میرا کھاتہ حذف کیا جائے

[ظہور احمد سولنگی]

محفل کے منتظمین سے مؤدبانہ گذارش ہے کہ میرا کھاتہ حذف کردیں۔ میرا جتنا بھی وقت گذرا صحیح گذرا۔ کسی سے کوئی شکوہ نہیں۔ اگر مجھ سے کسی کی دل آزاری ہوئی ہو تو پیشگی معذرت۔ چونکہ میری یہ آخری پوسٹ ہے لہٰذا آئندہ معذرت نہیں کرپاؤں گا۔

 

[واجدحسین]

بسم اللہ الرحمن الرحیم
السلام علیکم
ظہور احمد سولنگی صاحب کیوں کیا آپ نے جوائنت فیملی سسٹم میں وقت نہیں گزارا ہے رات کو ناراض تو دن کو حفا اور دوپہر کا کھانا پھر اکھٹے یہاں تو ماشاء سب دوست اچھے ہیں اور ایک خاندان کی طرح رہ رہے ہیں ہاں جذباتیت اور نظریات میں میں کبھی کبھی فرق ہوتا ہے وہ گھر میں بھی ہوتا ہے لیکن آپ کے جانے سے ایک اچھے بھائی سے محروم ہو جائنگے درخواست کی جاتی ہے بلکہ پشتو میں جرگہ کہا جاتا ہے کہ اس خوبصورت ماحول میں ساتھ رہیں تو بہت ہی اچھا ہو گا۔

 

[ظفری]

سولنگی صاحب ۔۔ دل برداشتہ نہ ہوں ۔ اس قسم کے ماحول میں ایسی باتیں ہو ہی جاتیں ہیں ۔ ہاں یہ ضرور ہے کہ ذمہ دار لوگ اگر ذمہ داری کا مظاہرہ نہ کریں تو افسوس ضرور ہوتا ہے ۔ میں‌ بھی پہلے اس محفل کو دو دفعہ خیرآباد کہہ چکا ہوں ۔ ۔۔۔ مگر یہ سوچ کر پھر لوٹ آیا کہ سلجھے ہوئے لوگ جن سے اچھی دوستی استوار ہوچکی ہے انہیں کسی کی ترش روی کی وجہ سے چھوڑنا مناسب نہیں ہے ۔ تو بس یہ سلسلہ اسی طرح چلا آرہا ہے ۔ یہ ایک چھوٹی سی محفل ہے اور شاید بیس ، تیس ہی لوگ یہاں ایکٹیویٹ ہیں جو روز آتے ہیں ۔ مگر ان کے درمیان سیاسی ، مذہبی ، نظریاتی اختلاف اتنا زیادہ ہے کہ محفل پر بدمزگی پھیل ہی جاتی ہے ۔ اس چھوٹی سی تصویر کو اگر پورے پاکستان کی تناظر میں دیکھا جائے تو یہ بات واضع ہوجائے گی کہ ہم صبرو تحمل اور برداشت کا مادہ کھو چکے ہیں ۔ اور اپنے نظریات و عقائد کے " منفرد " ہونے کی وجہ سے دوسرے لوگوں کے نظریات و عقائد کو قبول نہیں‌کرتے ۔ جس سے گروہی نظام وجود میں آجاتا ہے ۔ جس کا مظہر اس محفل سے لیکر پورے پاکستان تک محیط ہے ۔ آپ محفل آنا ترک نہ کریں ۔ آتے رہیں ۔ اور عوامی مزاج کو سمجھنے کی کوشش کریں ۔ اللہ آپ کا حامی ناصر ہو ۔

 

[arifkarim]

محفل کے منتظمین سے مؤدبانہ گذارش ہے کہ میرا کھاتہ حذف کردیں۔ میرا جتنا بھی وقت گذرا صحیح گذرا۔ کسی سے کوئی شکوہ نہیں۔ اگر مجھ سے کسی کی دل آزاری ہوئی ہو تو پیشگی معذرت۔ چونکہ میری یہ آخری پوسٹ ہے لہٰذا آئندہ معذرت نہیں کرپاؤں گا۔

