محفل متراں دی

[فاروق احمد بھٹی]

 

[فاروق احمد بھٹی]

 

[فاروق احمد بھٹی]

 

[عبدالقیوم چوہدری]

وے سونے دیا کنگناں، سودا اِکو جیا
دل دینا تے دل لینا، سودا اِکو جیا

میں نئیوں تکنا وے تینوں ادھا بُوھا ٹوہ کے
ویکھنا اے تینوں سدا، سامنے کھلو کے
تو جس گلیوں لنگھناں ، سودا اِکو جیا

تُو میری میرے ڈھولنا، بن گیاں تقدیر وے
میں ہُنڑ بنڑ جانڑاں تیری تصویر وے
تیرےپیار وچ تن من رنگنڑاں، سودا اِکو جیا

دل والے ویہڑے سجنڑاں، بُوٹا پیار دا لایا میں
پتے پتے اُتے تیرا ناء لکھوایا میں
اِہنوں سانبھ سانبھ کے رکھنڑاں، سودا اِکو جیا
-
فلم چن وریام 1981

 

[خرم انصاری]

میں ویکھاں میرا یار نا ویکھے،
جے میں نا ویکھاں تے اوہ ویکھے
غلام فریداؒ بوھے یار دے مریئے،
اوہ ویکھے یا نا ویکھے

واہ۔۔۔۔بڑا شعر ماریا ای

 

[عبدالقیوم چوہدری]

واہ۔۔۔۔بڑا شعر ماریا ای

کوئی سٹ شٹ تے نئی آئی

 

[خرم انصاری]

کوئی سٹ شٹ تے نئی آئی

بس بچ بچا ہو گیا۔۔۔۔پر تسی ذرا تیان نال ماریا کرو

 

[عبدالقیوم چوہدری]

بس بچ بچا ہو گیا۔۔۔۔پر تسی ذرا تیان نال ماریا کرو

ہلا۔۔۔ایس واری بچ گئے او۔۔۔۔
اگلی واری نا بچسو۔۔۔

 

[خرم انصاری]

کوئی گل نئیں بچو!!!نبڑ لواں گا میں تہاڈے نال وی۔۔۔ہور سناؤ ادب دوست دے نال اوس خفیہ ملاقات دا کی بنیا۔۔۔۔۔میرا مطلب اے حجامت کیہو جئی رئی

جی جی ، تو ہمیں کب محنت میں شرم ہے
مگر اس کے باوجود آپ کی سرِ راہ حجامت پر ہم راضی نہیں ہو نگے۔

یہ آپ ہمیں کہیں خفیہ ملاقات کے لیے راضی تو نہیں کر رہے

 

[عبدالقیوم چوہدری]

کوئی گل نئیں بچو!!!نبڑ لواں گا میں تہاڈے نال وی۔۔۔ہور سناؤ ادب دوست دے نال اوس خفیہ ملاقات دا کی بنیا۔۔۔۔۔میرا مطلب اے حجامت کیہو جئی رئی

ہئیے۔۔۔اودھا ویلا نئی آیا۔۔۔بس لگیں آں تیاریاں وچ

 

[خرم انصاری]

ہئیے۔۔۔اودھا ویلا نئی آیا۔۔۔بس لگیں آں تیاریاں وچ

ناں! مینوں اے تے دسو تسی حجامت کرانی اے یا کشتی لڑنی اے؟

 

[عبدالقیوم چوہدری]

ناں! مینوں اے تے دسو تسی حجامت کرانی اے یا کشتی لڑنی اے؟

حجامت کرا کے فیر کشتی کرنی اے

 

[خرم انصاری]

حجامت کرا کے فیر کشتی کرنی اے

اچھا!!!!!!!!!!!میں بھی کہوں خلاف معمول و دستور ادب دوست کتھے غائب ہو گئے ہن پتا چلیا او تا تیاریاں چ مصروف اے

 

[عبدالقیوم چوہدری]

اچھا!!!!!!!!!!!میں بھی کہوں خلاف معمول و دستور ادب دوست کتھے غائب ہو گئے ہن پتا چلیا او تا تیاریاں چ مصروف اے

جی آ۔ تے میں وی جا رہیا آں۔
تسی وی کوئی شعر مارو۔۔ فیر آ کے پڑھنا آں

 

[خرم انصاری]

