تیرہویں سالگرہ محفلین کے لیے تعریف کے مبالغہ آمیز پُل باندھے جائیں

[محمد عدنان اکبری نقیبی]

کیا حال ہیں محفلین؟
محفل کی سالگرہ کاجشن اپنے عروج پہ ہے ،
تمام محفلین جوش و خروش سے مزے مزے کے تھریڈز بنا رہے ہیں۔

ہمارے دماغ میں بھی ایک مزیدار اور دلچسپ آئیڈیا آیا ہے ،
کرنا کچھ یوں ہے کہآپ کو اپنے پسندیدہ محفلین کو ٹیگ کرتے ہوئے اس کی تعریف میں مبالغہ آرائی کے پل باندھنے ہیں ۔

آپ کی مبالغہ آمیز تعریف پرمزاح با ادب شائستہ انداز میں ہونی چاہیے ۔

خبردار جو کسی نہیں کوئی گڑبڑ کرنے کی کوشش کی ۔
ہماری فرقان بھیا لاٹھی لیے چوکس کھڑے ہیں
اور آپ دوست احباب بھیا کے مزاج سے خوب اچھی طرف واقف ہیں ،
پل میں مراسلے کو ایسے غائب کرتے ہیں جیسے کبھی تھا ہی نہیں ۔

ادب کا دامن تھامے اپنی پر مزاح مبالغہ آرائی سے زمین آسمان کو ایک کر دیں
کہ وہ بے چارہ محفلین جس کی تعریف میں آپ نے زمین آسمان ایک کیا ہے ،
وہ اپنی اتنی عمدہ تعریف دیکھ کر اپنا سر پیٹ ڈالے ۔
​

 

[فرقان احمد]

صاحب! سجاوٹ کرنا تو کوئی آپ سے سیکھے چاہے وہ لڑی ہی کی کیوں نہ ہو۔ پچھلے اولمپکس کی تیاری کے انتظامات بھی ہم آج تک نہ بھلا پائے۔کیا خوب انتظامات کروائے تھے آپ نے؟ اللہ اللہ! آپ ایسا عبقری بھی محفلین میں شامل ہے، ہم اپنی قسمت پر کیوں کر ناز نہ کریں!

 

[محمد تابش صدیقی]

ان سے ملیے، یہ ہیں ہمارے املا کے استاد شمس الاملاء محترم جناب محمد عدنان اکبری نقیبی صاحب ۔ اردو املاء پر ان کی رائے سند کی حیثی۔۔۔

سرگوشی

معذرت، قلم بے ہوش ہو گیا ہے۔

 

[محمد عدنان اکبری نقیبی]

صاحب! سجاوٹ کرنا تو کوئی آپ سے سیکھے چاہے وہ لڑی ہی کی کیوں نہ ہو۔ پچھلے اولمپکس کی تیاری کے انتظامات بھی ہم آج تک نہ بھلا پائے۔کیا خوب انتظامات کروائے تھے آپ نے؟ اللہ اللہ! آپ ایسا عبقری بھی محفلین میں شامل ہے، ہم اپنی قسمت پر کیوں کر ناز نہ کریں!

مطلب جو بولے وہ ہی کنڈی کھولے ،پہلا نشانہ ہمیں ہی بنا دیا گیا ۔

 

[فرقان احمد]

استاد شمس الاملاء

الگ سے داد!

 

[محمد عدنان اکبری نقیبی]

الگ سے داد!

اتنا پسند آیا ہے تو پیک کروا کے آپ کو پارسل بھج دیتے ہیں ۔

 

[فرقان احمد]

اتنا پسند آیا ہے تو پیک کروا کے آپ کو پارسل بھج دیتے ہیں ۔

آپ کی سخاوت کے ہم یوں بھی قائل ہیں۔ ہمیں آج تک یاد ہے کہ آپ نے پی سی ہوٹل میں بیرے کو پندرہ ہزار ڈالر کی ٹپ دی تھی۔ کیا بات ہے آپ کی، قبلہ!

 

[ہادیہ]

آپ کی سخاوت کے ہم یوں بھی قائل ہیں۔ ہمیں آج تک یاد ہے کہ آپ نے پی سی ہوٹل میں بیرے کو پندرہ ہزار ڈالر کی ٹپ دی تھی۔ کیا بات ہے آپ کی، قبلہ!