بھائی جان آپ نے ہی تو اردو کے فروغ کیلئے پاک نوری نستعلیق جیسا کارنامہ سر انجام دیا ہے اور اب آپ اس ادھورا چھوڑ کر کیوں جارہے ہیں؟ ابھی تو کاممکمل بھی نہیں ہوا؟

 

[شمشاد]

ظہور بھائی دوسرے دھاگے پر بھی درخواست کی ہے، ادھر بھی عرض ہے کہ ایسی باتوں پر ناراض نہیں ہوا کرتے۔

 

[فرخ منظور]

محفل سے اگر سارے لوگ اٹھ جائیں گے تو محفل، محفل کیسے رہے گی وہ تو تنہائی میں بدل جائے گی - میرا خیال ہے کہ ہم زیادہ جذباتی لوگ ہیں شائد اسی وجہ سے جلد روٹھ جاتے ہیں - ظہور صاحب میری گزارش ہے کہ آپ کسی قسم کے بھی اختلافات کو دل میں جگہ نہ دیں اگر ہم ایک دوسرے سے دور بیٹھ کر بھی بات چیت نہیں کر سکتے تو روبرو تو ہم ایک دوسرے کو بالکل بھی برداشت نہ کر سکیں گے - آپ کسی قسم کے اختلافات کو بھلا کر اپنے موقف کو بیان کرتے رہیں - آپ دیکھیں گے کہ اگر آپ حق اور سچ پر ہیں تو پھر آپ ہی جیتیں گے -

 

[دوست]

سرکار یہ تو کوئی بات نہ ہوئی۔ اب تو آپ سے دعا سلام ہوئی تھی اور آپ چل دئیے۔ یار ایسا تو ہوجاتا ہے۔ ابھی تو ہم نے آپ سے پاک نوری نستعلیق نکلوانا تھا آپ وہ بھی لے چلے ہیں‌۔

 

[غازی عثمان]

برادر ظہور ۔۔۔

چھوٹی چھوٹی باتوں پر ناراض نہیں ہوتے بلکہ سامنے والے کو ٹائیٹ کردیتے ہیں ۔۔۔۔

آپ ناراض ہونے کے بجائے ڈٹے رہیں ،، اسوقت تک جب تک وہ مان جائیں یا آپ ! اگر یہ بھی نہ ہو تو ریل کی پٹری ساتھ ساتھ چلتے رہیں ۔۔ ان کو دیکھیں جو آپ کے ساتھ ہوں۔

 

[شمشاد]

یہی تو میں بھی کہتا ہوں کہ یا تو دلیل سے سامنے والے کو راضی کر لیں یا پھر اس کی دلیل سے خود راضی ہو جائیں، اگر یہ دونوں صورتیں ممکن نہیں تو لٹھ لے کر دوسرے پر چڑھ دوڑنے سے کوئی فائدہ نہیں، بس غازی صاحب کی بات مان لیں کہ ریل کی پٹری کے ساتھ ساتھ چلتے رہیں۔

(غازی صاحب سے سوال : افغانستان والے کس کے ساتھ ساتھ چلیں؟ مذاق)

 

[غازی عثمان]

افغانستان والے تو کسی ندی کے دوکناروں کی طرح یا ولایہ ( صوبہ ) بدخشاں کے علاقے واخان کے دونوں کناروں کی طرح چل سکتے ہیں۔ (‌ باڈر ایک پاکستان کے ساتھ اور دوسرا تاجکستان کے ساتھ )

لیکن سعودی عرب والے کیا کریں گے ؟؟؟؟
انہیں شاید ہماری سلطنت کے ہمارے بعد آنے والے سلاطین کی جانب سے بچھائی گئی مرحوم " حجاز ریلوے " کی پٹریاں کھود کے نکالنی پڑیں گی۔

 

[شمشاد]

