میری جنت

[محمد اسامہ سَرسَری]

میری جنت​

کلی سے گل ، گلوں سے باغ ، باغوں سے بنی جنت​

سنو اب راز یہ مجھ سے کہ ہے کیسے سجی جنت​

محمد مصطفی نے اپنی امت سے ہے فرمایا:​

”خدا نے والدہ کے پاؤں کے نیچے رکھی جنت“​

ہمارے باپ آدم اور ہماری والدہ حوا​

اسی حوا کے آنے سے مکمل ہوگئی جنت​

میں اپنی ماں کے پیروں پر سدا بیٹھا رہوں گا اب​

ہے دنیا اک جہنم ، میں نہ چھوڑوں گا کبھی جنت​

ہماری ماں ہمارے واسطے سرتاپا جنت ہے​

بنی آدم کو اللہ نے بنایا ہے بنی جنت​

عزیز از جان اپنی ماں کے بارے میں میں کیا لکھوں؟​

بڑی جنت! ، کھلی جنت! ، بھری جنت! ، نری جنت!​

مری اس نظم کو پڑھ کر کہا رضوانِ جنت نے​

تمھاری منتظر ہے اے اسامہ سَرسَرؔی! جنت​

محترمین و مکرمین شعرائے کرام! براہ مہربانی اس نظم کی اصلاح فرمادیجیے۔​

مزمل شیخ بسمل​

الف عین​

@محمد یعقوب آسی​

جناب شمشاد صاحب باقی شعرائے کرام کو ٹیگ کردیجیے، مہربانی ہوگی، بندہ استفادے کا خواہاں ہے۔​

 

[محمد خلیل الرحمٰن]

خوبصورت نظم اسامہ بھائی، داد قبول فرمائیے۔

میں اپنی ماں کے پیروں پر سدا بیٹھا رہوں گا اب​

میں اپنی ماں کے پیروں میں سدا بیٹھا رہوں گا اب​

کیسا رہے گا؟​

 

[محمد اسامہ سَرسَری]

خوبصورت نظم اسامہ بھائی، داد قبول فرمائیے۔

میں اپنی ماں کے پیروں میں سدا بیٹھا رہوں گا اب​

کیسا رہے گا؟​

جزاکم اللہ خیرا۔ جی یہی بہتر ہے جو آپ نے فرمایا۔

 

[بنت یاسین]

بہت اچھی نظم ہے ماشاءاللہ۔

 

[ماہا عطا]

bht khob umeda...khubsurat ilfaz ka chunao...mazeed ka intezar rahe ka...

 

[عمران اسلم]

خیالات خوب ہیں، باقی کام بڑوں کا

 

[محمد اسامہ سَرسَری]

بہت اچھی نظم ہے ماشاءاللہ۔

جزاکم اللہ خیرا۔

 

[محمد اسامہ سَرسَری]

bht khob umeda...khubsurat ilfaz ka chunao...mazeed ka intezar rahe ka...

جزاکم اللہ خیرا۔

 

[محمد اسامہ سَرسَری]

خیالات خوب ہیں، باقی کام بڑوں کا

جزاکم اللہ خیرا۔

 

[محمد بلال اعظم]

بہت عمدہ

 

[الف عین]

ایک تصحیح تو خلیل نے کر دی ہے۔ مزید اصلاح کی ضرورت نہیں ہے۔

 

[محمد اسامہ سَرسَری]

ایک تصحیح تو خلیل نے کر دی ہے۔ مزید اصلاح کی ضرورت نہیں ہے۔

جزاکم اللہ خیرا، استاد جی۔

 

[محمد یعقوب آسی]

لفظ ’’سراپا‘‘ کی بندش پر آپ سے بات ہو چکی۔ پاؤں پر بیٹھنا اور ہے پاؤں میں بیٹھنا اور ہے، اس پر بھی پہلے بات ہو چکی۔ باقی ٹھیک ہے۔ بہتری کی گنجائش تو ہر جگہ ہوتی ہے۔

 

[محمد اسامہ سَرسَری]

لفظ ’’سراپا‘‘ کی بندش پر آپ سے بات ہو چکی۔ پاؤں پر بیٹھنا اور ہے پاؤں میں بیٹھنا اور ہے، اس پر بھی پہلے بات ہو چکی۔ باقی ٹھیک ہے۔ بہتری کی گنجائش تو ہر جگہ ہوتی ہے۔

نہیں جناب! ۚ

مجھ سے تو ان دونوں موضوعات پر پہلے بات نہیں ہوئی۔ تبصرے پر جزاکم اللہ خیرا۔​

 

[محمد یعقوب آسی]

اپنا اِن باکس دیکھئے۔ یا پھر آپ نے میرے سٹیٹس پر پیغام چھوڑا تھا، اس کا جواب دیکھئے گا۔

 

[محمد اسامہ سَرسَری]

اپنا اِن باکس دیکھئے۔

ہماری ماں ہمارے واسطے جنت سراپا ہے
بنی آدم کو اللہ نے بنایا ہے بنی جنت

اب ٹھیک ہے؟​

 

[محمد یعقوب آسی]

ہم م م ۔۔ مناسب ہے۔ شکریہ۔

 

[محمد اسامہ سَرسَری]

ہم م م ۔۔ مناسب ہے۔ شکریہ۔

جزاکم اللہ خیرا۔

 

[مہ جبین]

بہت خوب

 

[محمد اسامہ سَرسَری]

بہت خوب

جزاکم اللہ خیرا!