تعریفیں کرنی ہیں یا "لمبی لمبی" چھوڑنی ہیں۔۔؟؟؟

 

[ہادیہ]

تعریف کرتے ہوئے خاص احتیاط کیجیے گا کہیں "پنکھا" لپیٹنے کا کام نا کررہا ہو۔۔۔

 

[ہادیہ]

ان سے ملیے، یہ ہیں ہمارے املا کے استاد شمس الاملاء محترم جناب محمد عدنان اکبری نقیبی صاحب ۔ اردو املاء پر ان کی رائے سند کی حیثی۔۔۔

سرگوشی

معذرت، قلم بے ہوش ہو گیا ہے۔

کچھ زیادہ نہیں ہوگیا۔۔

 

[محمد عدنان اکبری نقیبی]

اس محفل میں ہمارے ہر دلعزیز بھیا سید عمران بھی ہوا کرتے ہیں ۔ ڈونلڈ ٹرمپ سے قریبی تعلقات کی بنا پر ان کا محفل پر بہت رعب ہے۔صدر ممنون حسین عمران بھائی بچپن میں ساتھ کنچے کھیلا کرتے تھے۔ زرداری تو بھیا کا جگری یار ہے ، آج کل عمران بھیا کا زیادہ وقت بلاول ہاوس میں بلاول بھٹو کی اردو املاء درست کرتے گزرتا ہے ،بھیا الیکشن کی وجہ سے بھیا بلاول بھٹو کی خصوصی کلاس لے رہے ہیں ۔عمران بھیا اردو زبان کی املاء کے نامور سرجن ہیں ۔بھیا کے شاگردپاکستان کے علاوہ پوری دنیا میں پائے جاتے ہیں ۔

 

[محمد عدنان اکبری نقیبی]

اے خان بھائی جن کو محفلین چھوٹے خان کے نام سے بھی پکارتے ہیں۔ بہترین ماہرکنوارے ہونے کے باوجود شادی نا کرنے کا عظیم تر فیصلہ کر بیٹھے ہیں ۔اے خان کو صف نازک سے تو خاص قسم کی الرجی ہے ۔ہمیشہ 500 گز کی دوری اختیار کیے رکھتے ہیں۔اتنی کم عمری میں سنیاس لینا بڑے دل گردے کلیجی پھیپڑے کا کام ہے ۔

 

[زیک]

اس لڑی میں تعریف کہاں ہے؟

 

[ہادیہ]

اے خان بھائی جن کو محفلین چھوٹے خان کے نام سے بھی پکارتے ہیں۔ بہترین ماہرکنوارہ ہونے کا باوجود شادی نا کرنے کا عظیم تر فیصلہ کر بیٹھے ہیں ۔اے خان کو صف نازک سے تو خاص قسم کی الرجی ہے ۔ہمیشہ 500 گز کی دوری اختیار کیے رکھتے ہیں۔اتنی کم عمری میں سنیاس لینا بڑے دل گردے کلیجی پھیپڑے کا کام ہے ۔

کیوں چھوٹے بھائی کو رُلانے کے چکروں میں ہیں۔۔
تعریف کریں جھوٹ تو نا بولیں۔۔
جتنے گز کی دوری آپ نے بیان فرمائی ہے اتنے "گز" دور تو خان صاحب کا اپنا گھر نہیں ہوگا ۔۔

 

[ہادیہ]

اس لڑی میں تعریف کہاں ہے؟

میں بھی ڈھونڈ ہی رہی ہوں ابھی تک۔۔

 

[مریم افتخار]

میں نے سوچا کہ اس سلسلے میں حصہ لینے سے پہلے کیوں نا کوئی پہلے سے بندھا ہوا پُل پیش کیا جائے:

