مدد درکار ہے! کتب اور کتب خانوں پر اشعار

[مہدی نقوی حجاز]

مکتبِ عشق کے اصول نرالے دیکھے
اس کو چھٹی نہ ملی جس نے سبق یاد کیا

واہ کیا شعر یاد دلایا آپنے محترم۔ واہ واہ

 

[مہدی نقوی حجاز]

دیکھ میں ہوگیا ہوں بدنام کتابوں کی طرح
میری تشہیر نہ کر اب تو جلادے مجھکو

یہ بھی بہت ہی اعلی شراکت ہے۔۔ واہ

 

[مہدی نقوی حجاز]

آگے زبانِ یار کے خط کھینچے سب نے میر
پہلی جو بات اس کی کہیں تو کتاب ہو

شکریہ محترم شراکت کے لیے۔ آپ کی طرف سے مزید اشتراک کا منتظر رہوں گا۔

 

[احمد بلال]

لیتا ہوں مکتبِ غمِ دل میں سبق ہنوز
لیکن یہی کہ "رفت" گیا اور "بود" تھا

 

[مہدی نقوی حجاز]

لیتا ہوں مکتبِ غمِ دل میں سبق ہنوز
لیکن یہی کہ "رفت" گیا اور "بود" تھا

آہا غالب کا شعر وہ بھی اتنا دقیق۔۔ واہ بہت اچھا انتخاب تھا۔۔

 

[نیرنگ خیال]

وہ عجب گھڑی تھی کہ جس گھڑی لیا درس نسخہ عشق کا
کہ کتابِ عقل طاق پر جوں دھری تھی، تیوں دھری رہی

 

[احمد علی]

تجھے کتاب سے ممکن نہیں فراغ کہ تو
کتاب خواں ہے، مگر صاحب کتاب نہیں

علامہ اقبال

 

[احمد علی]

شکایت ہے مجھے یا رب خُداوندانِ مکتب سے
سبق شاہین بچوں کو دے رہے ہیں خاکبازی کا

علامہ اقبال​

 

[احمد علی]

یہ فیضانِ نظر تھا یا کہ مکتب کی کرامت تھی
سکھائے کس نے اسماعیل کو آداب فرزندی!

علامہ اقبال

 

[مہدی نقوی حجاز]

وہ عجب گھڑی تھی کہ جس گھڑی لیا درس نسخہ عشق کا
کہ کتابِ عقل طاق پر جوں دھری تھی، تیوں دھری رہی

واہ کیا خوب رنگ کا شعر ہے شکریہ۔۔ مزید کا منتظر

 

[مہدی نقوی حجاز]

تجھے کتاب سے ممکن نہیں فراغ کہ تو
کتاب خواں ہے، مگر صاحب کتاب نہیں

علامہ اقبال

واہ بہت اعلی شراکت شکریہ۔۔۔ آپ نے واقعی بہت مدد فرمائی مزید کا انتظار رہے گا۔

 

[محب علوی]

یہ علم کا سودا ، یہ رسالے ، یہ کتابیں
اک شخص کی یادوں کو بھلانے کے لیے ہیں

 

[صائمہ شاہ]

لیتا ہوں مکتبِ غمِ دل میں سبق ہنوز​

لیکن یہی کہ 'رفت' گیا اور 'بود' تھا​

 

[صائمہ شاہ]

کہاں کہ مکتب وملا ، کہا ں کے درس و نصاب
بس اک کتاب ِمحبت رہی ہے بستے میں

 

[صائمہ شاہ]

لفظوں کے سینے شق ہیں، معنی عرق عرق ہیں
مَیں نے کتاب، ہستی کھولی جہاں جہاں سے

 

[صائمہ شاہ]

کھلی کتاب کے صفحے اُلٹتے رہتے ہیں
ہوا چلے نہ چلے، دن پلٹتے رہتے ہیں

 

[صائمہ شاہ]

بس ایک چہرہ کتابی نظر میں ہے ناصر
کسی کتاب سے میں استفادہ کیا کرتا

 

[صائمہ شاہ]

اس شہر میں کتنے چہرے تھے ،کچھ یاد نہیں سب بھول گئے
اک شخص کتابوں جیسا تھا ،وہ شخص زبانی یاد ہوا

 

[صائمہ شاہ]

جب کتابوں سے میری بات نہیں ہوتی ہے
تب میری رات میری رات نہیں ہوتی ہے

 

[صائمہ شاہ]

کتابوں سے دلیلیں دوں ، یا خود کو سامنے رکھ دوں
وہ مجھ سے پوچھ بیٹھے ہیں ، محبّت کس کو کہتے ہیں ...!!!