محبت کی شادی کرنے پر بہن کا اغواء ۔ درست اقدام یا غلط۔تبصرہ کیجئے

[عظیم اللہ قریشی]

http://daily.urdupoint.com/news/2014-04-22/national-news-183213.html
میرے خیال درست نہیں تو کچھ زیادہ غلط بھی نہیں ہے۔
اگر ایک بندہ پسند کی شادی کرتا ہے تو اس کو دیکھنا چاہیئے کہ بعد میں اس کے نتائج کیا ہونگیں۔مخالفین کیا کرسکتے ہیں۔ان سب باتوں کو سوچ کر ایسا قدم اٹھانا چاہیئے۔ اب اگر مخالفین ایسا انتہائی قدم نہ اٹھا تے تو معاشرے میں ان کی نام نہاد عزت کیسے بحال ہوتی ؟؟؟؟
واضح ہو کہ میں جاہل معاشرے کی بات کررہا ہوں

 

[arifkarim]

میرے خیال درست نہیں تو کچھ زیادہ غلط بھی نہیں ہے۔
واضح ہو کہ میں جاہل معاشرے کی بات کررہا ہوں

یعنی آپکی بلند و بالا "روحانیت" نے آپکو ابتک یہ "فضیلت اور معرفت" عطا کی ہے کہ پسند کی شادی کرنے پر اغواء کرنا اگر اچھا قدم نہیں ہے تو زیادہ غلط بھی نہیں ہے؟
ظاہر ہے آپ یہاں جاہل معاشرے کی ہی بات کر رہے ہیں جہاں یہ سب عام ہے اور اسی لئے اسے مغربی معاشرے جہالت کا نام دیتے ہیں۔

 

[زیک]

جہالت اور ظلم کی انتہا ہے

 

[arifkarim]

جہالت اور ظلم کی انتہا ہے

یہی تو یہاں کا المیہ ہے۔ بقول حسن نثار: اگر میرے بس میں ہو تو میں کچھ کروڑ پاکستانیوں کو پوری دنیا میں بھیجوں تاکہ وہ دیکھیں کہ دنیا کیسے چل رہی ہے اور پاکستانی سوچ کہاں کنوے کے مینڈک کی طرح پھنسی ہوئی ہے۔

 

[ناصر علی مرزا]

یہی تو یہاں کا المیہ ہے۔ بقول حسن نثار: اگر میرے بس میں ہو تو میں کچھ کروڑ پاکستانیوں کو پوری دنیا میں بھیجوں تاکہ وہ دیکھیں کہ دنیا کیسے چل رہی ہے اور پاکستانی سوچ کہاں کنوے کے مینڈک کی طرح پھنسی ہوئی ہے۔

اگر ایک بندہ پسند کی شادی کرتا ہے تو اس کو دیکھنا چاہیئے کہ بعد میں اس کے نتائج کیا ہونگیں۔مخالفین کیا کرسکتے ہیں۔ان سب باتوں کو سوچ کر ایسا قدم اٹھانا چاہیئے۔
کیا آپ منررجہ بالا فقرے سے متفق ہیں؟ اور اگر نہیں تو پھر درست اقدام کیا ہونا چاہیے ؟

 

[محمد امین]

بلاتبصرہ خبریں، بلا تبصرہ معاشرہ۔۔۔

 

[ساجد]

جس دن ہمارے معاشرے میں لڑکوں کو لڑکیوں پر فوقیت دینے کا رواج ختم ہو جائے گا اس دن ایسے واقعات کا ظہور نہ ہو گا ۔ صرف ایک شادی پر معاملہ موقوف نہیں ہوتا بلکہ جہالت تو یہ ہے کہ لڑکا کسی لڑکی کی عزت سے کھیلے تو اسے فخر سمجھا جاتا ہے اور لڑکی پسند کی شادی بھی کر بیٹھے تو اسے قتل ، اغواء یا آبرو ریز کر دیا جاتا ہے ۔ اسی خبر کو دیکھ لیں کہ جس آدمی سے اس لڑکی کا زبردستی نکاح کیا گیا وہ 5 روز تک اپنی ہونے والی منکوحہ سے جنسی زیادتی کرتا رہا اور اپنے دوستوں کو بھی اپنے ساتھ شامل کرتا رہا ۔ اس کی اپنی بہن نے تو پسند سے شادی کی تھی اور اس نے اپنے بہنوئی کی بہن کے ساتھ جو کیا وہ اس سے کہیں زیادہ سنگین اور قابل مذمت ہے جو اس لڑکی نے کیا ۔

 

[arifkarim]

