رضا مناجات

[زبیر قمر عباسی]

یا الٰہی ہر جگہ تیری عطاء کا ساتھ ہو
جب پڑے مشکل، شہِ مشکل کُشا کا ساتھ ہو

یا الٰہی بھول جاؤں نزع کی تکلیف کو
شادیِ دیدارِ حُسنِ مصطفےٰ کا ساتھ ہو

یا الٰہی گورِ تیرہ کی جب آئے سخت رات
اُن کے پیارے منہ کی صبحِ جانفزا کا ساتھ ہو

یا الٰہی جب پڑے محشر میں شورِ دارو گیر
امن دینے والے پیارے پیشوا کا ساتھ ہو

یا الٰہی جب زبانیں باہر آئیں پیاس سے
صاحبِ کوثر شہِ جود و سخا کا ساتھ ہو

یا الہٰی سرد مہری پر ہو جب خورشیدِ حشر
سیدِ بے سایہ کے ظلِّ لوا کا ساتھ ہو

یا الٰہی گرمئِ محشر سے جب بھڑکیں بدن
دامنِ محبوب کی ٹھنڈی ہوا کا ساتھ ہو

یا الٰہی نامئہ اعمال جب کھلنے لگیں
عیب پوشِ خلق ستارِ خطا کا ساتھ ہو

یا الہٰی جب بہیں آنکھیں حسابِ جرم میں
اُن تبسّم ریز ہونٹوں کی دعا کا ساتھ ہو

یا الہٰی جب حسابِ خندہِ بیجا رُلائے
چشمِ گِریانِ شفیعِ مرتجے کا ساتھ ہو

یا الہٰی رنگ لائیں جب مِری بے باکیاں
اُن کی نیچی نیچی نظروں کی حیا کا ساتھ ہو

یا الٰہی جب چلوں تارک راہِ پُل صراط
آفتابِ ہاشمی، نورالہدی کا ساتھ ہو

یا الہٰی جب سر شمشیر پر چلنا پڑے
ربِّ سَلِّم کہنے والے غمزدا کا ساتھ ہو

یا الٰہی جو دعائے نیک میں تجھ سے کروں
قدسیوں کے لب سے آمیں ربّنا کا ساتھ ہو

یا الٰہی جب رضا خوابِ گِراں سے سَر اُٹھائے
دولتِ بیدارِ عشقِ مصطفےٰ کا ساتھ ہو

اعلیحضرت الشاہ امام احمد رضا خان علیہ رحمہ​

 

[مہ جبین]

یا الٰہی گرمئِ محشر سے جب بھڑکیں بدن
دامنِ محبوب کی ٹھنڈی ہوا کا ساتھ ہو ۔ آمین

بہت رقت انگیز دعا ہے
اعلیٰ حضرت علیہ الرحمہ کے پر اثر کلام کی کیا بات ہے
سبحان اللہ
جزاک اللہ

 

[سید زبیر]

سبحان اللہ
یا الٰہی جب پڑے محشر میں شورِ دارو گیر
امن دینے والے پیارے پیشوا کا ساتھ ہو
جزاک اللہ ۔ ۔

 

[نایاب]

سبحان اللہ
یا الٰہی گرمئِ محشر سے جب بھڑکیں بدن
دامنِ محبوب کی ٹھنڈی ہوا کا ساتھ ہو
آمین ثم آمین
جزاک اللہ خیراء

 

[زبیر قمر عباسی]

آپ تمام احباب کی پسندیدگی اور تبصروں کے لئے ممنون ہوں، جزاکم اللہ