مٹھی مِٹھی ہر ویلے اک پیڑ دلے وچ رہندی اے

[ارشد چوہدری]

الف عین
عظیم
شکیل احمد خان23
مقبول
محمد عبدالرؤوف
------------
بحر کا خیال رکھے بغیر ایک کوشش
--------------------
مٹھی مِٹھی ہر ویلے اک پیڑ دلے وچ رہندی اے
تیرے دل وچ عشق سمایا دنیا مینوں کہندی اے
مٹھی مٹھی ہر ویلے۔۔۔۔۔۔۔۔۔۔۔۔۔۔۔۔۔
دنیا ساری چھڈی ترے لئی تے پیار ترے نال کیتا
دنیا دے رنگ سارے چھڈ کے لائی عشق دی مہندی اے
مٹحی مٹھی ہر ویلے۔۔۔۔۔۔۔۔۔۔۔۔۔۔
ویھلے بہہ کے یار نئیں ملدا کر کر پھوکیاں گلاں
اوسے جند نوں سکھ وی ملسی جیہڑی دکھاں نوں سہندی اے
مٹھی مٹھی ہر ویلے،،،،،،،،،،،،،،،،،،،،،
رشتے ناطے چھڈ کے سارے نوں بہہ جا اک دوارے
اوہ سہاگن ہوسی اک جیہڑی اک در بہندی اے
مٹھی مٹھی ہر ویلے،،،،،،،،،،،،،،،،،،،،
میں تے بہہ گئی اوہدے در تے دل وچ لا اڈیکاں
اک دن اوہ گھر آوے گا ایہہ جھاک دلے وچ رہندی اے
مٹھی مٹھی ہر ویلے۔۔۔۔۔۔۔۔۔۔۔۔۔۔
ہر دل اندر اگ عشق دی بلدی نہیں جے یارو
اک واری جے بل جاوے فیر اے بلدی رہندی اے
مٹھی مٹھی ہر ویلے۔۔۔۔۔۔۔۔۔۔۔۔۔۔۔۔۔۔۔
ارشد تے دیوانہ تیرا کردا تیریاں گلاں
اوہدے دل وچ ہر ویلے یاد تری ای رہندی اے
مٹھی مٹھی ہر ویلے۔۔۔۔۔۔۔۔۔۔۔
---------------------------------