ولی دکنی مت غصے کے شعلے سوں جلتے کوں جلاتی جا

[حسان خان]

مت غصے کے شعلے سوں جلتے کوں جلاتی جا​

ٹک مہر کے پانی سوں تو آگ بجھاتی جا​

​

تجھ چال کی قیمت سوں دل نئیں ہے مرا واقف​

اے مان بھر چنچل ٹک بھاؤ بتاتی جا​

​

اس رات اندھاری میں مت بھول پڑوں تجھ سوں​

ٹک پاؤں کے جھانجھر کی جھنکار سناتی جا​

​

مجھ دل کے کبوتر کوں باندھا ہے تری لٹ نے​

یہ کام دھرم کا ہے ٹک اس کو چھڑاتی جا​

​

تجھ مکھ کی پرستش میں گئی عمر مری ساری​

اے بت کی پُجن ہاری ٹک اس کو پُجاتی جا​

​

تجھ عشق میں جل جل کر سب تن کوں کیا کاجل​

یہ روشنی افزا ہے انکھیاں کو لگاتی جا​

​

تجھ نیہہ میں دل جل جل جوگی کی لیا صورت​

یک بار اسے موہن چھاتی سوں لگاتی جا​

​

تجھ گھر کی طرف سُندر آتا ہے ہے ولی دایم​

مشتاق دَرَس کا ہے ٹک دَرَس دکھاتی جا​

​

(ولی دکنی)​

 

[محمد بلال اعظم]

تجھ نیہہ میں دل جل جل جوگی کی لیا صورت​

یک بار اسے موہن چھاتی سوں لگاتی جا​

یہ کسی کا نام ہے کیا؟

 

[محمد بلال اعظم]

یہ غزل پہلی بار اردو کی کسی کتاب میں پڑھی تھی جو کہ کافی پرانے نصاب کی تھی۔
بہت پیاری غزل ہے۔
زبردست انتخاب

 

[حسان خان]

تجھ نیہہ میں دل جل جل جوگی کی لیا صورت​

یک بار اسے موہن چھاتی سوں لگاتی جا​

یہ کسی کا نام ہے کیا؟

neh پرانی اردو میں محبت کو کہتے ہیں۔

 

[سید زبیر]

حسان خان ! بہت پیاری غزل منتخب کی ہے
تجھ مکھ کی پرستش میں گئی عمر مری ساری
اے بت کی پُجن ہاری ٹک اس کو پُجاتی جا
واہ ۔۔بہت خوب

 

[باباجی]

واہ بہت ہی خوب

تجھ عشق میں جل جل کر سب تن کوں کیا کاجل
یہ روشنی افزا ہے انکھیاں کو لگاتی جا

 

[محمد وارث]

شکریہ حسان صاحب خوبصورت غزل ارسال فرمانے کیلیے۔

 

[الشفاء]

تجھ عشق میں جل جل کر سب تن کوں کیا کاجل
یہ روشنی افزا ہے انکھیاں کو لگاتی جا


واہ۔۔۔ بہت خوب کلام۔۔۔

 

[طارق شاہ]

خان صاحب ہم آپ کی بدولت اس دور کی، خیال اور تصور سے سیر کرآئے
اچھی غزل پر داد قبول کیجئے
تشکّر
بہت خوش رہیں

 

[حسان خان]

آپ سب کی پسندیدگی کے لیے بے حد سپاس!

 

[سیدہ شگفتہ]

واہ کیا بات