ملک ادب کے شہزادے-ایک نایاب ہندوستانی کتاب

[راشد اشرف]

ڈاکٹر اعجاز حسین۔ الہ آباد کے محلہ راجہ پور میں 1898 میں پیدا ہوئے۔ ان کے شاگرد وں میں ممتاز حسین، وقار عظیم، جلیل قدوائی، مجتبٰی حسین، مصطفی زیدی ، بطور خاص قابل ذکر ہیں۔ڈاکٹر اعجاز حسین کی وفات فروری 1975 میں مظفر پور(بہار) میں ہوئی اور تدفین الہ آباد میں کی گئی۔1965 میں کاروان پبلشر، الہ آباد سے شائع ہوئی ڈاکٹر اعجاز حسین کی خودنوشت ’میری دنیا‘ ادبی حلقوں میں خاصی مشہور ہوئی تھی۔

راقم الحروف کو ڈاکٹر اعجاز کے تحریر کردہ خاکوں و تذکروں پر مبنی اہم کتاب "ملک ادب کے شہزادے" کی ایک عرصہ سے تلاش تھی ۔ یہ کتاب الہ آباد سے 1954 میں شائع ہوئی تھی اور اب وہاں بھی مکمل طور پر نایاب ہے۔ الہ آباد میں قیام پذیر ہمارے پرخلوص کرم فرما محترم چودھری ابن النصیر نے تلاش بسیار کے بعد اسے راقم کو ارسال کیا ہے۔ چودھری صاحب اپنے پیغام میں رقم طراز ہیں:
"
ملک ادب کے شہزادے میں نے کسی طرح سے ڈھونڈ نکالی۔ الہ آباد میں کسی کے پاس نہیں۔ یہاں ہندوستانی اکیڈمی میں پرانی کتابوں کا خزانہ ہے لیکن وہ ایشو نہیں کرتے۔ پوری کتاب کی فوٹو کاپی کرانا اس لیے مشکل ہے کہ ان کے یہاں اس کا کوئی انتظام نہیں۔ میں نے کسی صورت یہ کام کرایا ہے اور آئندہ کے لیے راستہ بھی ہموار کرلیا ہے۔"

چودھری ابن النصیر صاحب خصوصی شکریے کے مستحق ہیں، ان تمام لوگوں کی جانب سے جو ان کے توسط سے اسے پڑھیں گے اور استفادہ کریں گے۔

ملک ادب کے شہزادے میں مصنف نے بقول ان کے، اس پہلو کو بھی مدنظر رکھنے کی کوشش کی ہے کہ شاعر و ادیب کی صورت و سیرت، حرکات و سکنات سے اس کی شخصیت کے پہلوؤں کو اجاگر کیا جائے۔ کتاب میں جن شخصیات کے تذکروں کو احاطہ تحریر میں لایا گیا ہے ان میں چند نام یہ ہیں:

جعفر علی خان اثر
نوح ناوری
احسان دانش
اصغر گونڈوی
جگن ناتھ آزاد
تاباں بدایونی
ثاقب لکھنوی
جوش
معین احن جذبی
جلیل احمد قدوائی
صفی لکھنوی
سلام مچھلی شہری
ساغر نظامی
علی سردار جعفری
سائل دہلوی
روش صدیقی
عرش ملیسانی
فراق گورکھپوری
راہی معصوم رضا
حفیظ جالندھری
خمار بارہ بنکوی
مجاز
کیفی اعظمی
نازش پرتاب گڑھی
وامق جونپوری

کتاب پیش خدمت ہے
:
ملک ادب کے شہزادے
ڈاکٹر اعجاز حسین
کارواں پبلشر الہ آباد
اشاعت: 1954



خیر اندیش
راشد اشرف
کراچی سے

 

[راشد اشرف]

تلمیذ @خلیل نایاب محمد وارث فرخ منظور زبیر زبیر مرزا

 

[تلمیذ]

کتاب پوسٹ کرنے کا شکریہ جناب۔ انشا للہ جلد ہی پڑھوں گا۔ لیکن فہرست پڑھ کر یہ معلوم ہوا ہے کہ ان میں سے زیادہ ہ تر شخصیات میرے لئے اجنبی ہیں۔

 

[نایاب]

بلاشبہ اک نایاب کتاب میں شراکت دی ہے محترم راشد بھائی
بہت شکریہ بہت دعائیں

 

[زبیر مرزا]

شکریہ راشد صاحب

 

[محمد خلیل الرحمٰن]

شکریہ راشد اشرف بھائی۔ کتاب ڈاؤن لوڈ بھی کرلی اور اس کی ورق گردانی بھی کرڈالی۔ واقعی یہ کتاب تو اس لائق ہے کہ اس کا یونی کوڈ ورژن بھی بنایا جائے۔

