میری غزل - نہ دل کو ہے نہ جاں‌ کو ہی قرار اب

[محمد وارث]

محترم اراکینِ محفل آپ کی خدمت میں ایک غزل پیش کر رہا ہوں، امید ہے اپنی بیش قیمت رائے سے نوازیں گے، شکریہ۔


نہ دل کو ہے نہ جاں کو ہی قرار اب
جنوں ہو کے رہا اپنا شعار اب

نظر بدلی تو بدلے سارے منظر
ترا ہی جلوہ ہے اے میرے یار اب

کلی مرجھا گئی دل کی ترے بعد
بلا سے آئے گلشن میں بہار اب

پلائی ہے نظر سے مے جو تو نے
اترنے کا نہیں ساقی خمار اب

کٹی مستانہ وار ایسے شبِ ہجر
رہا مجھ کو نہ تیرا انتظار اب

اسد وہ جانتا ہے سب حقیقت
بنے پھرتے ہو جو پرہیزگار اب


۔

 

[فاتح]

نہ دل کو ہے نہ جاں کو ہی قرار اب
جنوں ہو کے رہا اپنا شعار اب
اور
پلائی ہے نظر سے مے جو تو نے
اترنے کا نہیں ساقی خمار اب

بہت خوب۔۔۔

کٹی مستانہ کچھ ایسے شبِ ہجر
رہا مجھ کو نہ تیرا انتظار اب

معذرت کے ساتھ لیکن اگر یوں لکھا جائے تو کیسا ہے:

کٹی مستانہ وار ایسے شبِ ہجر

یہ محض میری ذاتی رائے ہے۔

 

[الف عین]

اوہو تو یہ قتیلِ غالب تخلص بھی اسد فرماتے ہیں۔ اچھی غزل ہے وارث، لیکن ایک مشورہ۔۔ اگر چہ یہ اصلاحِ سخن کے تحت تو پوسٹ نہیں کی ہے، پھر بھی

کلی دل کی گئی مرجھا ترے بعد

اس کو یوں کر دیں تو نامانوسیت ختم ہو جائے گی

کلی مرجھا گئی دل کی ترے بعد

 

[محمد وارث]

بہت خوب۔۔۔


معذرت کے ساتھ لیکن اگر یوں لکھا جائے تو کیسا ہے:

کٹی مستانہ وار ایسے شبِ ہجر

یہ محض میری ذاتی رائے ہے۔

فاتح آپ کی پسندیدگی کیلیے بہت شکریہ آپ کا۔

آپ کی رائے صائب ہے، میں آپ کا ممنون ہوں کہ آپ نے میری غزل کو قابلِ توجہ سمجھا، نوازش آپ کی۔

۔

 

[محمد وارث]

اوہو تو یہ قتیلِ غالب تخلص بھی اسد فرماتے ہیں۔ اچھی غزل ہے وارث، لیکن ایک مشورہ۔۔ اگر چہ یہ اصلاحِ سخن کے تحت تو پوسٹ نہیں کی ہے، پھر بھی

کلی دل کی گئی مرجھا ترے بعد

اس کو یوں کر دیں تو نامانوسیت ختم ہو جائے گی

کلی مرجھا گئی دل کی ترے بعد

آپ کی پسندیدگی کیلیے بہت شکریہ اعجاز صاحب، آپ جیسے کہنہ مشق شاعر اور اس محفل کے ہر دلعزیز رکن سے داد مل جانا میرے لئے متاعِ بے بہا ہے، بہت نوازش آپ کی۔

شاعری میں، مَیں نو وارد اور مبتدی ہوں، بڑے عرصے تک عروض میرے لئے چیستاں بنا رہا، اور بغیر استاد کے یہ علم ہے بھی لا ینحل۔ بہرحال "بحر الفصاحت" کہیں سے مل گئی تھی، بس جب کچھ سمجھ میں آیا تو ایسے ہی تک بندی کرنی شروع کردی۔

تخلص کے بارے میں آپ نے صحیح کہا، کہ قتیلِ غالب تو تھے ہی، تخلص بھی غالب کا متروکہ پکڑ لیا۔

آپ کی اصلاح بہت خوب ہے، اور جاندار بھی، میں اسکو صحیح کر رہا ہوں۔

ایک دفعہ پھر آپکی توجہ کیلیے بہت ممنون ہوں، نوازش آپ کی۔

۔

 

