیاں تے بلیک میلنگاں؟
اسامہ لئی پاکستان تے کھلا حملہ
ہور سناؤ کدوں کدوں تسی ساڈے نال سی ؟؟؟؟؟؟؟؟؟؟؟؟؟؟؟؟؟

قابل احترام عسکری بھا،
سارياں نالوں پہلے معذرت نال عرض اے کے 1965 دی جنگ والے تواڈے سوال دا جواب ميں شمشاد بھا ہوناں دی نظر کر چھڈيا، اميد اے کے تواڈی نظر تھلوں ‌فير وی گزر گیا ہوئے گا۔
تسی لمی چوڑی شکایتاں دی چٹ لکھی اے، ميں تے اے ہی عرض کراں گا کے قصے کہانياں تے تروڑی مروڑی تاريخ تے يقين کرنا چھڈ دو- توانوں تواڈے 1971 تے پريسلر ترميم والے مسلياں دا جواب دين توں پہلے اک چيز سمجوناں چوہناں- ياراں توں غلط اميداں لونياں ياں تے ياري دے خاتمے يا ياری دے وچ پھک پون دا ذريعہ بن دياں نيں- اگر تسی تاريخ دے پنے (ورقے) پھولنيں ای نيں تے فير اوناں نوں مہربانی کرکے غير جانبدار نظر نال ويکھو- تواڈی اجازت نال تاريخ دے کچھہ او پنے (ورقے) تواڈی نظر کر ريہا ں جيڑے ہوسکدا اے تواڈی نظر تھلوں نا گزرے ہون۔
تصوراتی امريکی بحری بيڑا جيدا اکثر بحثاں وچ ذکر ہوندا اے ايس ذمرے وچ کہ امريکی حکومت نين پاکستان نال دھوکا کيتا بحری بيڑے نوں ناں پيجھہ کے اک ايسا الزام وے جيدا کوئی سر پير ای نئی، کيونکہ امريکہ دی حکومت نيں سرے توں ايہو جيا وعدا کيتا ای نئی۔ توانوں ايس بے بنياد الزام دے رد لئی کئی امريکی سرکار دياں دستاويزا ں لب سکدياں نيں، کچھہ ميں ايتھے پيش کر ريہاں:
http://www.keepandshare.com/doc/view.php?id=689725&da=y
http://www.keepandshare.com/doc/view.php?id=689726&da=y
http://www.keepandshare.com/doc/view.php?id=689727&da=y
ح‍قيقت وچ او‎س ويلے امريکی حکومت نيں پاکستان تے ہندوستان دوواں نوں اے سمجھايا سی کے لڑائی دے ہون دی صورت وچ امريکہ دوواں ملکاں چوں کسے دی وی فوجی امداد نئی کرے گا-
اک واری فير دس ريہاں، جيويں پچھلے جواب وچ دسيا سی کہ بين الاقوبمی تعلق دارياں سمجھوتياں تے اک دوجے دے وارے فہم (سمجھہ) رکھن نال ٹردياں نيں- کوئی وی تعلق بشمول بين الاقوبمی تعلقات دی مظبوطی، ترقی، تے ودھا اک دوجے دی سمجھہ، عزت، تے تعاون نال پھلدا پھولدا اے۔
تواڈے پريسلر ترميم والے اعتراض دے جواب لئی اک امريکی سرکار دی اک سرکاری دستاويز دا اک چھوٹا جيا حصہ لکھہ ريہا جيڑا چانڑ پوندا اے کے اوس دور وچ امريکی کانگر‎س وچ اے جذبات بڑے مق۔بول سن کے امريکی حکومت (انتظاميہ) نوں علاقے وچ جوہری ہتھياراں دے پھلا دی روک لئی کچھہ اقدام لينے چاہی دے نيں۔ ايس نظريے کے امريکی حکومت (انتظاميہ) نوں پاکستان نال ہتھياراں دا وپار چھڈ دينا چاہی دا اے دی مثال امريکی سينيٹر، جان گلین دی جولائی 30، 1992 دی امريکی کانگرس دے وچ ايس بحث توں لگ جاندا اے جيدے وچ او کیندے نيں: " مختصر [تور تے] ترميم (پريسلر ترميم) نے ساڈی سرکار نوں پابند کيتا جيڑی اوداں ای ‎سرکاری پاليسی سی کہ ساڈی ديتی ہوئی امداد جوہری ہتھياراں دے پھلا دی روک لئی مدد کرے گی-اے ايوی پابند کردی اے کے ہتھياراں دا تبادلہ کسے وی امريکی قانون دے سہارے نہی ہوسکدا—تے اناں ميعاراں دی خلاف ورزی دی صورت وچ ناں صرف فوجی امداد بلکہ نالو نال فوجی وپار وی نہی ہوسکدا-" (صفحہ ایس 11066 )- ہور تفصيل لئی ايس لنک تے پوری دستاويز پڑہ لو:
http://www.fas.org/news/pakistan/1992/920731.htm
مختصر طور تے، امریکی حکومت نیں پاکستان تے ہندوستان دوناں کول درخواست کيتی سی کے جوہری ہتھيار ناں بناؤ، ايس ڈر توں کے ایدے کرکے پورا علاقہ عدم استحکام دا شکار ہو سکدا اے۔ توانوں فير ياد دوا دياں کے ايس کرکے امریکی حکومت نيں پاکستان دی انی سسو اسی دی دہائی وچ بہت فوجی امداد کيتی، تے اج وی پچھے نئی۔

لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ​

digitaloutreach@state.gov​

www.state.gov​

http://www.facebook.com/USDOTPunjabi

 

[لقمان پنجابی]

پہلے تسی مینوں آرڈر لئے کے دیو واپس نا جان دا

محترم عسکری،
پہلے تے اک گل پچھن دی گستاخی کرنا چوہنداں واں- ميرے فورم تے تعارف دے جواب وچ تسی مينوں اکھيا سی "پہلے تسی مینوں آرڈر لئے کے دیو واپس نا جان دا" تواڈے ای الفاظ کوٹ کريہاں- ليکن مينوں تے تواڈے دوجياں پڑھن آلياں نوں لگدا اے کے يا تے ميرے پہلے دو جواباں نيں تواڈی دوڑ لوا ديتی اے ياں تواڈی سچ تے حقائق نوں جانن آلی پياس ميرے جواباں نال کجھہ بجھھ گئی اے۔ اگر تسی دوڑ نئی لائی ‌فير کم سسے کم تھوڑی جئی جرائت دکھاؤ تے سچی گل تے حقيقت دا اقرار تے کر لو آکے-
ميں تواڈياں امريکہ وارے غلط فہمياں تے قصے کہانياں جيڑياں تسی امريکہ دی ماضی وچ بيو‌فآئی دے حوالے نال سنائياں سن انہاں دا ميں اک اک کرکے جواب تے دے ريہا ليکن ميں ماضی توں ھٹ کے تواڈی تے دوجے پڑھن آلياں دی نظر کچھہ حال دياں گلاں وي کرناں چاہواں گا۔ چلو امريکہ دی صوبہ ‎سندھ وچ تعميراتی کماں لئی مدد توں کھاتا کھول ليندے آں۔
امريکہ پچھلياں کجھہ ورياں توں تاريخ دے پيڑے ترين سيلاباں دے دوران امدادی کماں توں ہٹ کے توانائی، معاشی ترقی، تعليم، صحت تے کئی دوجياں شعبياں وچ پاکستان دی مدد کرريہا اے- اسی روز کسے اک پروگرام تے چانن پاواں گے-
توانائی دی کمی نوں پورا کرن دياں کوششاں
·سندھ وچ پنج لکھہ گھرانياں نوں بجلی دی فراہمی
·2013 وچ يو ايس ايڈ دو بجلی گھراں دی مرمت دا کم مکمل کرے گا؛ جامشورو تھرمل بجلی گھر دی بجلی پيدا کرن دی صلاحيت وچ 150 ميگا واٹ دا وادا ہو جاوے گا جيڑا کے 3،40،000 گھراں نوں بجلی دين لئی کافی ہووے گا- امريکہ گدو بجلی گھر دی بجلی پيدا کرن دی صلاحيت وچ 75 ميگا واٹ دا وادا کرن لئی مدد دے ريہا اے بجلی گھر مرمت توں بعد 1،70،000 گھراں نوں بجلی دين دے قابل ہوجاوے گا-
بجلی دی ترسيل کرن والياں کمپنياں دے کم وچ بہتری: يو ايس ايڈ دا پاور ڈسٹری بيوشن پراجيکٹ حيدر آباد اليکٹرک سپلائی کمپنی (حيسکو) تے سکھر اليکٹرک سپلائی کمپنی (سيسکو) نوں مالی تے بہتر کارکردگی لئی مدد دوے گا- ايس پروگرام دے ذريعے بجلی ترسيل کرن والی کمپنياں دے گھاٹے وچ کمی، آمدن وچ وادھے، تے صارفاں نوں بہتر سروس پچان ونگرياں گلاں دے ديہان ديتا جاندا اے تاں اے کمپنياں اپنے کم نوں برقرار رکھہ سکن۔
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
www.state.gov
http://www.facebook.com/USDOTPunjabi