عابدہ پروین لگی والیاں نُون نیند نیں آؤندی

[زبیر مرزا]

لگی والیاں نُون نیند نیں آؤندی
تیری کیویں نہیں آکھ لگ گئی
پائیاں راہواں وچ زُلخاں سی کُلیاں
آکھاں ہیردیاں ڈولی وچ کُھلیاں
ادھی راتیں سوھنی چھلاں نُوں جاگاندی
تیری کیویں نہیں آکھ لگ گئی

رات چن دی تے اُڈ دا چکور سی
روندا پیار وچ پیلاں پاکے مور سی
ڈاروں وچھڑ کے کونج کُرلاندی
تیری کیویں نہیں آکھ لگ گئی

ڈٹھا پیار نُوں زمانے دور دور تُوں
گل لگیاں دی پُوچھ منظورتُوں
اوہو سُوندا جنھوں یاد نیں ستانودی
تیری کیویں نہیں آکھ لگ گئی

(شاعر منظورمیاں)

​

 

[نایاب]

کیا ہی خوب سات سروں کا بہتا چشمہ ہے عابدہ پروین کی آواز بھی ۔۔۔۔۔۔۔۔۔۔۔۔۔۔
بہت گہرے کلام کی بہت جذب کے ساتھ گائیگی ۔۔۔۔۔۔۔۔۔۔۔
بہت شکریہ محترم زبیر بھائی

 

[تلمیذ]

بہت ودھیا گیت ڈھونڈیا جے، مرزا صاحب، شالا خوشیاں مانو!
تے اُتوں عابدہ پروین ہوراں دی اواز ۔ واہ۔ واہ۔ اُنج ایہہ عالم لوہاراں وی گایا سی۔

ایہہ کلام 'منظور میاں' دا نئیں، مشہور گیت نگار'منظور جھلا' دااے جیہڑے پنجاہ سٹھ دی دہائیاں دےمشہور پنجابی فلمی گیت نگار سَن۔ تہاڈی جانکاری لئی 'اپنا آرگ' تو اوہناں دی حیاتی بارے اک ربط پیش خدمت اے۔ ویہل لبھن تے ضرور پڑھیو:

http://www.apnaorg.com/book-chapters/jhalla

نالے بے ادبی معاف، اِملا نوں کُجھ تھاواں تے ٹھیک کر دتا اے۔ ملاحظہ کرو:

لگی والیاں نُوں نیند نئیں آؤندی
تیری کیویں نی اََکھ لگ گئی
پائیاں راہواں وچ زُلخاں سی کُلیاں ۔۔۔۔۔ (ایس مصرعے دی سمجھ مینوں وی نئیں آئی ۔ کسے متر
اَکھاں ہیردیاں ڈولی وچ کُھلیاں نوں ایہدے بارے پتہ ہووے تے لکھیو۔)
ادھی راتیں سوہنی چھلاں نُوں جگاندی
تیری کیویں نی اََکھ لگ گئی

رات چاننی تے اُڈ دا چکور سی
روندا پیار وچ پیلاں پاکے مور سی
ڈاروں وچھڑ کے کونج کُرلاندی
تیری کیویں نی اََکھ لگ گئی

ڈِٹھا پیار نُوں زمانے دور دور تُوں
گل لگیاں دی پُچھ منظورتُوں
اوہو سوندا جنھوں یاد نیں ستاؤندی
تیری کیویں نی اََکھ لگ گئی

(شاعر منظورجَھلا)

نایاب
نیرنگ خیال
عاطف بٹ
حسیب نذیر گِل

 

[زبیر مرزا]

بڑی مہربانی سر میں سن کے لخ رہیا ساں تے کافی کج غلط لخیا گیا اے ایدے وچ

 

[نیرنگ خیال]

