مطرب دل کی وہ تانیں کیا ہوئیں - اختر انصاری

[Saraah]

مطرب دل کی وہ تانیں کیا ہوئیں
وہ تخیل کی اڑانیں کیا ہوئیں

کیا ہوئے وہ ترچھی نظروں کے خدنگ
ابروئوں کی وہ کمانیں کیا ہوئیں

وہ ادائیں جن پر ہوتی تھیں نثار
چاہنے والوں کی وہ جانیں کیا ہوئیں

کیا ہوئے ٹوٹے دلوں کے زمزمے
بے زبانوں کی زبانیں کیا ہوئیں

کیا ہوئے اختر امیدوں کے حصار
وہ عزائم کی چٹانیں کیا ہوئیں

 

[الف عین]

یہ کس اختر کا کلام ہے؟ تفصیل بھی دے دینا تھا۔

 

[Saraah]

سر یہ اختر انصاری کا کلام ہے

 

[محمد وارث]

بہت شکریہ آپ کا خوبصورت غزل شیئر کرنے کیلیے!

 

[کاشفی]

بہت خوب انتخاب ہے۔۔۔بہت عمدہ!

 

[Saraah]

بہت شکریہ

 

[فرخ منظور]

بہت خوبصورت انتخاب۔ شکریہ سارہ!

 

[Saraah]

شکریہ جناب