اگرچہ وہ ایک گلیشئیر (کے نام سے منسوب) ہیں لیکن اگر ایک لمحے کو انہیں ایک تخیلاتی کردار مان لیا جائے جو اردو محفل فورم کے افق پر ابھرا تو یہ کہنا بے جا نہ ہو گا کہ یہ تخیلاتی کردار ہی سب پر بازی لے گیا. ان کے مراسلہ جات جن سے ہم مستفید ہوتے ہیں اکثر اوقات اس قسم کے ہوتے ہیں کہ ریٹنگز آپس میں لڑ پڑتی ہیں کہ 'میری باری ہے، دیکھو مراسلہ زیادہ پرمزاح تھا.' دوسری ریٹنگ کہتی ہے کہ 'زبردست دینے کے سوا تمہارے پاس اور چارہ ہی کیا ہے کہ ایسی تخیل کی پرواز اور کس کی ہوگی؟' تیسری ریٹنگ یوں گویا ہوتی ہے کہ 'یہ بات تمہارے علم میں پہلے تھی؟ نہیں نا! تو پھر مجھے انصاف دلاؤ.' چوتھی ریٹنگ کا تو اپنا ہی رونا ہوتا ہے کہ' بات تو سکرپٹ رائٹر نے خدا لگتی کہی ہے، اب میں بھی خدا لگتی کہوں؟ متفق کا بٹن دباؤ اور ان کی آواز میں آواز ملاؤ. ' پانچویں ریٹنگ دائیں کونے سے ہنکارہ بھرتی ہے کہ' ارے کہنا کیا چاہتی ہو تم سب مل کر؟ کیوں معصوموں کو ورغلا رہی ہو؟ بات تو یہی ہے نا کہ مراسلہ پسند آیا؟ گومبو خوش ہوا؟ تو یہ محل میرا ہے، تم سب چپکی پڑی رہو ورنہ بائیں کونے میں دھکیل دی جاؤ گی. '
وغیرہ وغیرہ اور مکرر وغیرہ....

سرگوشی

ویسے ہم (انٹرویو ٹیم) نے سوچا تھا کہ اپنے ہر مہمان کی شان میں کچھ اس طرح تحریر کیا کریں گے، پھر شاید یہ لڑی بنانے کی ضرورت ہی نہ پڑتی لیکن مندرجہ بالا ایک تجربے کے اوپر آنے والے ری ایکشنز پر ہی میں نے اس کام سے توبہ کر لی.

 

[محمد عدنان اکبری نقیبی]

ٹیچر ہادیہ زبردست صلاحیت کی حامل خاتون ہیں ۔آپ ایک طویل عرصے سے درس اور تدریس کا نیک کام کر رہی ہیں ۔مس ہادیہ بہن کے شاگرد دنیا بھر میں پھیلے ہوئے ہیں ۔ان کے شاگروں کی فہرست میں بہت سےنامور اور مشہور و مفرور نام شامل ہیں ۔جن میں میاں نوازشریف اور شہباز شریف ،شجاعت حسین ،ریئسانی وغیرہ وغیرہ شامل ہیں۔محترمہ نے لڑی آرکیٹکچر کے شعبے میں اردو محفل کے علاوہ دنیا بھر میں خوب نام کمایا ہے ۔

 

[مریم افتخار]

جن میں میاں نوازشریف اور شہباز شریف ،شجاعت حسین ،ریئسانی وغیرہ وغیرہ شامل ہیں۔

آپ سائیں قائم علی شاہ کا ذکر کرنا بھول گئے. وہ ناراض ہو جائیں گے.

 

[محمد عدنان اکبری نقیبی]

آپ سائیں قائم علی شاہ کا ذکر کرنا بھول گئے. وہ ناراض ہو جائیں گے.

سائیں قائم علی شاہ کا شمار ہادیہ بہن کے پہلے شاگرد میں ہوتا ہے ۔وہ ہادیہ سے ٹیوشن پڑھتے تھے ۔

 

[ہادیہ]

ٹیچر ہادیہ زبردست صلاحیت کی حامل خاتون ہیں ۔آپ ایک طویل عرصے سے درس اور تدریس کا نیک کام کر رہے ہیں ۔مس ہادیہ بہن کے شاگرد دنیا بھر میں پھیلے ہوئے ہیں ۔ان کے شاگروں کی فہرست میں بہت سےنامور اور مشہور و مفرور نام شامل ہیں ۔جن میں میاں نوازشریف اور شہباز شریف ،شجاعت حسین ،ریئسانی وغیرہ وغیرہ شامل ہیں۔محترمہ نے لڑی آرکیٹکچر کے شعبے میں اردو محفل کے علاوہ دنیا بھر میں خوب نام کمایا ہے ۔

مینوں پتہ سی ہن میری واری آن والی۔۔
خدا کا خوف کریں بھائی ۔۔میرے "باپ دادا "کی عمر کے لوگوں کو میرے شاگرد بنا دیا۔۔۔