میرا جی مجھ کو تینوں یکساں ہیں

[فہد اشرف]

مجھ کو تینوں یکساں ہیں
​

جب ہو مجھ کو عشق کسی سے

ماہِ سیمیں، مہرِ زریں اور روئے دلدار
مجھ کو تینوں یکساں ہیں
​

عشق میں جب کامل ہو جاؤں

آتشِ سوزاں، خارِ مغیلاں اور ہجرِ دلدار
مجھ کو تینوں یکساں ہیں
​

عشق میں جب بے خود ہو جاؤں

شاہِ جہاں، علامۂ دوراں اور گدائے خوار
مجھ کو تینوں یکساں ہیں
​

جب میں اس کے گھر کو دیکھوں

باغ و بستاں اور چراغاں اور اس کی دیوار
مجھ کو تینوں یکساں ہیں
​

جب میں اس دنیا سے جاؤں

ایک بھکاری، ایک پجاری، ایک بڑا زردار
مجھ کو تینوں یکساں ہیں​

—میرا جی​

​

 

[عبید انصاری]

واہ، زبردست انتخاب!
جیتے رہیے۔

 

[محمد وارث]

لاجواب۔ شکریہ جناب ارسال فرمانے کے لیے۔