مجھے تم کیا بتاؤ گی ؟

[عمر سیف]

[align=right:769fa3c07d]مجھے تم کیا بتاؤ گی ؟

کہ جب سے مجھ سے بچھڑی ہو
بہت بےچین رہتی ہو
مری باتیں ستاتی ہیں
مرے لفظوں کے جگنو!
ایک پل اوجھل نہیں ہوتے
مری نظمیں رُلاتی ہیں
مری آنکھٰیں جگاتی ہیں

مجھے تم کیا بتاؤ گی ۔۔

کہ تم نے بارہا اُن اجنبی چہروں کے جنگل میں
مرے چہرے کو ڈھونڈا ہے
کسی مانوس لہجے پر
کسی مانوس آہٹ پر
پلٹ کر ایسے دیکھا ہے
کہ جیسے تم میری موجودگی محسوس کرتی ہو!

مجھے تم کیا بتاؤ گی!

کہ کتنی شبنمی شامیں
ٹہلتے، سوچتے گزریں
کہ کتنی چاندنی راتیں
دُعائیں مانگتے گزریں
کہ کتنے اشک ایسے تھے
جو گِرتے ہی رہے دل میں

مجھے تم کیا بتاؤ گی ۔۔

مری جاں! میں سمجھتا ہوں
تمھاری اَن کہی باتیں
کہ میں ان موسموں کے ایک اک رستے سے گزرا ہوں
میں اب بھی لفظ چُنتا ہوں
میں اب بھی اشک بُنتا ہوں
کہ جب سے تم سے بچھڑا ہوں
تمھاری ذات پر گزرے
میں ہر موسم میں رہتا ہوں
تو پھر تم کیا سناؤ گی؟؟؟
مجھے تم کیا بتاؤ گی؟؟؟
[/align:769fa3c07d]

 

[قیصرانی]

اچھی لگی

 

[سارہ خان]

خیریت تو ہے نہ ضبط یہ آجکل اتنی ہجر و فراق والی شاعری کیوں لکھی پڑھی جا رہی ہے ۔۔۔
نظم اچھی ہے ۔۔۔

 

[فرحت کیانی]

بہت خوب۔ میں بھی عاطف سعید کو ہی پڑھ رہی تھی اور انہی کی شاعری یہاں پوسٹ کرنے آئی تھی

 

[عمر سیف]

پسند کرنے کا شکریہ فرحت سارہ اور قیصرانی۔

سارہ خیریت ہی ہے۔
فرحت میں نے پڑھی وہ نظم بھی بہت عمدہ ہے۔

 

[عمران القادری]

اچھی کوشش ہے۔

 

[علی فاروقی]

اچھی شاعری ہے،خوب انتخاب

 

[تہذیب]

اچھی لگی۔ دل کو چھو گئی۔