اقبال میرِ سپاہ ناسزا، لشکریاں شکستہ صف

[سید شہزاد ناصر]

میرِ سپاہ ناسزا، لشکریاں شکستہ صف​

آہ! وہ تیرِ نیم کش جس کا نہ ہو کوئی ہدف​

​

تیرے محیط میں کہیں گوہرِ زندگی نہیں​

ڈھونڈ چکا میں موج موج، دیکھ چکا صدف صدف​

​

عشقِ بتاں سے ہاتھ اٹھا، اپنی خودی میں ڈوب جا​

نقش و نگار دَیر میں خونِ جگر نہ کر تلف​

​

کھول کے کیا بیاں کرو سرِ مقامِ مرگ و عشق​

عشق ہے مرگِ باشرف، مرگ حیاتِ بے شرف​

​

صحبتِ پیرِ روم سے مجھ پہ ہوا یہ راز فاش​

لاکھ حکیم سر بجیب ، ایک کلیم سر بکف​

​

مثلِ کلیم ہو اگر معرکہ آزما کوئی​

اب بھی درختِ طور سے آتی ہے بانگِ لاتخف​

​

خیرہ نہ کر سکا مجھے جلوۂ دانش فرنگ​

سرمہ ہے میری آنکھ کا خاک مدینہ و نجف​

 

[مہ جبین]

لاجواب کلامِ اقبال

 

[محمد بلال اعظم]

گو کہ میں اس قابل نہیں کلامِ اقبالؒ کی تعریف میں کچھ لکھ سکوں لیکن پھر بھی یہ دو مصرع تو ایسے ہیں کہ ایک ایک مصرع پوری پوری کھلی کتاب ہے

​

عشق ہے مرگِ باشرف، مرگ حیاتِ بے شرف​

​

لاکھ حکیم سر بجیب ، ایک کلیم سر بکف​

​

اور آخری شعر تو جان ہے اس غزل کی

خیرہ نہ کر سکا مجھے جلوۂ دانش فرنگ​

سرمہ ہے میری آنکھ کا خاک مدینہ و نجف​

وہ جو موتیوں کی لڑی میں ایک سب سے سنہری دانہ رہ گیا، وہ دانہ یہ شعر ہے۔
پیر و مرشد بے شک ایک نعمت ہیں اللہ کی۔
جو پردہ فرمانے کے بعد بھی ہمارے درمیان موجود ہیں اور تاقیامت موجود رہیں گے۔

 

[سید شہزاد ناصر]

لاجواب کلامِ اقبال

پسند کرنے کا شکریہ بہنا
شاد و آباد رہیں

 

[سید شہزاد ناصر]

لاکھ حکیم سر بجیب ، ایک کلیم سر بکف
یہ مصرع اسرار او معنی کا ایک جہاں ہے
خوشی ہوئی کہ آپ کی اور میری پسند میں بہت سی چیزیں مشترک ہیں

 

[محمد بلال اعظم]

لاکھ حکیم سر بجیب ، ایک کلیم سر بکف
یہ مصرع اسرار او معنی کا ایک جہاں ہے
خوشی ہوئی کہ آپ کی اور میری پسند میں بہت سی چیزیں مشترک ہیں

یہ تو میری خوش نصیبی ہے جناب۔
محبت ہے آپ کی۔

 

[نیرنگ خیال]

ہم بھی تعریف کر کے پتلی گلی سے نکل لیتے ہیں۔۔۔

 

[سید شہزاد ناصر]

ہم بھی تعریف کر کے پتلی گلی سے نکل لیتے ہیں۔۔۔

آپ کو اس طرح قابو کریں گے کہ فرار کا راستہ ہی نہ ملے گا

 

[نیرنگ خیال]

آپ کو اس طرح قابو کریں گے کہ فرار کا راستہ ہی نہ ملے گا

ان ادبی باتوں سے اپنا کچھ لینا دینا نہیں۔۔۔ اس لیے ہم یہاں سے اکثر کھسک لیتے ہیں۔۔۔

 

[سید زبیر]

بہت خوب انتخاب کیا ہے سرکار
کیا بات ہے
کھول کے کیا بیاں کرو سرِ مقامِ مرگ و عشق
عشق ہے مرگِ باشرف، مرگ حیاتِ بے شرف

 

[سید شہزاد ناصر]

بہت خوب انتخاب کیا ہے سرکار
کیا بات ہے
کھول کے کیا بیاں کرو سرِ مقامِ مرگ و عشق
عشق ہے مرگِ باشرف، مرگ حیاتِ بے شرف

اہا اہا کیا حکیمانہ نکتہ ہے
پسند کرنے کا شکریہ
شاد و آباد رہیں

 

[یاسر شاہ]

لا جواب و بے مثال۔