میں ایسی محبت کرتی ہوں ۔ خلیل اللہ فاروقی

[عمر سیف]

نیلم نے ایک جگہ شئیر کی تو سوچا یہاں اس کا دوسرا ورژن بھی شئیر کروں
میں ایسی محبت کرتی ہوں

تم جب بھی گھر پر آتے ہو

اور سب سے باتیں کرتے ہو

میں اوٹ سے پردے کی جاناں
بس تم کو دیکھتی رہتی ہوں
اِک تم کو دیکھنے کی خاطر
میں کتنی پاگل ہوتی ہوں

میں ایسی محبت کرتی ہوں
تم کیسی محبت کرتے ہو؟؟

جب دروازے پہ دستک ہو
یا گھنٹی فون کی بجتی ہو
میں چھوڑ کے سب کچھ بھاگتی ہوں
اور تم کو جو نہ پاؤں تو
جی بھر کے رونے لگتی ہوں

میں ایسی محبت کرتی ہوں
تم کیسی محبت کرتے ہو؟؟

محفل میں کہیں بھی جانا ہو
کپڑوں کی سلیکشن کرنا ہو
رنگ بہت سے سامنے بکھرے ہوں
اُس رنگ پہ دل آجاتا ہے
جو رنگ کے تم کو بھاتا ہے

میں ایسی محبت کرتی ہوں
تم کیسی محبت کرتے ہو؟؟

روزانہ اپنے کالج میں
کسی اور کا لیکچر سُنتے ہوئے
یاں بریک کے خالی گھنٹے میں
سکھیوں سے باتیں کرتے ہوئے
میرے دھیان میں تم آ جاتے ہو
میں، میں نہیں رہتی پھر جاناں
میں تم میں گُم ہو جاتی ہوں
بس خوابوں میں کھو جاتی ہوں
اُن آنکھوں میں کھو جاتی ہوں

میں ایسی محبت کرتی ہوں
تم کیسی محبت کرتے ہو؟؟

ہر چہرہ تم سا لگتا ہے
وہ شام ہو یا پھر دھوپ سمے
سب کتنا بھلا سا لگتا ہے
جانے یہ کیسا نشہ ہے
گرمی کا تڑپتا موسم بھی
جھاڑے کا مہینہ لگتا ہے

میں ایسی محبت کرتی ہوں
تم کیسی محبت کرتے ہو؟؟

تم جب بھی سامنے آتے ہو
میں تم سے سُننا چاہتی ہوں
کاش کبھی تم یہ کہہ دو
تم مجھ سے محبت کرتے ہو
تم مجھ کو بہت ہی چاہتے ہو
لیکن جانے تم کیوں چُپ ہو
یہ سوچ کے دل گھبراتا ہے
ایسا تو نہیں ہے نہ جاناں
صرف میری نظر کا دھوکا ہو
تم نے مجھ کو چاہا ہی نہ ہو
میں تم سے پوچھنا چاہتی ہوں
میں تم سے کہنا چاہتی ہوں
لیکن کچھ پوچھ نہیں سکتی
مانا کے محبت ہے پھر بھی
لب اپنے کھول نہیں سکتی
میں لڑکی ہوں کیسے کہہ دوں
میں کیسی محبت کرتی ہوں
میں تم سے یہ کیسے پوچھوں
تم کیسی محبت کرتے ہو
چُپ چُپ سی میں ہو جاتی ہوں
پھر دل میں اپنے کہتی ہوں

میں ایسی محبت کرتی ہوں
تم کیسی محبت کرتے ہو؟؟


خلیل اللہ فاروقی

 

[نیلم]

اچھا یہ بھی خلیل اللہ فاروقی نے لکھی ہے .

 

[جیہ]

مگر یہ عنوان کچھ عجیب سا نہیں ہے؟

 

[عمر سیف]

مگر یہ عنوان کچھ عجیب سا نہیں ہے؟

درستگی کر دی گئی شکراً

 

[شمشاد]

خوبصورت نظم ہے.

 

[ظفری]

مگر یہ عنوان کچھ عجیب سا نہیں ہے؟

میرے خیال میں شاعر کا نام بھی عجیب سا ہے . عنوان کے پیشِ نظر تو اصولاً شرمیلا فاروقی ہونا چاہیئے تھا .

 

[عمر سیف]

میرے خیال میں شاعر کا نام بھی عجیب سا ہے . عنوان کے پیشِ نظر اصولاً شرمیلا فاروقی ہونا چاہیئے تھا .

 

[زبیر مرزا]

میرے خیال میں شاعر کا نام بھی عجیب سا ہے . عنوان کے پیشِ نظر تو اصولاً شرمیلا فاروقی ہونا چاہیئے تھا .

یہ وہی کلاس فیلو تو نہیں سابقہ ؟

 

[ظفری]

یہ وہی کلاس فیلو تو نہیں سابقہ ؟

ارے دیواروں کے بھی کان ہوتے ہیں .

 

[رانا]

اس نظم کے شروع کے اشعار زیادہ اچھے ہیں وہ آپ نے مس کردئیے ہیں. جن میں سے مجھے یہ ایک اچھا لگتا ہے.
وہ فیض ہو میر ہو غالب ہو
وہ اصغر جگر ہو جالب ہو
وہ سیف عدیم ہو فرحت ہو
وہ ساجد ہو وہ امجد ہو
سب میری فہم سے بالا ہے
کیسا یہ کھیل نرالا ہے
ان سب کو گھنٹوں پڑھتی ہوں
میں ایسی محبت کرتی ہوں
تم کیسی محبت کرتے ہو؟