مہ جبین
محفلین
میں ابھرا تھا کنارا دیکھنے کو
کنارے پر تھی دنیا دیکھنے کو
مرے ذوقِ نظر نے رنگ بخشے
جہاں میں ورنہ کیا تھا دیکھنے کو
تماشاگاہِ عالم میں ہوں تنہا
کوئی تو ہو تماشا دیکھنے کو
خرد نے زاویے کیا کیا نہ بدلے
جنوں کا رنگ پھیکا دیکھنے کو
وہ ہمراہِ مہ و خورشید آئے
مِرا داغِ تمنّا دیکھنے کو
سمندر سے ندامت آج تک ہے
ذرا ٹھہرا تھا دریا دیکھنے کو
گزر کر سات رنگوں کے بھنور سے
مِلا خوشبو کا جلوہ دیکھنے کو
دلِ بیدار نے برسوں جگایا
شبِ غم کا سویرا دیکھنے کو
سیاہی شب کی اوڑھے سو رہا تھا
سحر آئی تماشا دیکھنے کو
جہاں میں دیکھئے تیرے سوا کیا
کہ ہے تیرے سوا کیا دیکھنے کو
مِرے گھر میں کسی سورج نے جھانکا
نہ کوئی چاند اترا دیکھنے کو
حزیں دل سے نظر کیسے ہٹالوں
یہی تو ہے دریچہ دیکھنے کو
حزیں صدیقی
انکل الف عین کی شفقتوں کی نذر
والسلام
کنارے پر تھی دنیا دیکھنے کو
مرے ذوقِ نظر نے رنگ بخشے
جہاں میں ورنہ کیا تھا دیکھنے کو
تماشاگاہِ عالم میں ہوں تنہا
کوئی تو ہو تماشا دیکھنے کو
خرد نے زاویے کیا کیا نہ بدلے
جنوں کا رنگ پھیکا دیکھنے کو
وہ ہمراہِ مہ و خورشید آئے
مِرا داغِ تمنّا دیکھنے کو
سمندر سے ندامت آج تک ہے
ذرا ٹھہرا تھا دریا دیکھنے کو
گزر کر سات رنگوں کے بھنور سے
مِلا خوشبو کا جلوہ دیکھنے کو
دلِ بیدار نے برسوں جگایا
شبِ غم کا سویرا دیکھنے کو
سیاہی شب کی اوڑھے سو رہا تھا
سحر آئی تماشا دیکھنے کو
جہاں میں دیکھئے تیرے سوا کیا
کہ ہے تیرے سوا کیا دیکھنے کو
مِرے گھر میں کسی سورج نے جھانکا
نہ کوئی چاند اترا دیکھنے کو
حزیں دل سے نظر کیسے ہٹالوں
یہی تو ہے دریچہ دیکھنے کو
حزیں صدیقی
انکل الف عین کی شفقتوں کی نذر
والسلام
