مجھ کو آئے گا کسی روز منانے والا - شانتی صبا

[کاشفی]

غزل
(شانتی صبا)
مجھ کو آئے گا کسی روز منانے والا
اتنا ظالم تو نہیں روٹھ کے جانے والا

آج کے دور میں اُمیدِ وفا کس سے رکھیں
دھوپ میں بیٹھا ہے خود پیڑ لگانے والا

اُس پہ بربادی کا الزام لگائیں کیسے
برف کے شہر میں رہتا ہے جلانے والا

دانے دانے کو وہ محتاج نظر آتا ہے
تھا جو ہاتھوں کی لکیروں کو بتانے والا

کربلا کی ہمیں تاریخ بتاتی ہے یہی
خود ہی مٹ جائے گا اک روز مٹانے والا

جشن پھر بادِ بہاراں کا منالوں گی صبا
لوٹ تو آئے ذرا گاؤں سے جانے والا​

 

[قیصرانی]

خوب، یہ مصرع سمجھ سے کچھ بالاتر لگا

برسوں کے شہر میں رہتا ہے جلانے والا

 

[کاشفی]

خوب، یہ مصرع سمجھ سے کچھ بالاتر لگا

صحیح کردیا ہے۔۔۔
برف کے شہر میں رہتا ہے جلانے والا

 

[قیصرانی]

صحیح کردیا ہے۔۔۔
برف کے شہر میں رہتا ہے جلانے والا

جزاک اللہ۔ میں اسے اپنی ناسمجھی پر محمول کر رہا تھا

 

[کاشفی]

جزاک اللہ۔ میں اسے اپنی ناسمجھی پر محمول کر رہا تھا

اتنے بھی ناسمجھ نہ بنیں آپ۔۔سب سمجھتے ہیں آپ۔۔
یہ غزل پڑھیںقیصرانی بھائی۔۔

 

[کاشفی]

مجھ کو آئے گا کسی روز منانے والا
اتنا ظالم تو نہیں روٹھ کے جانے والا
​

 

[کاشفی]

مجھ کو آئے گا کسی روز منانے والا​

اتنا ظالم تو نہیں روٹھ کے جانے والا
​