مانگی ہے جان آپ نے ایمان لیجئے - عبدالرفیق

[کاشفی]

غزل
(عبدالرفیق - علیگڑھ)
مانگی ہے جان آپ نے ایمان لیجئے
اب تو خدا کے واسطے پہچان لیجئے

دار و رسن کا کس لئے احسان لیجئے
لطف و کرم سے آپ مری جان لیجئے

مایوسیوں سے فرحت ارمان لیجئے
مجبوریوں سے صورت امکان لیجئے

مجھ کو نجات دیجئے میری تڑپ سے آپ
لیکن تڑپ حیات ہے یہ جان لیجئے

آواز ہے جرس کی یہ کوئی غزل نہیں
میری فغاں ہے دور سے پہچان لیجئے

دیکھیں رفیقؔ دام سے بچتا ہے کس طرح
شاہیں اسیر کرنا ہے یہ ٹھان لیجئے​

 

[گُلِ یاسمیں]

بہترین شراکت۔
سلامت رہئیے۔

 

[سید عاطف علی]

ہمارے ذہن میں یہ آیا۔
بس ایک بار میرا کہا۔مان لیجیے

 

[گُلِ یاسمیں]

ہمارے ذہن میں یہ آیا۔
بس ایک بار میرا کہا۔مان لیجیے

بالکل عاطف بھائی ہمارے ذہن میں بھی یہی آیا تھا

دل چیز کیا ہے آپ میری جان لیجیے
بس ایک بار میرا کہا مان لیجیے

 

[عبدالصمدچیمہ]

غزل
(عبدالرفیق - علیگڑھ)
مانگی ہے جان آپ نے ایمان لیجئے
اب تو خدا کے واسطے پہچان لیجئے

دار و رسن کا کس لئے احسان لیجئے
لطف و کرم سے آپ مری جان لیجئے

مایوسیوں سے فرحت ارمان لیجئے
مجبوریوں سے صورت امکان لیجئے

مجھ کو نجات دیجئے میری تڑپ سے آپ
لیکن تڑپ حیات ہے یہ جان لیجئے

آواز ہے جرس کی یہ کوئی غزل نہیں
میری فغاں ہے دور سے پہچان لیجئے

دیکھیں رفیقؔ دام سے بچتا ہے کس طرح
شاہیں اسیر کرنا ہے یہ ٹھان لیجئے​

واہ واہ