میری آنکھوں میں روانی ہے ابھی تک ( فاعلاتن فعلاتن فعلاتن)

[نوید ناظم]

میری آنکھوں میں روانی ہے ابھی تک
یہ وہ دریا ہیں کہ پانی ہے ابھی تک

ہم نے چھوڑا تو نہیں اُس کی گلی کو
روز جائیں گے، یہ ٹھانی ہے ابھی تک

صرف ظاہر ہی کے کردار مِٹے ہیں
پر پسِ پردہ کہانی ہے ابھی تک

یادِ آباء ہے پھر کیا ہے، گرا دو!
کیوں یہ دیوار پرانی ہے ابھی تک

ہم کو جس بات پہ وہ چھوڑ گیا تھا
اُس نے وہ بات بتانی ہے ابھی تک

میرے سینے میں ہے لیکن یہ بتا، دل!
میری اک بات بھی مانی ہے ابھی تک؟

چل نوید اُٹھ کہ چلیں میکدہ جلدی
شامِ ہجراں بھی منانی ہے ابھی تک

 

[نوید ناظم]

محترم سر الف عین
دیگر اساتذہءِ کرام

 

[الف عین]

زمین ہی پسند نہیں آئی۔ کچھ جگہ آخری 'تک'اضافی ہے بلکہ غیر ضروری۔ آدھے رکن کی زیادتی سے روانی بھی متاثر ہے۔

 

[نوید ناظم]

زمین ہی پسند نہیں آئی۔ کچھ جگہ آخری 'تک'اضافی ہے بلکہ غیر ضروری۔ آدھے رکن کی زیادتی سے روانی بھی متاثر ہے۔

بہت شکریہ سر،
بہتر، اسے چھوڑ ہی دیا۔