مودی کو متحدہ امارات کے سب سے بڑے سویلین ایوارڈ سے نواز دیا گیا

[جاسم محمد]

مودی کو یو اے ای کے سب سے بڑے سویلین ایوارڈ سے نواز دیا گیا
ویب ڈیسک 3 گھنٹے پہلے

یہ ایوارڈ اقوام متحدہ کے بانی شیخ زاید بن سلطان النہیان کے نام سے منسوب ہے۔ فوٹو : ٹویٹر

ابو ظہبی: متحدہ عرب امارات نے بھارتی وزیراعطم نریندر مودی کو ملک کے سب سے بڑی سویلین ایوارڈ سے نواز دیا۔

عرب میڈیا کے مطابق متحدہ عرب امارات کی جانب سے ابو ظہبی کے ولی عہد محمد بن زاید نے سب سے بڑا سویلین ایوارڈ ’ زاید میڈل‘ بھارتی وزیراعظم نریندر مودی کو پہنایا۔ یہ ایوارڈ متحدہ عرب امارات کے بانی شیخ زاید بن سلطان النہیان کے نام سے منسوب ہے۔

بھارتی وزیراعظم نریندر مودی کو یہ ایوارڈ ان کی خدمات کے اعتراف کے طور پر دیا گیا جس کا رواں برس اپریل میں اعلان کرتے ہوئے ولی عہد شیخ محمد بن زاید نے کہا تھا کہ بھارت کے ساتھ تاریخی اور اسٹریٹیجک تعلقات قائم ہیں جسے مزید مضبوط کرنے میں پیارے دوست مودی کا بڑا ہاتھ ہے۔

متحدہ عرب امارات کا سب سے بڑا سویلین ایوارڈ ’آرڈر آف زاید‘ برطانیہ کے ملکہ ایلزبتھ ، روسی صدر پوتن اور چین کے صدر سمیت کئی عالمی رہنماؤں کو ان کی خدمات کے اعتراف میں دیا جا چکا ہے۔

واضح رہے کہ بھارتی وزیراعظم نریندر مودی متحدہ عرب امارات کے سرکاری دورے پر پہنچے ہیں جہاں ان کا ولی عہد محمد بن زاید نے پُرتپاک استقبال کیا، مودی کے دورہ یو اے ای میں دونوں ملک کے درمیان کئی تجارتی معاہدے طے پائیں گے۔

 

[جاسم محمد]

یہ وہ مسلماں ہیں جنہیں دیکھ کر شرمائیں یہود

 

[عثمان]

اپنی اپنی علاقائی، کاروباری اور سیاسی ترجیحات ہیں۔ جیسے پاکستان کی چین سے ویسے عرب ممالک کی ہندوستان سے۔
سادگی ان کی ہے جو دیگر پیچیدہ عوامل نظر انداز کر کے سب کچھ عالم اسلام کے تناظر میں سمجھنا چاہتے ہیں۔

 

[جاسم محمد]

اپنی اپنی علاقائی، کاروباری اور سیاسی ترجیحات ہیں۔ جیسے پاکستان کی چین سے ویسے عرب ممالک کی ہندوستان سے۔
سادگی ان کی ہے جو دیگر پیچیدہ عوامل نظر انداز کر کے سب کچھ عالم اسلام کے تناظر میں سمجھنا چاہتے ہیں۔

عالم انسانیت کے تناظر میں تو دیکھ سکتے ہیں۔

 

[یاقوت]

اپنی اپنی علاقائی، کاروباری اور سیاسی ترجیحات ہیں۔ جیسے پاکستان کی چین سے ویسے عرب ممالک کی ہندوستان سے۔
سادگی ان کی ہے جو دیگر پیچیدہ عوامل نظر انداز کر کے سب کچھ عالم اسلام کے تناظر میں سمجھنا چاہتے ہیں۔

اپنی مِلّت پر قیاس اقوامِ مغرب سے نہ کر
خاص ہے ترکیب میں قومِ رُسولِ ہاشمی