مجھے اک خواب دیکھنا ہے

[سارہ خان]

تعبیر بھائی اگر محبوبہ سے شادی ہو جائے تو وہ ہائنہ ہو جاتی ہے مگر میں آپ کو اس کا مکمل تعارف کروا دیتا ہوں شادی سے پہلے آئینہ ۔۔۔۔۔۔۔۔۔۔۔۔چھ ماہ بعد ہائنہ ۔۔۔۔۔۔۔۔۔۔۔۔۔۔۔۔۔ایک سال بعد ڈائنہ اور پھر ساری زندگی گھر آئیں نہ۔۔۔۔۔۔۔۔۔ گھر آئیں نہ۔۔۔۔۔۔۔۔۔گھرآئیں نہ ہو جاتی ہے

 

[پپو]

اوئے ہوئے، یار خواب کوئی ایک ہوتا تو ضرور لکھتے لیکن کیا کریں یہاں تو ساری زندگی خوابوں میں ہی بسر ہوئی جا رہی ہے۔تو اب کیا سب یہاں لکھیں۔
ویسے کچھ خواب یہاں نہ ہی لکھے جائیں تو بہتر ہے۔
ہم تو چلے بابا آپ کرو پورے خواب۔

پیارے چاند بابو میں مانتا ہوں خوابوں میں زندگی بسر کرنے والوں‌کی یہاں بھر مار ہے اور جوآپ نے کہا کہ نہ ہی لکھ جائیں تو بہتر ہے اس کے لیے نہایت ادب سے عرض ہے وہ نہ ہی دیکھے جائیں تو اچھا ہے اگر وہ آپ editing کرکے بھی لکھ دیں تو ہم انشااللہ اصل بات کو کھوج ہی نکالیں گے

 

[پپو]

بہت اچھی تشریح کی ہے آپ نے ہائنہ کی۔ بس غلطی سے بہن کو بھائی کہہ کر مخاطب کر لیا۔

پتہ نہیں بھائی شمشاد صاحب ایسا کیوں ہو جاتا ہے لیکن اس کے لیے صرف اتنا ہی کہوں گا
منڈے منڈے لگ دے نئیں نہ کڑی پچھانی جاندی

 

[شمشاد]

دیکھنے میں تو میں آپ کی بات مان سکتا ہوں لیکن لکھنے لکھانے میں تو فرق صاف ظاہر ہے۔

 

[تعبیر]

پتہ نہیں بھائی شمشاد صاحب ایسا کیوں ہو جاتا ہے لیکن اس کے لیے صرف اتنا ہی کہوں گا
منڈے منڈے لگ دے نئیں نہ کڑی پچھانی جاندی

رہے نا ابھی تک پپو کے پپو یہ میں آپ کو کس رخ سے منڈا لگی۔تعبیر مؤنث ہوتی ہے اچھا ۔

۔

 

[شمشاد]

اور کیا، خواب بے شک کیسا بھی ہو، مذکر ہی ہوتا ہے اور تعبیر ہمیشہ مؤنث ہوتی ہے۔

 

[فیصل عظیم فیصل]

مجھے اک خواب دکھلا دو
کہ میرا کل بھی روشن ہو
کہ تیرا کل بھی روشن ہو
کبھی اس کچے آنگن میں
ہماری سب کی اولادیں
ذرا بے خوف سی ہو کر پرانے کھیل کھیلیں گی
کبھی چھپ چھپ کے ڈھونڈیں گی
کبھی بھاگیں گی دوڑیں گی
ہماری نسل نو اس گھر میں
بہت بے خوف کھیلے گی
شجر جو صحن میں ہے یہ گھنا سا خوبصورت سا
اسی کے سائے میں بیٹھیں گے مل کر کاپیاں لے کر
کبھی وہ ہاتھ نیلے کر کے پھر دکھلائیں گے ہم کو
مجھے اس نے گرایا ہے وہی بتلائیں گے ہم کو
مجھے امید ہے رب سے کہ وہ دن پھر سے لوٹیں گے
مگر جب تک نہیں آتے تم بھی میرے ساتھ ملکر
مجھ کو ایسا خواب دکھلا دو کہ جس میں کوئی غم نہ ہو
کوئی رنج و الم نہ ہو
کسی کا حق بھی کم نہ ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[پپو]

