لوکی کا حلوہ ۔۔

[حجاب]

اجزاء ۔
۔۔۔۔۔۔۔۔۔
لوکی ۔ ایک کلو ۔
گھی ۔ حسبِ ضرورت ۔
چینی ۔ حسبِ ضرورت ۔
کھویا ۔ آدھا پاؤ۔
بادام ،پستہ،اخروٹ ، کشمش ۔ حسبِ پسند زیادہ بھی ڈال سکتے ہیں اور کم بھی ۔

ترکیب ۔
۔۔۔۔۔۔۔۔۔۔۔۔
لوکی کدّو کش کر لیں ، اور دھو کر بوائل کر لیں ، گل جائے تو بچ جانے والا پانی پھینک کر لوکی اچھی طرح خشک کرلیں خیال رہے خشک کرنے پر لوکی جل نہ جائے ، اب لوکی میں چینی اور گھی ڈال کر بھونیں ، جب لوکی کا رنگ گہرا ہونے لگے تو تمام میوہ حلوے میں ڈال دیں ( تھوڑا سا گارنشنگ کے لیئے بچا لیں ) اب حلوہ مزید بھونیں یہاں تک کہ حلوہ گھی چھوڑ دے ، اب آدھا کھویا حلوے میں مکس کر کے چولہا بند کر دیں ، کسی پلیٹ میں حلوہ نکال کر باقی بچا ہوا کھویا اور میوہ ڈال کر گارنش کر لیں ۔اور گرم گرم لوکی کا حلوہ مزے سے کھائیں ۔

 

[ابن سعید]

بہت خوب بیٹا۔

مجھے یہ حلوہ کافی پسند ہے۔

 

[عمار ابن ضیا]

شکریہ حجاب اس ترکیب کا۔۔۔ مجھے بہت انتظار تھا۔۔۔ اب تک صرف ایک بار ہی کھایا تھا تقریب میں۔ ضرور بنواتا ہوں جلد ہی ان شاء اللہ

 

[تعبیر]

حجاب مجھے لوکی کی کھیر کی ترکیب مل سکتی ہے اور بیسن کے حلوے کی بھی ؟؟؟

 

[حجاب]

حجاب مجھے لوکی کی کھیر کی ترکیب مل سکتی ہے اور بیسن کے حلوے کی بھی ؟؟؟

اوکے تعبیر ، میں لکھ دوں گی

 

[حجاب]

شکریہ سعود اور عمار ، تصویر جب لگاتی ہوں میں پتہ نہیں کیا ہوتا ہے تصویر کو ، اب ماوراء ہی ٹھیک کرے گی ۔۔

 

[عندلیب]

بھوننے کے لئے گھی کہ بجائے فرش کریم سے بھی کبھی آزمائیں ذائقہ دوبالا ہوجائیگا ۔

 

[ابن سعید]

میں نے تینوں تصاویر دیکھ لیں بیٹا۔

ویسے آپ سے غلطی یہ ہوئی ہے کہ جس پاپ اپ میں امیج کا یو آر ایل ڈالتے ہیں‌اس میں پہلے سے http:// لکھا رہتا ہے اسے ہٹاتی نہیں‌ہیں آپ۔ اس طرح وہ پروٹوکال دو بار لکھ جاتا ہے۔ آپ چاہیں تو ان کی تدوین کر سکتی ہیں۔

 

[حجاب]

میں نے تینوں تصاویر دیکھ لیں بیٹا۔

ویسے آپ سے غلطی یہ ہوئی ہے کہ جس پاپ اپ میں امیج کا یو آر ایل ڈالتے ہیں‌اس میں پہلے سے Http:// لکھا رہتا ہے اسے ہٹاتی نہیں‌ہیں آپ۔ اس طرح وہ پروٹوکال دو بار لکھ جاتا ہے۔ آپ چاہیں تو ان کی تدوین کر سکتی ہیں۔

شکریہ سعود ، سمجھ گئی ، ہاں میں یہی غلطی کرتی ہوں بلاگ پر بھی ، اب یاد رکھوں گی

 

[حجاب]

بھوننے کے لئے گھی کہ بجائے فرش کریم سے بھی کبھی آزمائیں ذائقہ دوبالا ہوجائیگا ۔

اب بناؤں گی تو ضرور آزماؤں گی عندلیب

 

[فہیم]

ہممممممممممممم
اچھی ترکیب ہے۔
لیکن یہ لوکی کا حلوہ کافی ٹھنڈی چیز ہے اس کو گرمیوں میں کھانا کافی اچھا ہوتا ہے۔

 

[ماوراء]

لوکی کسے کہتے ہیں؟

 

[پھول]

اچھی ترکیب ہے مگر مجھے گاجر کا حلوہ پسند ہے

 

[سارا]

اسے شاید white pumpkin بھی کہتے ہیں۔۔اس کا سالن بھی بنایا جاتا ہے اور حلوہ بھی۔۔۔۔سبز چھلکا ہوتا ہے اندر سے سفید ہوتی ہے اور سائز میں تھوڑی موٹی اور لمبی سی ہوتی ہے میرے گھر میں اس وقت نہیں ہے اگر ہوتی تو تصویر بنا کر دکھا دیتی۔۔۔

 

[ماوراء]

شکریہ سارا۔ لغت میں دیکھا ہے۔لوکی= کدو کی ایک قسم۔ گوگل کرنے پر یہ تصویر ملی ہے۔ یہی ہے؟

 

[سارا]

بالکل ایسا ہی ہوتی ہے البتہ 2 حصو‌ں والی میں پہلی دفعہ دیکھ رہی ہوں۔۔آج تک جو میں نے دیکھی ہے وہ برابر موٹی اور لمبی ہوتی ہے بیچ میں سے ایسے پتلی نہیں ہوئی ہوتی۔۔

 

[شمشاد]

اچھی ترکیب ہے مگر مجھے گاجر کا حلوہ پسند ہے

پسند تو مجھے بھی گاجر کا حلوہ ہی ہے لیکن کھلائے کون؟

 

[فارقلیط]

پسند تو مجھے بھی گاجر کا حلوہ ہی ہے لیکن کھلائے کون؟

بھابھی جی زندہ باد

 

[زینب]

یہ لوکی وہی عام کدو ہے جس سے سالن بنتا ہے ؟؟

 

[شمشاد]

نہیں اس کے ہاتھ کا پہلے کئی دفعہ کھا چکا ہوں۔ اب مزید نہیں۔