جس دن ہمارے معاشرے میں لڑکوں کو لڑکیوں پر فوقیت دینے کا رواج ختم ہو جائے گا اس دن ایسے واقعات کا ظہور نہ ہو گا ۔ صرف ایک شادی پر معاملہ موقوف نہیں ہوتا بلکہ جہالت تو یہ ہے کہ لڑکا کسی لڑکی کی عزت سے کھیلے تو اسے فخر سمجھا جاتا ہے اور لڑکی پسند کی شادی بھی کر بیٹھے تو اسے قتل ، اغواء یا آبرو ریز کر دیا جاتا ہے ۔ اسی خبر کو دیکھ لیں کہ جس آدمی سے اس لڑکی کا زبردستی نکاح کیا گیا وہ 5 روز تک اپنی ہونے والی منکوحہ سے جنسی زیادتی کرتا رہا اور اپنے دوستوں کو بھی اپنے ساتھ شامل کرتا رہا ۔ اس کی اپنی بہن نے تو پسند سے شادی کی تھی اور اس نے اپنے بہنوئی کی بہن کے ساتھ جو کیا وہ اس سے کہیں زیادہ سنگین اور قابل مذمت ہے جو اس لڑکی نے کیا ۔

مغرب کی طرف سے اسلامی معاشروں پر ایک بڑی تنقید یہی جنسوں کے مابین امتیازی اسلوک ہے۔ یعنی ہمارا معاشرہ دانستہ طور پر لڑکوں، مردوں کو خواتین اور لڑکیوں پر فوقیت دیتا ہے۔ یعنی جو چیز ہم مذکر کیلئے پسند کرتے ہیں، اسی کو مونث کیلئے محروم سمجھتے ہیں۔ اس قدیم معاشرتی گراوٹ کو قائم رکھنے میں خود ہماری خواتین یعنی بہنوں، ماؤں، بیویوں وغیرہ کا اپنا بڑا کردار رہا ہے۔ یاد رہے کہ یہاں مغرب میں بھی 1970 تک یہی صورتحال تھی۔ لیکن پھر یہاں عورتوں کی طرف سے ایک انقلابی مہم کا آغاز ہوا جسکے بعد یہاں خواتین کو معاشرہ میں برابری کی بنیادوں پر مردوں جیسے حقوق ملنا شروع ہو گئے:

http://en.wikipedia.org/wiki/Second-wave_feminism

 

[سید ذیشان]

اسلام میں دو عاقل، بالغ مرد اور عورت گواہوں کی موجودگی میں نکاح کر سکتے ہیں۔ اور اگر معاشرہ اسلامی ہو تو اس کو قبول کیا جائے گا۔ اس کے علاوہ جتنی بھی پیچیدگیاں ہیں وہ سب غیرت کے نام پر جاہلانہ قسم کی روایات کا شاخصانہ ہے۔ اسلام کی اگر لوگوں کو ضرورت ہے تو ان چیزوں میں ہے نہ کہ نفرت، فرقہ واریت اور دہشت گردی کے پرچار میں۔

 

[سید ذیشان]

اگر ایک بندہ پسند کی شادی کرتا ہے تو اس کو دیکھنا چاہیئے کہ بعد میں اس کے نتائج کیا ہونگیں۔مخالفین کیا کرسکتے ہیں۔ان سب باتوں کو سوچ کر ایسا قدم اٹھانا چاہیئے۔
کیا آپ منررجہ بالا فقرے سے متفق ہیں؟ اور اگر نہیں تو پھر درست اقدام کیا ہونا چاہیے ؟

جو بندہ پسند کی "شادی" کر رہا ہے وہ ایک حلال کام کر رہا ہے۔ اور اگر ایک حلال کام کرنے میں اس کو اتنی سوچ بچار اور رکاوٹوں کا سامنا ہے تو اس سے یہی اندازہ ہوتا ہے کہ معاشرے کو اسلامی اقدار کا کس حد تک پاس ہے۔

 

[arifkarim]

اگر ایک بندہ پسند کی شادی کرتا ہے تو اس کو دیکھنا چاہیئے کہ بعد میں اس کے نتائج کیا ہونگیں۔مخالفین کیا کرسکتے ہیں۔ان سب باتوں کو سوچ کر ایسا قدم اٹھانا چاہیئے۔
کیا آپ منررجہ بالا فقرے سے متفق ہیں؟ اور اگر نہیں تو پھر درست اقدام کیا ہونا چاہیے ؟

یعنی آپ یہ کہہ رہے کہ اگر لڑکی لڑکا راضی ہیں تو وہ اپنی مرضی سے شادی نہیں کر سکتے؟ مخالفین کا اس سے کیا لینا دینا؟ کڑی منڈا راضی تے کی کرے گا قاضی! جنکی زندگی ہے وہ خود فیصلہ کریں کہ شادی کس سے کرنی ہے۔ بڑے رہنمائی کر سکتے ہیں لیکن اپنا فیصلہ بچوں پر تھوپنے کی کسنے اجازت دی؟