معراج فیض آبادی: در و دیوار اگر تم ہو تو بنیاد ہیں ہم

[محمد امین]

ایک ٹوٹی ہوئی زنجیر کی فریاد ہیں ہم
اور دنیا یہ سمجھتی ہے کہ آزاد ہیں ہم

کیوں ہمیں لوگ سمجھتے ہیں یہاں پردیسی
ایک مدت سے اسی شہر میں آباد ہیں ہم

کاہے کا ترکِ وطن کاہے کی ہجرت بابا
اسی دھرتی کی اسی دیس کی اولاد ہیں ہم

ہم بھی تعمیرِ وطن میں ہیں برابر کے شریک
در و دیوار اگر تم ہو تو بنیاد ہیں ہم

ہم کو اس دورِ ترقی نے دیا کیا معراج
کل بھی برباد تھے اور آج بھی برباد ہیں ہم

(معراج فیض آبادی)
فرحت کیانی آپی کے حکم پر۔۔۔

 

[فرحت کیانی]

تمام کی تمام غزل۔ لاجواب
جزاک اللہ امین۔ حکم تو نہیں فرمائش تھی

 

[محمد امین]

 

[کاشفی]

بہت عمدہ انتخاب ہے۔۔بہت خوب!

 

[محمد وارث]

لاجواب۔

بہت شکریہ امین خوبصورت غزل پوسٹ کرنے کیلیے۔