جاسم محمد
محفلین
مہنگائی اللہ کی طرف سے ہے اور قیمتیں فرشتے طے کرتے ہیں، پی ٹی آئی رہنما
ویب ڈیسک
پير 25 اکتوبر 2021
کورونا نے پوری دنیا کو متاثر کیا، پاکستان پہلے ہی غریب ملک تھا تو اس نے لازماً متاثر ہونا تھا، رہنما پی ٹی آئی
مردان: پی ٹی آئی کے ایم پی اے طفیل انجم کا کہنا ہے کہ ملک میں مہنگائی اللہ کی طرف سے ہے اور نرخ کا تعین فرشتے کرتے ہیں۔ خیبرپختون خوا کے ضلع مردان پی کے 49 سے تحریک انصاف کے کے رکن صوبائی اسمبلی طفیل انجم کا کہنا تھا کہ ملک میں ’مہنگائی اللہ کی جانب سے ہے، اللہ تعالیٰ ہی ہر روز ایک فرشتہ مقرر کرتا ہے، جو ہر چیز کے نرخ کا تعین کرتا ہے۔
اپنے بیان میں پی ٹی آئی کے رہنما نے یہ بھی کہا کہ دنیا بھر میں کورونا کی وجہ سے ایک بحران آیا اور معیشتیں تباہ ہوگئیں اور کورونا نے پوری دنیا کو متاثر کیا، پاکستان پہلے سے ہی ایک غریب ملک تھا تو اس نے تو لازماً متاثر ہونا تھا۔
سوشل میڈیا پر رکن صوبائی اسمبلی طفیل انجم کے اس بیان کو شدید تنقید کا نشانہ بنایا جارہا ہے۔ تاہم طفیل انجم اپنے اس بیان پر نادم ہونے کے بجائے ڈٹ کر کھڑے ہیں اور کہتے ہیں کہ میں اپنے بیان پر قائم ہوں۔
