سرکار کے پیغام میں کوئی ابہام نہیں، یہ بالکل واضح ہے کہ پاکستان میں صرف مذہبی جنونیوں کا ہی راج چلے گا، عقل وخرد کا یہاں کوئی کام نہیں، ویسے پی ٹے اے کو کچھ حضرات نے ای میل بھیج کر متوجہ کیا ہے، اور پی ٹی اے نے یہ حرکت کر کے ثابت کیا ہے کہ ان کے ہاں بھی ویسے ہی" گ" بیٹھے ہیں۔۔ خیر مجھے اس سارے پلان کا پہلے سے ہی علم تھا، وہ اپنی صفوں میں غداروں کو تلاش کریں۔۔
بلاگ دیکھنے کے لیے یہ ربط ٹرائی کریں، اگرچہ میں ٹور براؤزر بنڈل کی تجویز دوں گا کہ اس کے سامنے کسی حکومت کی نہیں چلتی
کیا معلوم کہ ان کے بلاگ پر موجود حساس موضوعات پر تحاریر سے خار کھا کر ان کا بلاگ بلاک کیا جا رہا ہو۔
مذہب اور تہذیب سے متعلق کوئی بھی موضوع پاکستانی معاشرے میں ہمیشہ حساس ہی رہا ہے۔ لگی پٹی ڈگر سے ہٹ کر کسی بھی فکر کو شدید مزاحمت اور مخالف کا سامنا رہتا ہے۔ یہ الگ موضوع ہے کہ آیا فکر معیاری ہے یا غیر معیاری۔ مدلل ہے یا نہیں۔
احباب کے لئے ایک ملائم سا مشورہ ہے کہ خواہ وہ مذکورہ بلاگ کے مواد سے اتفاق رکھتے ہوں اور اس کے حامی ہوں یا پھر غیر متفق ہوں اور اس کے مخالف ہوں، ہر دو صورت میں ایک دوسرے پر طنز و تشنیع، چڑانے اور طیش دلانے والے لہجے یا پھر شدید الفاظ میں مذمت کر کے محفل کی فضا کو مکدر نہ کریں۔ موضوع کے مطابق عام رائے زنی اور تبصرے میں کوئی حرج نہیں۔
حالانکہ ابھی حالات اس نہج کو نہیں پہونچے ہیں کہ ہمیں کوئی ادارتی اقدامات اٹھانے کے بارے میں سوچنا پڑے اس لئے حفظ ما تقدم کے طور پر یہ مشورہ دیا ہے۔
فى الحال تو ربط نہيں كھل رہا اس مراسلے والا ، آپ يہ تحرير محفل پر ارسال كر ديں مطالعے اور رائے كے قابل ہوئى تو ضرور ، اور اگر بلاگ كى بعض دوسرى تحريروں كى طرح دوسروں كو مذہبى جنونى كہہ كر تحقير و تمسخر سے لبريز ہوئى تو ظاہر ہے كہ معذرت ۔۔۔ اختلاف كبھی برا نہيں لگتا دھونس اور تحقير ضرور برى لگتى ہے۔اور یہاں سے یہ پوسٹ ایک تاریخی موڑ لینے والی ہے
ویسے خصوصی طور پر آپ کے لیے ا یک تازہ تحریر رقم کی ہے، امید ہے پسند فرمائیں گی