جی آ۔ تے میں وی جا رہیا آں۔
تسی وی کوئی شعر مارو۔۔ فیر آ کے پڑھنا آں

شعراں دا ساڈے نال کی کم او تے ساڈے کولو ایویں پج دے نے جیویں اسی شیراں کولو

 

[فاروق احمد بھٹی]

دکھ دریا سمندر بن گئے، ٹٹے سبھّ سہارے ۔
آساں نوں انجھ ڈھاواں لگیاں، کھر-کھر گئے کنارے ۔

ہن تے دل وچّ کدھرے وی کوئی، آس امید نہیں وسدی،
اک-اک کرکے بجھے آخر، ایہہ سبھ نور-منارے ۔

لکھ کروڑاں پتر ہندیاں، رلاں میں کلم-کلی،
بیلے وچّ اک مائی کھلوتی، رو-رو پئی پکارے ۔

حرف وچارے اڈیاں چکّ-چکّ ایدھر-ادھر دیکھن،
خون دا وتر لاوے کہڑا ؟ سانوں کون پکارے ؟

اپنی جان تلی 'تے دھرکے، چھاتی تان کھلووے،
ماں-بولی 'تے پہرہ دیوے ! کوئی نہ پتھر مارے ۔

چر ہویا اے دھرتی اتے رونق-میلہ لگیاں،
آ جا سولی چڑھکے نچیئے، دیکھن لوک نظارے ۔

جو کجھ کرنیں اج ہی کرلے، کل کسے نہیں دیکھی،
اوڑک اک دن وج جانے نے 'عاشق' کوچ-نگارے ۔

عاشق لاہوری​

محمد یعقوب آسی سید شہزاد ناصر تلمیذ عبدالقیوم چوہدری اوشو نیرنگ خیال

 

[فاروق احمد بھٹی]

منہ دا ذائقہ کوڑا-کوڑا کھیسے ساڈے سکھنے ۔
اساں غریباں نویں بہار دے میوے کادھے چکھنے ؟

بھاگاں والی دھرتے دے پتّ سڑیاں بھاگاں والے،
ساری عمر مشقت کردے پھیر بھڑولے سکھنے ۔

گھپّ ہنیرے اندر کہڑا ودھ کے دیوے بالے،
روشنیاں نوں ترس گئے نے ایہہ اکھیاں دے رکھنے۔

ساڈے جسم دا ننگ لکاندی دھوڑ مشقت والی،
اسیں نے اپنے جسے کادھے سانبھ-سنبھال کے رکھنے ۔

لمیاں-لمیاں کاراں دے وچ بیٹھیاں دسن ڈیناں،
ننگے پیریں کولے چگدے 'قدسی' جسم سلکھنے

عبدالکریم قدسی​

 

[عبدالقیوم چوہدری]

شعراں دا ساڈے نال کی کم او تے ساڈے کولو ایویں پج دے نے جیویں اسی شیراں کولو

او تُسی بلے دے او ؟

 

[عبدالقیوم چوہدری]

عشق ماہی دے لائیاں اگاں ،
لگیاں کون بجھاوے ہو
میں کیہ جاناں ذات عشق دی،
در در جا جھکاوے ہو
نہ سوویں نہ سوون دیوے،
ستیاں آن جگاوے ہو
میں قربان تنہاں دے باہو،
وچھڑے یار ملاوے ہو

 

[عبدالقیوم چوہدری]

عاشقاں تو سوہنا مکھڑا لُکان لئی
سجناں نے بُوہے اگے چِک تان لئی

ایہ نئی او سجناں اصول پیار دے
تکنا جے نئی او سانوں گولی مار دے
اسی دور بیٹھے اکھیاں ملان لئی
سجناں نے بُوہے اگے چِک تان لئی

تیرے گھار نمی نمی بتی بلدی
ٹھنڈی ٹھنڈی اگےساڈی جان جلدی
ساڈی ایس اگ اُتے تیل پان لئی
سجناں نے بُوہے اگے چِک تان لئی

ساڈے کولوں مکھڑا لُکان والیو
اے وی دس دیو شرمان والیو
پایا سی پیار لُک چھپ جان لئی
سجناں نے بُوہے اگے چِک تان لئی

۔۔
فلم بھریا میلا - 1966
تھوڑے جئے آلاتِ موسیقی نال بابا جی اے چشتی نے ایس گیت دی اک لازوال دھن تیار کیتی