رہے نا ابھی تک پپو کے پپو یہ میں آپ کو کس رخ سے منڈا لگی۔تعبیر مؤنث ہوتی ہے اچھا ۔

۔

بہن جی آپکی کونسی فوٹو دیکھی میں نے تعبیر بہت سے لڑکوں کا نام بھی ہے لیکن اس میں اتنا پریشان ہونے والی کون سی بات ہے

 

[تعبیر]

مجھے اک خواب دکھلا دو
کہ میرا کل بھی روشن ہو
کہ تیرا کل بھی روشن ہو
کبھی اس کچے آنگن میں
ہماری سب کی اولادیں
ذرا بے خوف سی ہو کر پرانے کھیل کھیلیں گی
کبھی چھپ چھپ کے ڈھونڈیں گی
کبھی بھاگیں گی دوڑیں گی
ہماری نسل نو اس گھر میں
بہت بے خوف کھیلے گی
شجر جو صحن میں ہے یہ گھنا سا خوبصورت سا
اسی کے سائے میں بیٹھیں گے مل کر کاپیاں لے کر
کبھی وہ ہاتھ نیلے کر کے پھر دکھلائیں گے ہم کو
مجھے اس نے گرایا ہے وہی بتلائیں گے ہم کو
مجھے امید ہے رب سے کہ وہ دن پھر سے لوٹیں گے
مگر جب تک نہیں آتے تم بھی میرے ساتھ ملکر
مجھ کو ایسا خواب دکھلا دو کہ جس میں کوئی غم نہ ہو
کوئی رنج و الم نہ ہو
کسی کا حق بھی کم نہ ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زبردست۔آپ کا ہی نہیں یہ ہم سب کا خواب ہے۔ اللہ کرے کہ یہ خواب پورا ہو جائے۔آمین

 

[تعبیر]

بہن جی آپکی کونسی فوٹو دیکھی میں نے تعبیر بہت سے لڑکوں کا نام بھی ہے لیکن اس میں اتنا پریشان ہونے والی کون سی بات ہے

میں پریسان تو نہیں تھی پر چڑ ضرور گئی تھی پر اب آپ نے بہن کہ دیا تو بات ختم۔اور ہاں باقی سب کی آپ نے کیا فوٹو دیکھ رکھی تھی کیوں کے کافی نام اور بھی ایسے ہیں یہاں جو دونوں صنفوں میں ہوتے ھیں ۔

 

[پپو]

میں پریسان تو نہیں تھی پر چڑ ضرور گئی تھی پر اب آپ نے بہن کہ دیا تو بات ختم۔اور ہاں باقی سب کی آپ نے کیا فوٹو دیکھ رکھی تھی کیوں کے کافی نام اور بھی ایسے ہیں یہاں جو دونوں صنفوں میں ہوتے ھیں ۔

ابھی تک کسی نے ایسا اعتراض بھی تو نہیں کیا نا لیکن آپ چڑ کس بات سے گئیں میں نے تو ایسا کچھ نہیں کہا یا لکھا ؟ پھر بھی معذرت کر تا ہوں

 

[فرخ منظور]

اندھا کباڑی -- از ن م راشد

شہر کے گوشوں میں ہیں بکھرے ھوئے
پا شکستہ سر بریدہ خواب
جن سے شہر والے بے خبر!

گھومتا ہوں شہر کے گوشوں میں روز و شب
کہ ان کو جمع کر لوں
دل کی بھٹی میں تپاؤں
جس سے چھٹ جائے پرانا میل
ان کے دست و پا پھر سے ابھر آئیں
چمک اٹھیں لب و رخسار و گردن
جیسے نو آراستہ دولھوں کے دل کی حسرتیں
پھر سے ان خوابوں کو سمت رہ ملے!

"خواب لے لو خواب ۔۔۔۔۔۔۔۔۔۔۔ "
صبح ہوتے ہی چوک میں جا کر لگاتا ہوں صدا ۔۔۔۔۔۔۔۔۔
"خواب اصلی ہیں کہ نقلی"
یوں پرکھتے ہیں کہ جیسے ان سے بڑھ کر
خواب داں کوئی نہ ہو!