[shayar777]

کچھ مسرت مزید ھو جائے
اس بہانے سے عید ھو جائے
عید ملنے جو آپ آ جائیں
ہماری بھی عید عید ھو جائے

 

[silent.killer]

واااااااااااااااااااااااااااااااااااااااااااااااااااااااااہ

 

[محمد وارث]

واااااااااااااااااااااااااااااااااااااااااااااااااااااااااہ

اس لمبے واہ کیلیئے آپ کا انتہائی شکریہ۔

 

[عمار ابن ضیا]

نظر بدلی تو بدلے سارے منظر
ترا ہی جلوہ ہے اے میرے یار اب

کلی مرجھا گئی دل کی ترے بعد
بلا سے آئے گلشن میں بہار اب

واہ! بہت خوب۔
میری نظر سے یہ ابھی گذری۔

 

[محمد وارث]

واہ! بہت خوب۔
میری نظر سے یہ ابھی گذری۔

شکریہ عمار آپ کا، نوازش

 

[زونی]

واہ واہ لاجواب غزل ھے

وارث انکل آپ نے اپنا تخلص اسد کیوں رکھا،اگرچہ یہ تو غالب کا تخلص تھا ،ایسے ہی تجسس ہوا تو پوچھ لیا ورنہ مجھے کوئی اعتراز نہیں ھے۔

 

[محمد وارث]

شکریہ زونی بیٹا غزل کی پسندیدگی کیلیے۔

'اسد' پر آپ کو اعتراض نہیں ہے شکریہ، بس پسند آگیا سو رکھ لیا۔

اور ہاں آپ مجھے بلا تکلف 'انکل' کہہ سکتی ہیں کہ میں عادی ہوں 'انکل' سننے کا، بلکہ یہ سن سن کر ہی تو بھاگا تھا۔

 

[زونی]

(بھاگا تھا ) وضاحت کی جائے۔

انکل کہنے کی اجازت دیدی ،اس دریا دلی کا بھی شکریہ ۔

 

[شمشاد]

شکریہ زونی بیٹا غزل کی پسندیدگی کیلیے۔

'اسد' پر آپ کو اعتراض نہیں ہے شکریہ، بس پسند آگیا سو رکھ لیا۔

اور ہاں آپ مجھے بلا تکلف 'انکل' کہہ سکتی ہیں کہ میں عادی ہوں 'انکل' سننے کا، بلکہ یہ سن سن کر ہی تو بھاگا تھا۔

کہاں سے بھاگے تھے آپ؟ بچپن میں اسکول سے بھاگنا اور جوانی میں بڑے گھر سے بھاگنا مشہور ہے۔

 

[زونی]

کہاں سے بھاگے تھے آپ؟ بچپن میں اسکول سے بھاگنا اور جوانی میں بڑے گھر سے بھاگنا مشہور ہے۔

بڑے گھر سے بھاگنا،

 

[شمشاد]

آپ ذہن پر زور نہ دیں، وارث بھائی کو سمجھ آ گئی ہو گی۔

 

[محمد وارث]

کہاں سے بھاگے تھے آپ؟ بچپن میں اسکول سے بھاگنا اور جوانی میں بڑے گھر سے بھاگنا مشہور ہے۔

شمشاد بھائی میں ہر اس جگہ سے بھاگ جاتا ہوں جہاں مجھے انکل کہا جاتا ہے۔

 

[زونی]

شمشاد بھائی میں ہر اس جگہ سے بھاگ جاتا ہوں جہاں مجھے انکل کہا جاتا ہے۔

تو کیا یہاں سے بھی بوریا سمیٹنے کا ارادہ ھے ،ویسے مجھے آپکو بھائی کہنے پر بھی کوئی اعتراز نہیں ھے

 

[زونی]

آپ ذہن پر زور نہ دیں، وارث بھائی کو سمجھ آ گئی ہو گی۔

یہ کوئی نئی بات نہیں ھے میں پہلے بھی یہی کرتی ہوں

 

[محمد وارث]

تو کیا یہاں سے بھی بوریا سمیٹنے کا ارادہ ھے ،ویسے مجھے آپکو بھائی کہنے پر بھی کوئی اعتراز نہیں ھے

بھئی آپ لاحول پڑھیں یا استغفار، کس کافر کو اعتراض ہے