قتیل شفائی مجھے آئی نہ جگ سے لاج - قتیل شفائی

[فرخ منظور]

مجھے آئی نہ جگ سے لاج -- میں اتنے زور سے ناچی آج
کہ گھنگرو ٹوٹ گئے

کچھ مجھ پہ نیا جوبن بھی تھا
کچھ پیار کا پاگل پن بھی تھا
کبھی پلک پلک مری تیر بنی
کبھی زلف مری زنجیر بنی
لیا دل ساجن کا جیت -- وہ چھیڑے پایلیا نے گیت
کہ گھنگرو ٹوٹ گئے

میں بسی تھی جس کے سپنوں میں
وہ گِنے گا اب مجھے اپنوں میں
کہتی ہے مری ہر انگڑائی
میں پیا کی نیند چُرا لائی
میں بن کے گئی تھی چور-- مگر مری پایل تھی کمزور
کہ گھنگرو ٹوٹ گئے

دھرتی پہ نہ میرے پیر لگیں
بِن پیا مجھے سب غیر لگیں
مجھے رنگ ملے ارمانوں کے
مجھے پنکھ لگے پروانوں کے
جب ملا پیا کا گاؤں --- تو ایسا لچکا میرا پاؤں
کہ گھنگرو ٹوٹ گئے

 

[شمشاد]

فرخ بھائی بہت شکریہ یہ کلام شریک محفل کرنے کا۔

 

[فرخ منظور]

بہت شکریہ شمشاد صاحب پسند کرنے کا -
دو ہی باذوق آدمی ہیں عدم

 

[محمد وارث]

شکریہ فرخ صاحب خوبصورت گیت شیئر کرنے کیلیئے، یہ گیت کسی پاکستانی اور ہندوستانی سنگر نے بھی گایا ہے، اگر کوئی صاحب شیئر کر سکیں تو نوازش۔

 

[فاتح]

جناب فرخ صاحب! میں نے یہ گیت سنا تو تھا لیکن کبھی پڑھنے کا اتفاق نہیں ہوا تھا اور نہ ہی یہ علم تھا کہ کس شاعر نے لکھا ہے۔ آپ کی کرم نوازی ہے کے باعث آج شاعر کے نام سمیت پڑھ بھی لیا۔ قبلہ بہت شکریہ۔

اور وارث صاحب آپ کے حکم پر تو جاں نثار کر دیں یہ گیت کیا شے ہے۔۔۔ میرے پاس گلشن آرا سید کی آواز میں موجود تھا اور اب آپ کی خدمت اقدس میں پیش ہے:
[ame]http://www.divshare.com/download/4825444-6ad[/ame]

لیکن گلشن آرا سید نے کچھ الفاظ اس متن سے جو فرخ صاحب نے لکھا ہے مختلف گائے ہیں۔ فرخ صاحب! کیا آپ نے قتیل شفائی کی کسی کتاب سے دیکھ کر لکھا ہے یا انٹرنیٹ پر کہیں سے لیا ہے؟

 

[محمد وارث]

شکریہ فاتح صاحب، نوازش، مہربانی۔

اور قبلہ اپنی جان سنبھال کے رکھیں کسی "اور" کے کام آئے گی آپ صرف ایک مسکراہٹ ہی ہمیں بخش دیں تو ساری زندگی گزارنے کیلیئے کافی ہے۔

 

[محسن حجازی]

بہت شکریہ شمشاد صاحب پسند کرنے کا -
دو ہی باذوق آدمی ہیں عدم

پہلا تو میں ہوں یہ دوسرا کون ہے؟

 

[مغزل]

میں ہوا، یا مرا رقیب ہوا
(یہ گتوا جگجیت سنگھ نے گا کر امر کردیا ہے)
ویسے پنکج اداس نے بھی گایا ہے ۔۔ مگر جوبات جگجیت کی ہے وہ کسی میں کہاں

 

[محسن حجازی]

اچھا گویا دوسرے آپ ہیں؟ چلئے باقی تو باہر ہوئے اس دوڑ سے۔

 

[فرخ منظور]

بہت شکریہ آپ سب احباب کا - اور فاتح صاحب یہ گیت میں نے انتخابِ قتیل شفائی سے لیا ہے - میرا خیال ہے کہ گیت موہے کے ساتھ زیادہ خوبصورت ہے لیکن کتاب میں جیسے درج تھا ویسے ہی لکھ دیا -

 

[مغزل]

گیت کا لہجہ چغلی کھارہا ہے کہ لفظ ’’موہے‘‘ ہی ہے ۔ شکریہ

 

[فاتح]

یہ لیجیے یہی گیت پنکج اداس کی آواز میں۔ اس کے علاوہ بھی کافی گلوکاروں نے گایا ہے جن میں سے استاد رئیس خان کا گایا ہوا بھی موجود ہے جو پھر کبھی شیئر کروں گا۔
[ame]http://www.divshare.com/download/4826028-589[/ame]

 

[فاتح]

پہلا تو میں ہوں یہ دوسرا کون ہے؟

میں ہوا، یا مرا رقیب ہوا
(یہ گتوا جگجیت سنگھ نے گا کر امر کردیا ہے)
ویسے پنکج اداس نے بھی گایا ہے ۔۔ مگر جوبات جگجیت کی ہے وہ کسی میں کہاں

اچھا گویا دوسرے آپ ہیں؟ چلئے باقی تو باہر ہوئے اس دوڑ سے۔

آپ بخوشی رہیے با ذوق (ذوق کے ساتھ) کہ ہمیں تو کسی طور "با غالب" رہنا باعثِ صد افتخار ہو گا۔

 

[محمد وارث]

آپ بخوشی رہیے با ذوق (ذوق کے ساتھ) کہ ہمیں تو کسی طور "با غالب" رہنا باعثِ صد افتخار ہو گا۔

میں سوچ رہا ہوں اپنا تخلص 'اسد' سے 'غالب' کر لوں

 

[فاتح]

میں سوچ رہا ہوں اپنا تخلص 'اسد' سے 'غالب' کر لوں

تب تو میں 'بشیر' کی بجائے 'مغلوب' لکھنا شروع کر دوں گا

 

[محمد وارث]

اور فرخ صاحب کیا 'شریک' لکھیں گے، 'شریکِ غالب مغلوب'

 

[فاتح]

اور فرخ صاحب کیا 'شریک' لکھیں گے، 'شریکِ غالب مغلوب'

"ملغوبۂ غالب و مغلوب" بھی لکھ سکتے ہیں لیکن حضور ہم تو انہیں "اغلب" ہی گمان کرتے ہیں۔

 

[مغزل]

غالبہ کے بارے میں کیا خیال ہے جناب ؟
غالباً آپ بھول گئے ہیں۔

 

[فاتح]

غالبہ کے بارے میں کیا خیال ہے جناب ؟
غالباً آپ بھول گئے ہیں۔

جی ہاں شاید غلبۂ عشقِ وارث کے باعث

 

[فرخ منظور]

"ملغوبۂ غالب و مغلوب" بھی لکھ سکتے ہیں لیکن حضور ہم تو انہیں "اغلب" ہی گمان کرتے ہیں۔

بہت مشکل سے ہنسی روک کر ٹائپ کر رہا ہوں - یہ ملغوبہ تو خوب بنایا مجھے