خواب گر میں بھی نہیں
صورت گر ثانی ہوں بس ۔۔۔۔۔۔۔
ہاں مگر میری معیشت کا سہارا خواب ہیں!

شام ھو جاتی ہے
میں پھر سے لگاتا ہوں صدا ۔۔۔۔۔۔۔
"مفت لے لو مفت، یہ سونے کے خواب ۔۔۔۔۔۔۔۔۔"
"مفت" سن کر اور ڈر جاتے ہیں لوگ
اور چپکے سے سرک جاتے ہیں لوگ ۔۔۔۔۔۔۔۔۔۔
"دیکھنا یہ "مفت" کہتا ہے
کوئی دھوکا نہ ہو!
ایسا کوئی شعبدہ پنہاں نہ ہو
گھر پہنچ کر ٹوٹ جائیں
یا پگھل جائیں یہ خواب
بھک سے اڑ جائیں کہیں
یا ہم پہ کوئی سحر کر ڈالیں یہ خواب ۔۔۔۔۔۔۔۔۔
جی نہیں کس کام کے؟
ایسے کباڑی کے یہ خواب
ایسے نابینا کباڑی کے یہ خواب!"

رات ہو جاتی ہے
خوابوں کے پلندے سر پہ رکھ کر
منہ بسورے لوٹتا ہوں
رات بھر پھر بڑبڑاتا ہوں
"یہ لے لو خواب ۔۔۔۔۔۔۔۔"
اور لے لو مجھ سے ان کے دام بھی
خواب لے لو، خواب ۔۔۔۔۔۔۔۔۔۔
میرے خواب ۔۔۔۔۔۔۔۔۔۔۔
خواب ۔۔۔۔۔۔۔۔۔ میرے خواب ۔۔۔۔۔۔۔۔۔
خو ا ا ا ا ب ۔۔۔۔۔۔۔۔۔۔۔۔
ان کے د ا ا ا ا م بھی ی ی ی ۔۔۔۔۔۔۔۔۔۔۔۔۔"

 

[شمشاد]

بہت خوب جناب، بہت اچھی نظم شیئر کی ہے آپ نے۔ مزہ آیا پڑھ کے۔

 

[فرخ منظور]

شکریہ شمشاد صاحب!

 

[زینب]

صاحب خواب چاہے کوئی بھی دیکھے تعبیر سب اپنی پسند کی چاہتے ہیں۔
کو ئی صاحب ایسے نہ ہونگے جو اپنی محبوبہ کی شادی میں ٹینٹ اپنے باتھوں سے لگائیں اور قران ہاتھ میں لیکر اسے رخصت کریں۔۔۔۔ اب اگر ایسا کوئی خواب دیکھتا ہو تو پلیز مجھے ضرور مطلع کیجیے گا

کیوں اس کی جگہ اس کی محبوبہ کی شادی میں ٹینٹ لگانے کا فریضہ آپ انجام دیں گے کیا۔۔۔جو اپ کو بتایا جائے

 

[محمد وارث]

میں عرصۂ دراز سے ایک ہی خواب دیکھ رہا ہوں کہ کسی طرح ہر اتوار کے بعد ایک ہفتہ وار ہو، لیکن شاید یہ خواب ہی رہ جائے گا

 

[شمشاد]

کیا مطلب ہے آپ کا کہ اتوار کے بعد پھر سے ہفتہ آ جائے؟ یہ نہیں ہو سکتا۔ ایسا کریں کہ بستر بدل کر دیکھیں، شاید خواب بھی بدل جائے۔

 

[محمد وارث]

شمشاد بھائی کیا حرج ہے کہ اگر ہر اتوار کے بعد ہفتہ آ جائے یا آپ کی طرف ہر جمعۃ المبارک کے بعد یوم الخمیس آ جائے۔ اور بستر بدل چکا لیکن خواب نہیں بدلتا۔

 

[شمشاد]

وارث بھائی پھر تو یہ خواب ہی رہ جائے گا اس کی تعبیر نہیں ملے گی۔

 

[پپو]

یار یہ تم بھائی لوگوں کو کیا ہو گیا ہے کیسے کیسے خواب دیکھنے لگے ہو لگتا ہے سی ڈی پھس گئی اے