محسن حجازی کی تصویر

[الف عین]

لگے رہو شمیل۔ جاننے والے تو جان ہی جائیں گے کہ تحریر کس کی ہے۔ اور اگر خدا نخواستہ تمھاری شناخت نہیں بھی رہی، تو اردو کی خدمت کا کام تو ہو ہی جائے گا۔ جس کے لئے کم سب کارفرما ہیں۔

 

[باسم]

مضمون

میں نے مضمون دیکھا
پڑھنے سے ایسا لگتا ہے محسن صاحب اس دنیا میں نہیں رہے (اللہ نہ کرے) کیونکہ تھے تھا کا استعمال بہت کیا گیا ہے کچھ خیا ل کریں

 

[نبیل]

لگے رہو شمیل۔ جاننے والے تو جان ہی جائیں گے کہ تحریر کس کی ہے۔ اور اگر خدا نخواستہ تمھاری شناخت نہیں بھی رہی، تو اردو کی خدمت کا کام تو ہو ہی جائے گا۔ جس کے لئے کم سب کارفرما ہیں۔

اوپر سے شمیل سوگ کا مہینہ منا رہے ہیں تو لوگ واقعی برا خیال کر رہے ہوں گے۔ خوب نکتہ نکالا ہے باسم، واقعی اس مضمون میں کچھ ترمیم کی جانی چاہیے۔

 

[دوست]

اچھا نکتہ اٹھایا ہے ویسے۔۔

 

[محسن حجازی]

طویل غیر حاضری کے بعد حاضر ہو رہا ہوں، ایک تو بات کچھ یوں کہ وکی پیڈیا پر ہمارا ذکر بد جو ہو رہا ہے اس سے ہمیں تو کچھ فرق پڑے نہ پڑے لیکن وکی پیڈیا ضرور بدنام ہوجائے گا کہ ہر ایرے غیرے کی معلومات اٹھا کے رکھ دیتے ہیں۔ دوسرے یہ کہ احباب کی اطلاع کے مطابق ہمارا سیاہ نام ڈاکٹر عبدالسلام اور ڈاکٹر عبدالقدیر کے ساتھ آرہا ہے اس پر بھی بہت شرمندگی ہو رہی ہے۔ یہ نہیں کہ ہم بہت اونچے ہیں اور ان کے ساتھ نام لکھوانا گوارا نہیں کرتے بلکہ یہ کہ ہمارا نام ان کے نیچے لکھا جانا تو کجا ایک صفحے پر بھی ہونا ان عظیم لوگوں کی شان میں گستاخی کے مترادف ہے۔ مجھے اس بات سے انکار نہیں کہ اردو کے لیے نستعلیق کے ضمن میں کچھ غلطیاں سرزد ہوئی ہیں اور مشینی ترجمہ کاری اور بصری حرف شناسی پر بھی کام کر رہا ہوں اور یہ کہ سائنس بچپن سے کشش رکھتی ہے لیکن وہ سب اپنی پیاس بجھانے کو کرتا ہوں ذہنی عیاشی کو کرتا ہوں کہ اور کوئی تفریح کا ذریعہ نہیں جو مجھے مطمئن کر سکے۔۔۔
دوم:
طویل عرصے سے اصرار ہے کہ نستعلیق کے سارے راز اٹھا کے طشت از بام کر دیے جائیں گے اور اس ضمن میں اس قدر سوچتا ہوں کہ سہ روزہ ورکشاپس اور سیمینار بھی منعقد کروائے جائیں۔ اب خود ہی سوچیں کہ جب اس قدر لوگ تربیت یافتہ ہو جائیں گے تو کیا یہ کوئی کارنامہ رہ جائے گا؟ جب پاک نستعلیق سے بھی بہتر فونٹس آئیں گے تو محسن حجازی کیا ہوگا؟ کچھ نہیں۔۔۔ جب تک فرد کو فنا نہیں کیا جائے گا ادارے نہیں تشکیل پائیں گے۔۔۔ ابھی حال میں فرانس سے ایک ڈاکٹریٹ کے ایک طالب علم نے نستعلیق فونٹ جاری کیا ہے فجر نستعلیق کے نام سے۔ کیا اس کے بعد بھی کوئی گنجائش باقی ہے؟ حرف صرف وکی پیڈیا کے اردو ایڈیشن پر آئے گا کہ جی یہ کوئی مستند ماخذ نہیں معلومات کے لیے بس ایسے ہی ایرے غیرے نتھو خیرے جمع ہیں۔۔۔ اور یہ بات مجھے ذاتی طورپر کسی طور بھی گوارا نہیں خواہ اس کی ہم لوگوں کو کوئی قیمت بھی چکانی پڑے۔ اجتماعی مفاد کو انفرادی مفاد پر فوقیت ہونی چاہیے اور ہمارا المیہ یہی کہ انفرادی مفاد مقدم رہا ہے۔۔۔۔ سو ان نکات کی موجوگی میں گزارش ہے کہ وکی پیڈیا سے ہمارا ذکر بد ہٹا لیا جائے تو یہ اردو کے ووسیع تر مفاد میں ہوگا۔۔۔ویسے بھی جو کام کیا گیا ہے، اس کا معاوضہ مجھے مل چکا ہے، ملتا ہے اور وہ سب پیسہ بھی آپ سب کی جیبوں سے ہی آتا ہے (بھائی ماچس کی ڈبیا تک پہ تو دس پیسے ٹیکس ہے۔۔۔ ظلم است!)

والسلام،
ایک معمولی سا مزدور۔۔۔

 

[جیسبادی]

وکیپیڈیا کا مقصد صرف معلومات فراہم کرنا ہے۔ اگر کوئی "پاک نستعلیق" کو گوگل کرتا ہے، تو اسے وکیپیڈیا پر مضمون ملنا چاہیے۔ اب اس کی تخلیق سے متعلق تاریخ بھی چاہیے جس میں بنانے والوں کا نام بھی آ جائے گا۔ انگریزی وکیُیڈیا پر بھی آئنسٹائن، کے ساتھ آپ کو Bruce Allen کا مضمون ملے گا، جسے عام لوگ نہیں جانتے، کیونکہ ایک عام پروفیسر ہے۔ اس کے علاوہ بری شہرت رکھنے والے لوگوں کے مضامین موجود ہیں۔ کیونکہ مقصد صرف معلومات فراہم کرنا ہے۔ اردو وکیپیڈیا پر ابھی کم ہی ایسے لوگ ہیں جو علمی طرز پر مضامین لکھ سکیں، لکھتے ہوئے مبالغہ آرائ سے بچ کر لکھنا سب لوگوں کو نہیں سوجھتا۔ وہاب صاحب کے لکھے سوانحی مضامین اچھے انداز میں لکھے گئے ہیں۔

محسن، خیر چھوڑیں، وکیپیدیا سے آپ کی جان نہیں چھوٹ سکتی۔ اصل بات یہ ہے کہ OCR اور Machine translation پر آپ تحقیق کر رہے ہیں، اور وکیپیڈیا پر اس بارے کوئی مضمون نہیں۔ یہ تو چراغ تلے اندھیرے والی بات ہوئی۔