جی نہیں غازی صاحب، یہاں ریاض اور دمام کے درمیان تقریباً 400 کلومیٹر لمبی ریلوے لائن ہے اور اس پر روزانہ پانچ ٹرینیں چلتی ہیں اور بہت ہی کامیاب ہیں۔ پانچ جاتی ہیں اور پانچ آتی ہیں۔ راستے میں خرج، ہفوف اور ابقیق میں بھی رکتی ہیں۔

 

[شاکرالقادری]

محفل کے منتظمین سے مؤدبانہ گذارش ہے کہ میرا کھاتہ حذف کردیں۔ میرا جتنا بھی وقت گذرا صحیح گذرا۔ کسی سے کوئی شکوہ نہیں۔ اگر مجھ سے کسی کی دل آزاری ہوئی ہو تو پیشگی معذرت۔ چونکہ میری یہ آخری پوسٹ ہے لہٰذا آئندہ معذرت نہیں کرپاؤں گا۔

سولنگي بھائي!

قرآن حکيم کا حکم ہے کہ تم ميں سے جب دو گروہوں کے درميان کوئي تنازعہ پيدا ہو جائے تو "فاصلحو بينھم" ان کے درميان اصلاح کر ديا کرو ۔۔۔۔
ميرے پاس آپ کا کوئي نمبر نہيں کہ براہ راست آپ کو فون کروں
البتہ اس توقع پر يہاں چند سطور لکھ رہا ہوں کہ شايد آپ خود پڑھ ليں يا کوئي دوست آپ تک يہ باتيں پہنچا ديں
جس طرح ظلم اور زيادتي کے ساتھ محترمہ کو شہيد کيا گيا اس پر جتنا بھي غم و غصہ کا اظہار کيا جائے کم ہے اور آج پورے ملک ميں غم و غصہ کا جو اظہار ہو رہا ہے وہ صرف سندھ تک محدود نہيں بلکہ پورے پاکستان پر محيط ہے
حتي کہ آپ يقين کريں اٹک جيسے پسماندہ دور افتادہ اور پر سکون علاقہ ميں بھي مسلم ليگ قاف کے دفتر کو نذر آتش کر ديا گيا اور مسلسل تين دن سے کاروبار زندگي معطل ہے
ان حالات ميں بے نظير بھٹو شہيد کے مخالفين کو بھي اس حقيقت کا ادراک ہو گيا ہے کہ
بے نظير بھٹو ملک گير سطح کي راہنما تھيں
ان کي شہادت پر نہ صرف سندھ بلکہ پورا پاکستان غمزدہ ہے
اور مرحومہ کي سياست کا مرکز و محور کوئي صوبہ نہ تھا بلکہ پورا پاکستان تھا
اس ميں کوئي شک نہيں کہ سندھي بھائيوں کا صدمہ يقينا دوچند ہے اور ان حالات ميں ان کا غم و غصہ فطري ہے
آپ نے تو صرف "پاکستان نہيں چاہيے" نعرہ کا ذکر کيا ہے ليکن ميں نے تو اے آر وائي کي براہ راست کوريج کے وقت جو شہيد بے نظير بھٹو کے جنازہ کے وقت کي جا رہي تھي کچھ ايسے نعرے بھي سنے جو شايد اگر يہاں لکھے جائيں تو ان کے الفاظ بھي سنسر کي زد ميں آجائيں کوئي اخلاقي ضابطہ اور قانوں ايسے الفاظ کو يہاں نقل کرنے کي اجازت نہيں ديتا
ايسي صورت ميں پاکستان کي يکجہتي اور پاکستان سے محبت رکھنے والے کسي فرد کي طرف سے بھي اگر کوئي جذباتي بات ہو جاتي ہے تو وہ بھي بالکل فطري رد عمل ہے
ميں بھي ايک انسان ہوں اور جذبات بھي رکھتا ہوں تاہم عمر کے اس حصے ميں ہوں جہاں ميں آپ لوگوں کي جذباتي کيفيت کو حقيقت پسندي کے ساتھ ديکھ سکتا ہوں ميں نے آپ کا پيغام بھي پڑھا اور نبيل کا بھي
