مصرعِ تر (آپ کا پسندیدہ مصرع)

[محمداحمد]

آئینے میں پھول کھلا ہے ہاتھ لگانا مشکل ہے

قمر جمیل​

 

[اکمل زیدی]

ضبط کیا ،خاموش رہے،تردید نہ کی

 

[محمد تابش صدیقی]

نئے چراغ جلاؤ کہ روشنی کم ہے

شاہد صدیقی

چراغ طور جلاؤ بڑا اندھیرا ہے

ساغر صدیقی

 

[وجاہت حسین]

کارِ جہاں دراز ہے ، اب مرا انتظار کر
(اقبال)

 

[اکمل زیدی]

اہلِ دانش نے بڑی سوچ کےُالجھائ ہے

 

[جاسمن]

جُھکا کے سر پی گیا ہوں آنسو، اُٹھا کے مسکرا رہا ہوں

 

[فہد اشرف]

اہلِ دانش نے بڑی سوچ کےُالجھائ ہے

آپ تو کہا کرتے تھے کہ اہل دانش الجھانے کا کام نہیں کرتے ہیں۔

 

[عرفان سعید]

لوحِ جہاں پہ حرفِ مکرر نہیں ہوں میں

غالب

 

[وجاہت حسین]

گنبدِ آبگینہ رنگ تیرے محیط میں حباب

اقبال

 

[اکمل زیدی]

آپ تو کہا کرتے تھے کہ اہل دانش الجھانے کا کام نہیں کرتے ہیں۔

ویسے تو مجھے یاد نہیں پڑتا کہ کب کہا لیکن اگر کہا بھی ہے تو میں اپنے الفاظ واپس لیتا ہوں۔۔۔کیونکہ آجکل میں دیکھ رہا ہوں کہ لوگ وائرس پھیلا کر اینٹی وائرس بیچ رہے ہیں ۔۔۔
غیر ممکن ہے کہ یہ گتھی سلجھے۔۔۔

 

[فہد اشرف]

ویسے تو مجھے یاد نہیں پڑتا کہ کب کہا لیکن اگر کہا بھی ہے تو میں اپنے الفاظ واپس لیتا ہوں۔۔۔کیونکہ آجکل میں دیکھ رہا ہوں کہ لوگ وائرس پھیلا کر اینٹی وائرس بیچ رہے ہیں ۔۔۔
غیر ممکن ہے کہ یہ گتھی سلجھے۔۔۔

یہاں فہد اشرف

 

[اکمل زیدی]

یہاں فہد اشرف

۔۔واہ ۔۔واہ ۔۔۔کیا ہے بات ہے فہد میاں۔۔۔۔خوب۔کیا یاد داشت ہے۔۔۔۔تو پھر مجھے کہنے دو کے جیسے علما ہوتے ہیں اسی طرح علماء سو ہوتے ہیں تو یہ الجھانے ولے اہل دانش ۔۔دانش سو ہوتے ہونگے۔۔۔

 

[محمد تابش صدیقی]

۔۔واہ ۔۔واہ ۔۔۔کیا ہے بات ہے فہد میاں۔۔۔۔خوب۔کیا یاد داشت ہے۔۔۔۔تو پھر مجھے کہنے دو کے جیسے علما ہوتے ہیں اسی طرح علماء سو ہوتے ہیں تو یہ الجھانے ولے اہل دانش ۔۔دانش سو ہوتے ہونگے۔۔۔

آج کل آخر الذکر کی بہتات ہے۔ ہر پتھر کے نیچے سے ایک ہجوم نکلتا ہے۔ دھیان سے اٹھائیے گا، شاید کسی پتھر کے نیچے سے میں نکل آؤں۔

 

[محمداحمد]

جُھکا کے سر پی گیا ہوں آنسو، اُٹھا کے مسکرا رہا ہوں

ایک سر کی کمی لگ رہی ہے۔

جُھکا کے سر پی گیا ہوں آنسو، اُٹھا کے سر مسکرا رہا ہوں

 

[جاسمن]

ایک سر کی کمی لگ رہی ہے۔

جُھکا کے سر پی گیا ہوں آنسو، اُٹھا کے سر مسکرا رہا ہوں

آٹھویں میں تھی تو ایک سہیلی نے سکھر سے خط لکھا تو اپس میں تین اشعار لکھے تھے ایک غزل کے۔ باقی غزل تلاش کی لیکن نہ مل سکی۔ اُس وقت کے یاد ہیں تو کچھ غلطی ہوگئی ہوگی یقیناََ۔
بہت شکریہ تصحیح کے لئے۔

 

[جاسمن]

کہ جِن کے دامن کی آرزو تھی، اُنہی سے دامن بچا رہا ہوں

 

[فاتح]

میں تو سوچ رہا ہوں کہ "مصرع تر" کی انگریزی کیا بنے گی۔۔۔ wet verse؟

 

[سید عاطف علی]

یہ بازو مرے آزمائے ہوئے ہیں

 

[الف عین]

تب نظر آتی ہے اک مصرع تر کی صورت

 

[فہد اشرف]

کہ دامانِ خیالِ یار چھوٹا جائے ہے مجھ سے
مرزا غالب