بڑی مہربانی سر میں سن کے لخ رہیا ساں تے کافی کج غلط لخیا گیا اے ایدے وچ

پتا نئیں تسی ایناں غلط کیویں لکھ لیندے او۔۔۔۔۔

تلمیذ سر دا شکریہ اینی قیمتی معلومات لئی۔۔۔ اسی تاں صرف گیت ای سن کے رج رہندے سی۔۔۔۔۔ کدی ایناں تکلف نئیں کیتا کہ ویکھیے شاعر کون اے۔۔۔ نالے سر جی اے دسو کے اپنا پنجاب تے بڑا کلام گورمکھی اچ لکھیا پیا اے۔۔۔ تے لگے ہتھوں سانوں گورمکھی سکھا دیو۔۔۔۔

 

[فلک شیر]

پائیاں راہواں وچ زُلخاں سی کُلیاں ۔۔۔ ۔۔ (ایس مصرعے دی سمجھ مینوں وی نئیں آئی ۔ کسے متر
اَکھاں ہیردیاں ڈولی وچ کُھلیاں نوں ایہدے بارے پتہ ہووے تے لکھیو۔)
نایاب
نیرنگ خیال
عاطف بٹ
حسیب نذیر گِل

ایہہ زُلخاں زلیخا نوں رعایت شعری نال بنھیا گیا اے......پنجابی ادب اچ یوسف زلیخا دا قصہ تے یاد ای ہونا اے تہانوں
تے دوجا مصرعہ تے انج ای صاف اے

 

[تلمیذ]

تلمیذ سر جی اے دسو کے اپنا پنجاب تے بڑا کلام گورمکھی اچ لکھیا پیا اے۔۔۔ تے لگے ہتھوں سانوں گورمکھی سکھا دیو۔۔۔ ۔

نین جی، مینوں گورمکھی نئیں آؤندی تے تہاڈے وانگوں میری وی چروکنی ایہہ سدھر اے پئی ایہہ لِپی سکھاں، بس ویہل نئیں لبھدی، میں سمجھناں واں ایہہ لِپی اساں لہندے پنجاب دے رہن والیاں خصوصاً جواناں لئی سِکھنا بوہت ضروری اے تاں ای اسیں پنجابی دی اصل تے سُچیاں لکھتاں نال اشنا ہو سکدے آں۔ ایہہ حقیقت اے پئی پنجابی ادب وچہ ساہڈے نالوں بہتا کَم چڑھدے پنجاب وچ ہو رہیا اے۔
تسیں ویہل لبھن نال 'اپنا آرگ' دی سائٹ تے ضرور جایا کرو۔ اوتھے تہانوں بوہت کچھ لبھے گا۔ گورمکھی سکھان دے سبق وی ہے نیں، تھوڑی جیہی محنت نال انشاءاللہ تہانوں گورمکھی لکھنی تےسمجھنی ّ جائے گی۔

 

[نیرنگ خیال]

نین جی، مینوں گورمکھی نئیں آؤندی تے تہاڈے وانگوں میری وی چروکنی ایہہ سدھر اے پئی ایہہ لِپی سکھاں، بس ویہل نئیں لبھدی، میں سمجھناں واں ایہہ لِپی اساں لہندے پنجاب دے رہن والیاں خصوصاً جواناں لئی سِکھنا بوہت ضروری اے تاں ای اسیں پنجابی دی اصل تے سُچیاں لکھتاں نال اشنا ہو سکدے آں۔ ایہہ حقیقت اے پئی پنجابی ادب وچہ ساہڈے نالوں بہتا کَم چڑھدے پنجاب وچ ہو رہیا اے۔
تسیں ویہل لبھن نال 'اپنا آرگ' دی سائٹ تے ضرور جایا کرو۔ اوتھے تہانوں بوہت کچھ لبھے گا۔ گورمکھی سکھان دے سبق وی ہے نیں، تھوڑی جیہی محنت نال انشاءاللہ تہانوں گورمکھی لکھنی تےسمجھنی جائے گی۔

میں ایس نوں ہتھ پان دی کوشش کردا واں۔۔۔۔۔ انشاءاللہ