بخدا ۔۔۔۔ ميں نے آپ کے بيان ميں بھي ملک وملت کي محبت کو چھلکتا ہوا پايا اور نبيل کا بيان بھي ملکي محبت سے لبريز تھا
آپ نے جس تناظر ميں قوم پرستي کے رجحان کا ذکر کيا اس ميں قوم پرستي کي حوصلہ افزائي تو قطعي طور پر موجود نہ تھي بلکہ ملک کي يک جہتي متاثر ہونے کا غم شامل تھا
اور نبيل نے بھي وہي بات کي البتہ انداز اور اسلوب جدا گانہ تھے تاھم دونوں بيانوں ميں بين السطور پاکستان سے محبت کا ہي جذبہ کارفرما تھا
خدارا۔۔۔ اپني اپني جذباتييت کے خول سے باہر آيئے اور حقيقت پسندي کے ساتھ ايک دوسرے کي نفسياتي اور جذباتي کيفيت کو سمجھنے کي کوشش کيجئے
ميں "اردو محفل" کو پاکستان کي نمائندہ محفل تصور کرتا ہوں
اور اس محفل ميں سے آپ کي عليحدگي ميرے ليے ليے ذاتي طور پر بہت دکھ اور رنج و غم کا باعث ہوگي
خدارا اپنا فيصلہ تبديل کريں ۔۔۔۔ اور
نبيل ۔۔۔۔ ! ميں آپ سے بھي عمر ميں بڑا ہونے کے ناطے بجا طور پر توقع کرتا ہوں اور اپنا حق سمجھتا ہوں کہ آپ کو فورس کروں کہ آپ اپنے ايک روٹھے ہوئے بھائي کو منانے کے ليے دو قدم آگے بڑھيں اور انہيں منا کر واپس لائيں
/////////
اگر حقيقت پسندي سے ديکھا جائے تو شدت جذبات ميں کچھ چيزيں زبان سے نکل جاتي ہيں اور اس بات کے بھي امکانات ہيں کہ کچھ سازشي عناصر ايسے مواقع پر عوامي جذبات سے ناجائز فائدہ اٹھا کر اپنے مذموم مقاصد کو حل کرنے کي کوشش کريں ۔۔ يہ بات بھي خلاف حقيقت نہيں کہ محترمہ کے قتل کي جو منصوبہ بندي کي گئي اس ميں يہ پروگرامنگ کي گئي کہ پنجاب پر الزام عائد ہو ۔ليکن يہ بات بھي مد نظر رہے کہ شہيد ہونے والي پنجاب اور پاکستان کے دوسرے صوبوں کے بارے کيا نظريہ رکھتي تھي
کيا يہ حقيقت نہيں کہ محترمہ کا باڈي گاڈ "ذوالفقار علي بھٹو" پنجاب کے ضلع فيصل آباد سے تعلق رکھتا تھا اور ان کے ساتھ ہي شہيد ہو کر سفر آخرت پر روانہ ہوا
اس سلسلہ ميں زرداري صاحب کا تازہ ترين بيان بھي قابل توجہ ہے
کہ بے نظير کے ساتھ تو پنجاب کے لوگ شہيد ہوئے
اس وقت ہم سب کو
ملکي يک جہتي کي بات کرنا چاہيے اور ايک دوسرے کي دلجوئي کا رويہ اپنانا چاہيے تاکہ زخموں پر مرہم رکھا جائے نہ کہ پرانے زخموں کو کريدا جائے
اللہ ہم سب کو اتفاق اتحاد اور مہر و محبت کے رشتہ ميں پروئے رکھے
آمين

 

[ظفری]

جی نہیں غازی صاحب، یہاں ریاض اور دمام کے درمیان تقریباً 400 کلومیٹر لمبی ریلوے لائن ہے اور اس پر روزانہ پانچ ٹرینیں چلتی ہیں اور بہت ہی کامیاب ہیں۔ پانچ جاتی ہیں اور پانچ آتی ہیں۔ راستے میں خرج، ہفوف اور ابقیق میں بھی رکتی ہیں۔

شمشاد بھائی ۔۔۔ ! میرا خیال ہے کہ غازی صاحب نے سعودی عرب میں کوئی دریا نہ ہونے کی وجہ سے ایسا کہا ہے ۔ !

