La Alma
لائبریرین
مرا گیت نغمہِ سرمدی
ہُوں شریک ِحلقہِ بندگی
کوئی شے یہاں نہیں دائمی
ہے تجھے ہی راس ہمیشگی
ق
کھُلے مجھ پہ بھی درِ آگہی
ملے معرفت کوئی واقعی
یہ زمانہ تو ہے دروغ گو
ترا دین مظہرِ راستی
ہے قصور اپنے شعور کا
ترا حرف حرف ہے منطقی
پیا آب قلزمِ عشق کا
نہیں باقی اب کوئی تشنگی
یہی ایک نسخہِ فیض ہے
کروں ہر قدم تری پیروی
ملی راہِ حق، ہے کرم ترا
ہوئی سہل منزلِ اخروی
مرے لب ہوں تر تری حمد سے
ترا ذکر ہو دم ِ آخری
ڈھیروں داد وصولیے 
