انیس مخمس در منقبت حضرت علی ابن ابی طالب علیہ السلام - میر انیس

[حسان خان]

علی فخرِ بنی آدم، علی سردارِ انس و جاں​

علی سرور، علی صفدر، علی شیرِ صفِ میداں​

علی ہادی، علی ایماں، علی لطف و علی احساں​

علی حکمت، علی شافی، علی دارو، علی درماں​

علی جنت، علی نعمت، علی رحمت، علی غفراں​

​

علی واصل، علی فاصل، علی شامل، علی قابل​

علی فیض و علی جود و علی بذل و علی باذل​

علی نوح و علی کشتی، علی دریا، علی ساحل​

علی عالم، علی عادل، علی فاضل، علی کامل​

علی افضل، علی مفضل، علی لطف و علی احساں​

​

علی آقا، علی مولا، علی سید، علی سرور​

علی کعبہ، علی قبلہ، علی مسجد، علی منبر​

علی تارک، علی افسر، علی زینت، علی زیور​

علی نور و علی انور، علی دُرّ و علی گوہر​

علی ساقی، علی کوثر، علی مالک، علی رضواں​

​

علی بحر و علی معدن، علی برّ و علی گلشن​

علی فتح و علی نصرت، علی آرامِ جان و تن​

علی درع، علی خود و علی تیغ و علی جوشن​

علی محسن، علی احسن، علی خازن، علی مخزن​

علی مامن، علی مومن، علی آہن، علی ایماں​

​

علی مخبر، علی صادق، علی بینا، علی سامع​

علی فائق، علی فاتح، علی مانع، علی قانع​

علی امر و علی نہی و علی حاکم، علی نافع​

علی شافع، علی نافع، علی رافع، علی واقع​

علی جامع، علی قاطع، علی حجت، علی برہاں​

​

علی عیسیٰ، علی موسیٰ، علی خضر و علی یحییٰ​

علی دانا، علی بینا، علی گوہر، علی دریا​

علی حاکم، علی عادل، علی جنت، علی طوبیٰ​

علی قاضی، عالی اقضیٰ، علی مرجع، علی ملجا​

علی یٰسیں، علی طحٰہ، علی حرز و علی قرآں​

​

علی سابق، علی صادق، علی ثابت، علی قائد​

علی اشرف، علی اعلیٰ، علی ناصر، علی ماجد​

علی کافی، علی وافی، علی واجد، علی شاہد​

علی واحد، علی زاہد، علی راکع، علی ساجد​

علی مرشد، علی ہادی، علی رہبر، علی رہباں​

​

امامِ مشرق و مغرب، شریفِ یثربِ بطحا​

امینِ وحیِ پیغمبر، امامِ مسجدِ اقصیٰ​

علیم و عالِمِ اسرارِ سبحٰن الذی اسریٰ​

علی والی، علی عالی، علی والا، علی اعلا​

علی جامع، علی فارق، علی ادنیٰ، علی فرقاں​

​

انیس، ان چند بندوں کا صلہ ہے گلشنِ جنت​

نہ گھبرا اس مرض سے، بعد ہے آزار کے راحت​

نئی طاقت بھی دیں گے، انکو ہے ہر طرح کی قدرت​

علی فرحت، علی نصرت، علی شوکت، علی حشمت​

علی حکمت، علی صحت، علی دارو، علی درماں​

​

(میر انیس)​

 

[مدیحہ گیلانی]

سبحان اللہ، سبحان اللہ ۔۔۔ کیا کہنا، بہت عمدہ اور حقائق سے بھرپور کلام ہے۔

 

[حسان خان]

سبحان اللہ، سبحان اللہ ۔۔۔ کیا کہنا، بہت عمدہ اور حقائق سے بھرپور کلام ہے۔

بہت شکریہ مدیحہ باجی۔

 

[حسان خان]

اے دیارِ لفظ و معنی کے رئیس ابنِ رئیس​

اے امینِ کربلا، باطل فگار و حق نویس​

ناظمِ کرسی نشین و شاعرِ یزداں جلیس​

عظمتِ آلِ محمد کے مورخ اے انیس​

تیری ہر موجِ نفس روح الامیں کی جان ہے​

تو مری اردو زباں کا بولتا قرآن ہے​

(جوش ملیح آبادی)​

 

[سیدہ شگفتہ]

کیا کلام ہے اور کیا انداز ہے!
خوبصورت، بہت خوبصورت، بہت ہی خوبصورت!

 

[سیدہ شگفتہ]

اے دیارِ لفظ و معنی کے رئیس ابنِ رئیس​

اے امینِ کربلا، باطل فگار و حق نویس​

ناظمِ کرسی نشین و شاعرِ یزداں جلیس​

عظمتِ آلِ محمد کے مورخ اے انیس​

تیری ہر موجِ نفس روح الامیں کی جان ہے​

تو مری اردو زباں کا بولتا قرآن ہے​

(جوش ملیح آبادی)​

واقعی، بالکل درست کہا

 

[nazar haffi]

ہادی علی ، رفیق علی ، رہ نما علی
یاور علی ، محمد علی َ آشنا علی
مرشد علی ، کفیل علی ، پیشوا علی
مقصد علی ، مراد علی ، مدّعا علی
جو کچھ کہو سو اپنے تو ہاں مرتضیٰ علی
۔۔۔۔۔۔۔۔۔
نورِ یقیں علی سے ہمیں اقتباس ہے
ایمان کی ، علی کی ولا پر اساس ہے
یوم التناد میں بھی علی ہی کی آس ہے
بے گاہ و گاہ نادِ علی اپنے پاس ہے
قبلہ علی ، امام علی ، مقتدا علی
۔۔۔۔۔۔۔۔۔۔میر تقی میر کی ایک طولانی منقبت کا اقتباس ملاحظہ فرمائیں

 

[کاشفی]

جزاک اللہ حسان خان صاحب!
اللہ رب العزت آپ کو ڈھیر ساری خوشیاں اور کامرانیاں عطا فرمائے۔۔آمین

 

[اکمل زیدی]

کیا ہی خوب ہے . . . .

 

[اکمل زیدی]

علی فرحت، علی نصرت، علی شوکت، علی حشمتعلی حکمت، علی صحت، علی دارو، علی درماں​

خوبصورت

 

[عبد الرحمٰن]

سبحان اللہ

 

[عبد الرحمٰن]

بہت ہی خؤبصورت اور محبت سےبھرا ہوا کلام