منیر نیازی منیر نیازی دیاں مختصر پنجابی نظماں

[محمد وارث]

اِک موقعے تے

ایڈیاں دَردی اکھاں دے وچ
ہنجو بھرن نہ دیواں
وَس چلے تے ایس جہان وچ
کسے نوں مرن نہ دیواں



ہوا نال ٹکراں

اُپر قہر خدا میرے دا
ہیٹھاں لکھ بلاواں
سب راہواں تے موت کھلوتی
کیہڑے پاسے جاواں



اک کُڑی

پیار کرن توں کافی پہلے
کنی سوہنی لگدی سی
اپنے مرن توں کافی پہلے
کنی سوہنی لگدی سی



شہر دے مکان

اپنے ای ڈر توں
جُڑے ہوئے نیں
اک دوجے دے نال

 

[عمر سیف]

واہ بہت ودیا۔۔ بہت خوب۔

 

[محمد وارث]

تہاڈی بڑی مہربانی جناب۔

 

[فرحت کیانی]

واہ۔۔۔ بہت خوب

 

[محمد وارث]

واہ۔۔۔ بہت خوب

بہت مہربانی تہاڈی۔

 

[قسیم حیدر]

چنگا لکھیا اے

 

[محمد وارث]

چنگا لکھیا اے

واقعی بہت چنگا لکھیا اے منیر نیازی مرحوم نے۔ پسند کرن لئی تہاڈا شکریہ۔

۔

 

[فاتح]

ایڈیاں دَردی اکھاں دے وچ
ہنجو بھرن نہ دیواں
وَس چلے تے ایس جہان وچ
کسے نوں مرن نہ دیواں

بھاء وارث!
بہت سوہنا لکھیا ہے منیر نیازی نے تے تسی سوہنا کم اے کیتا کہ ایہنوں ساھڈے نال شیئر کیتا۔ سواد آ گیا۔
(شاید ٹھیک ہی لکھی ہے پنجابی۔۔۔ اگر کوئی غلطی ہو تو درست کر دیجئے گا وارث بھائی)

 

[محمد وارث]

ہاں جی فاتح صاب تُساں بلکل صحیح آکھایا کہ بہت سوہنا لکھیا نیازی ہوراں۔

ماشاءاللہ، تہاڈی پنجابی وی بہت ودھیا اے۔

۔

 

[جاسمن]

واہ! اچھا اِنتخاب ہے۔

 

[شعیب اصغر]

بہت ودھیا

 

[شمشاد]

بڑیاں سوہنیاں نظماں۔
شریک محفل کرن لئی شکریہ۔