 

[شمشاد]

تو کیا "حجاز ریلوے" جس کی انہوں نے بات کی ہے وہ دریا میں چلتی تھی +ہا ہائے+

 

[ظفری]

افغانستان والے تو کسی ندی کے دوکناروں کی طرح یا ولایہ ( صوبہ ) بدخشاں کے علاقے واخان کے دونوں کناروں کی طرح چل سکتے ہیں۔ (‌ باڈر ایک پاکستان کے ساتھ اور دوسرا تاجکستان کے ساتھ )

لیکن سعودی عرب والے کیا کریں گے ؟؟؟؟

غازی صاحب کا سوال یہ تھا ۔ جو انہوں نے ندی کا حوالہ دیتے ہوئے فرمایا ۔ اس بعد ان کا کہنا یہ تھا کہ اگر ایسا نہیں ‌ہے تو ۔۔۔۔ شاید ۔۔۔۔ آگے آپ پڑھ لیں ۔


انہیں شاید ہماری سلطنت کے ہمارے بعد آنے والے سلاطین کی جانب سے بچھائی گئی مرحوم " حجاز ریلوے " کی پٹریاں کھود کے نکالنی پڑیں گی۔

 

[تلمیذ]

اللہ ہم سب کو اتفاق اتحاد اور مہر و محبت کے رشتہ ميں پروئے رکھے
آمين

محترم قادری صاحب نے انتہائی خلوص بھرے انداز میں صورت حال کا تجزیہ کیا ہے جس کی روشنی میں التماس ہے کہ سولنگی صاحب کو حقیقت پسندی سے کام لیتے ہوٕے اپنے رویے میں ذرا لچک پیدا کر کے اس حتمی اقدام سے گریز کرنا چاہئے اور دوسرے فریق کو بھی فراخدلی سے کام لیتے ہوئے صلح جوئی کے لئے ہاتھ بڑھانا چاہئے۔ کیونکہ یہی محفل کے سب ساتھیوں کی خواہش ہے اور اسی میں بہتری ہے۔

مجھے حیرانگی ہے کہ احباب نے اصل موضوع، جو کہ انتہا ئی سنجیدہ ہے ، سے ہٹ کر حجاز ریلوے جیسی غیر متعلقہ بات چیت کو اس دھاگے میں کیوں شروع کر دیا ہے اور وہ بھی مزاحیہ انداز میں !!

 

[ظفری]

مجھے حیرانگی ہے کہ احباب نے اصل موضوع، جو کہ انتہا ئی سنجیدہ ہے ، سے ہٹ کر حجاز ریلوے جیسی غیر متعلقہ بات چیت کو اس دھاگے میں کیوں شروع کر دیا ہے اور وہ بھی مزاحیہ انداز میں !!

محترم تلمیذ صاحب ۔۔ ! وہ اس لیئے کہ محفل کے اس موضوع کی سنجیدگی کا کرخت مزاج بدلے ۔

 

[ظہور احمد سولنگی]

واپسی

تسلیمات
آپ تمام لوگوں کے لئے میرے پاس بڑی عزت و احترام ہے اور جب بزرگ درمیان میں آجائیں تو چھوٹوں کو بات ماننی چاہیے لہذا میں محترم قادی صاحب اور تمام لوگوں کی بات مانتے ہوئے واپس آنے کا اعلان کررہاں ہوں۔ میرا دل ٹوٹ چکا تھا اور نبیل کے رویے سے کافی مایوسی ہوئی۔ خیر آئندہ کوشش تو یہ ہوگی کہ آئندہ سرگرمی سے حصہ لوں۔

 

[محسن حجازی]

آخر ہوا کیا؟

 

[تلمیذ]

خیر آئندہ کوشش تو یہ ہوگی کہ آئندہ سرگرمی سے حصہ لوں۔

بہت خوب ، سولنگی صاحب !

اس فراخدلی پر میری جانب سے ہدیہء تشکر قبول کریں !!