اللہ آپ کو خوش رکھے۔

ویسے ہماری فرمائش کا کیا رہا۔ ہمیں تو حکیم بڈھن کے کارنامے پڑھنا ہیں، کیا کیجیے گا ہماری پینڈنگ فرمائش کا؟

 

[راشد اشرف]

شکریہ راشد اشرف بھائی۔ کتاب ڈاؤن لوڈ بھی کرلی اور اس کی ورق گردانی بھی کرڈالی۔ واقعی یہ کتاب تو اس لائق ہے کہ اس کا یونی کوڈ ورژن بھی بنایا جائے۔

اللہ آپ کو خوش رکھے۔

ویسے ہماری فرمائش کا کیا رہا۔ ہمیں تو حکیم بڈھن کے کارنامے پڑھنا ہیں، کیا کیجیے گا ہماری پینڈنگ فرمائش کا؟

نوازش
حکیم بڈھن والی کتاب ایک صاحب ایسے لے کر گئے کہ اس کی واپسی کے انتظار میں ہم بڈھے ہوتے نظر آرہے ہیں

 

[Rashid71]

اسّلا م و علیکم

. جناب ہمنام را شد صاحب . پہلی مرتبہ محفل اور ویب سائٹ میں حاضر ہوا ہوں. کافی دن سے بہزاد لکھنوی کی مذکورہ بلا کتاب " حکیم بڈ ھن" تلاش کر رہا ہوں . کیا کوئی مدد یا رہنمائی فرما سکتے ہیں . یہ کہاں چھپی تھی انڈیا یا پاکستان میں ؟ میں پاکستانی اور ٹورنٹو میں مقیم ہوں . کیا اسکو آن لائن آرڈر کر سکتا ہوں یا محض آن لائن پڑھ ہی سکتا ہوں. امید ہے رہنمائی کریں گے.

بہرحال اردو کے لئے بہترین کام کے لئے شکریہ.

واسّلام
راشد

 

[محمد خلیل الرحمٰن]

اسّلا م و علیکم

. جناب ہمنام را شد صاحب . پہلی مرتبہ محفل اور ویب سائٹ میں حاضر ہوا ہوں. کافی دن سے بہزاد لکھنوی کی مذکورہ بلا کتاب " حکیم بڈ ھن" تلاش کر رہا ہوں . کیا کوئی مدد یا رہنمائی فرما سکتے ہیں . یہ کہاں چھپی تھی انڈیا یا پاکستان میں ؟ میں پاکستانی اور ٹورنٹو میں مقیم ہوں . کیا اسکو آن لائن آرڈر کر سکتا ہوں یا محض آن لائن پڑھ ہی سکتا ہوں. امید ہے رہنمائی کریں گے.

بہرحال اردو کے لئے بہترین کام کے لئے شکریہ.

واسّلام
راشد

راشد بھائی! حکیم بڈھن کے کارنامے دوبارہ پڑھنے کے لیے ہم 2013 میں بھی اتنے ہی بیتاب تھے جتنے آج ہیں۔ بہزاد لکھنوی کی کتاب ہو، اس کا آن لائن ورژن ہو، پی، ڈی ایف ہو یا عالمی ڈائجسٹ کے کسی شمارے میں چھپی اس کی قسطیں۔

 

[راشد اشرف]

اسّلا م و علیکم

. جناب ہمنام را شد صاحب . پہلی مرتبہ محفل اور ویب سائٹ میں حاضر ہوا ہوں. کافی دن سے بہزاد لکھنوی کی مذکورہ بلا کتاب " حکیم بڈ ھن" تلاش کر رہا ہوں . کیا کوئی مدد یا رہنمائی فرما سکتے ہیں . یہ کہاں چھپی تھی انڈیا یا پاکستان میں ؟ میں پاکستانی اور ٹورنٹو میں مقیم ہوں . کیا اسکو آن لائن آرڈر کر سکتا ہوں یا محض آن لائن پڑھ ہی سکتا ہوں. امید ہے رہنمائی کریں گے.

بہرحال اردو کے لئے بہترین کام کے لئے شکریہ.

واسّلام
راشد

وعلیکم السلام

یہ کتابی شکل میں محدود تعداد میں شائع ہوئی تھی، اس نایاب ہے۔ اس کا تعارفی مضمون شکیل عادل زادہ نے لکھا تھا۔ اگر سرمائے کا بندوبست ہوجائے تو میں اسے زندہ کتابیں میں شائع کردوں۔ سردست کچھ کتابیں ہیں جو شائع ہونی ہیں۔ یہ سلسلہ چند احباب کے مالی تعاون سے چلا رہا ہوں، اب تک 59 کتابیں آچکی ہیں۔

تازہ ترین فہرست ملاحظہ کیجئے:

 

[الف عین]

مگر برقی کتابوں کے لیے تو ہمیں ایک کتاب بھی اب تک فراہم نہیں ہوئی۔ امید ہے کہ کمپوز کر کے ہی شائع ہوئی ہوں گی، محض سکیننگ کر کے نہیں