میر جعفر سے ملاقات - حامد میر
- صاحب لڑی نبیل
- تاریخ ابتداء
مہوش علی
لائبریرین
اور تیلے شاہ
یہ چیز اللہ تعالی کے انصاف کے مطابق نہیں ڈیڑھ دو سو سال پہلے ہونے والے ایک انسان کے "فعل" کا بدلہ اُسکی اولادوں سے لے۔ یہ حامد میر نے اپنی طرف سے ایک "سنسنی خیز حقیقت/افسانہ" بنانے کی کوشش کی ہے۔
اسکندر مرزا کے متعلق جنگ نمائندہ نیر زیدی کا ایک مضمون شائع ہوا تھا اور انہوں نے اسکندر مرزا کی بہت تعریف کی تھی (حالانکہ مارشل لاء لگانے پر بہت ہی زیادہ اسکندر مرزا کی مخالفت بھی کی تھی)۔ اسکے علاوہ ایک نیوی آفیسر یہاں کی ڈیفنس یونیورسٹی سے پی ایچ ڈی کر رہے تھے اور انہوں نے بھی اسکندر مرزا کی بہت تعریف کی تھی۔
میں کہنا یہ چاہ رہی ہوں کہ جب تک ہم اسکندر مرزا کے متعلق غیر جانبدارانہ ریسرچ نہ پڑھ لیں، بہتر ہے کہ ان کالم نگاروں کی تمام باتوں پر یقین نہ کریں کیونکہ یہ اسکندر مرزا کی تمام اچھائیوں کو نظر انداز کر کے اسے میر جعفر سے ملا کر صرف برائیاں ہی برائیاں بیان کرنا چاہتے ہیں۔ اس لیے حامد میر بھی سوائے مارشل لاء لگانے کے اور کوئی برائی بیان نہ کر سکا۔
اسکندر مرزا شاید واحد پاکستانی حکمران تھا جس کے متعلق کہا جاتا ہے کہ اُس نے ایک آنے کی بھی کرپشن نہیں کی۔ اور جب برخاست ہو کر یورپ آیا تو ایک ہوٹل میں کام کر کے پیسا کما کر اپنی ضروریات پوری کرتا تھا اور اس نے یہ سارا وقت بہت کسمپرسی میں گذارا۔
تیلے شاہ صاحب،
آپ کو اعتراض ہے کہ اب اسکندر مرزا کی نواسی کیوں وفاقی وزیر تک کامیابی حاصل کر گئی ہیں۔
تو مجھے آپ کے اس اعتراض پر کچھ اعتراض ہے کیونکہ یہ چیز Broad Mind کے خلاف چلی جائی گی کہ اس نواسی پر اس لیے ترقی کے دروازے بند کر دیے جائیں کیونکہ اسکے نانا کا واحد جرم ملک میں مارشل لاء لگانا تھا۔ اگر ایسا ہی ہے تو سب سے پہلےہم یہ حق ضیاء الحق کے بیٹے سے چھینیں کہ اسکے باپ نے بھی ملک میں مارشل لاء لگوایا تھا۔
اگر کسی کے پاس شہاب نامہ آنلائن ہے تو مجھے لنک دیجئیے۔ میں اس میں اسکندر مرزا کے متعلق مزید پڑھنا چاہ رہی ہوں۔
محمد وارث
لائبریرین
حامد میر نے اپنے کالم میں جذباتی 'ٹچ' لگانے کیلیے اسکندر مرزا کو میر جعفر سے جا ملایا ہے۔ یہ ایک انتہائی سطحی اور غلط طرزِ استدلال ہے۔
اگر اسکندر مرزا، میر جعفر کے خاندان میں پیدا ہو گیا تھا تو اس میں اسکندر مرزا کا کیا قصور ہے۔ نہ ہی یہ سنتِ الٰہی ہے اور نہ ہی اسکے 'نظام عدل' کے مطابق ہے کہ آبا و اجداد کے گناہوں پر اولاد کو سزا دے۔
اسکندر مرزا رنگ رلیوں کا دلدادہ تھا جس کی کچھ جھلک شہاب نامہ میں موجود ہے لہذا اسکندر مرزا کو اگر کوئی سزا ملی یا ملے گی تو یہ اس کی اپنی خطاؤں پر ہے یا ہوگی۔
حامد میر یوں تو ایک اسکالر باپ کا بیٹا ہے (پروفیسر وارث میر کی تحاریر پڑھنے سے تعلق رکھتی ہیں) اور خود بھی کافی عقل مند لگتا ہے لیکن جذباتیت کی رو میں یہاں تک لکھ گیا کہ "تاریخ نے میر جعفر کے ہاتھوں نواب سراج الدولہ کے ساتھ غدّاری کا بدلہ اسکندر مرزا سے لیا۔" انتہائی سطحی، لا یعنی بات اور یاوہ گوئی ہے۔
۔
اگر اسکندر مرزا، میر جعفر کے خاندان میں پیدا ہو گیا تھا تو اس میں اسکندر مرزا کا کیا قصور ہے۔ نہ ہی یہ سنتِ الٰہی ہے اور نہ ہی اسکے 'نظام عدل' کے مطابق ہے کہ آبا و اجداد کے گناہوں پر اولاد کو سزا دے۔
اسکندر مرزا رنگ رلیوں کا دلدادہ تھا جس کی کچھ جھلک شہاب نامہ میں موجود ہے لہذا اسکندر مرزا کو اگر کوئی سزا ملی یا ملے گی تو یہ اس کی اپنی خطاؤں پر ہے یا ہوگی۔
حامد میر یوں تو ایک اسکالر باپ کا بیٹا ہے (پروفیسر وارث میر کی تحاریر پڑھنے سے تعلق رکھتی ہیں) اور خود بھی کافی عقل مند لگتا ہے لیکن جذباتیت کی رو میں یہاں تک لکھ گیا کہ "تاریخ نے میر جعفر کے ہاتھوں نواب سراج الدولہ کے ساتھ غدّاری کا بدلہ اسکندر مرزا سے لیا۔" انتہائی سطحی، لا یعنی بات اور یاوہ گوئی ہے۔
۔
نبیل
تکنیکی معاون
جذباتی ٹچ لگانے سے کسی بھی تجزیہ نگار کی credibility متاثر ہوتی ہے اور اس سے حقائق مسخ ہونے کا اندیشہ بھی ہوتا ہے۔ قومی اخبارات میں لکھنے والے اور قارئین کا وسیع حلقہ رکھنے والے کالمسٹ خواتین و حضرات پر بھی حقائق کو صحیح انداز میں پیش کرنے کی ذمہ داری عائد ہوتی ہے۔ بہرحال سکندر مرزا کو میں پاکستانی تاریخ کا ایک ناپسندیدہ کردار سمجھتا ہوں جس نے پاکستان میں فوج کے اقتدار میں آنے کی راہ ہموار کی تھی۔