میں بسمل اک اور بے وزن غزل لیے حاضر ہوں توجہ فرمائیں!!!!

[مزمل شیخ بسمل]

ساقی ہو پہلو میں کیا کرنے ہیں میخانے بہت​

ہجر میں کس کام کے بے وصل پیمانے بہت​

​

زلف میں دل کو مرے آتے ہیں الجھانے بہت​

انکی زلفیں الجھیں تو سلجھانے کو شانے بہت​

​

دیکھی آدم نے شبی بے دیکھے پہچانے بہت​

ورنہ گندم سے الگ جنت میں تھے کھانے بہت​

​

خم لگا کے منہ سے پی جاتے تھے مستانے بہت​

ہم نے توڑے ہیں تری محفل میں پیمانے بہت​

​

وہ پروئے گوہرِ اشکِ ندامت آنکھ نے​

تار تو تسبیح کا چھوٹا ہے مگر دانے بہت​

​

اب نشیمن ہم نے بنوایا ہے دیکھو چاند پر​

چار تنکوں پر تو آئی برق لہرانے بہت​

​

وہ نظر آئے کہیں جو خواب میں دیکھا کہیں​

ماہ رو اس شوق سے دیکھے زلیخا نے بہت​

​

صبح تک شب کی سیاہی ختم ہوجاتی ہے سب​

جب بھی لکھنے کے لئےبچتے ہیں افسسانے بہت​

​

شمع عریانی میں محفل پر نہ ہو جائے عیاں​

رقص یوں کرتے ہیں ساری رات پروانے بہت​

​

تربیت ملتی ہے اب نسلِ ہما کو زاغ کی​

نام پر اسلام کے ہیں کفر کے گانے بہت​

​

اے چمن کے باغباں اب عدل کی حد ہوگئی​

زاغ کی ہیں چونچ میں انگور کے دانے بہت​

​

جب دھواں گٹھتا ہے آہوں کا مرے سینے میں تب​

آتی ہیں غم کی گھٹائیں اشک برسانے بہت​

​

مرتا ہے بسمل ہر اک بہتر ہے اب کلمہ پڑہو​

میں نے اتنی بات کہ دی تھی برا مانے بہت​

 

[محمد وارث]

خوب غزل ہے جناب

 

[مزمل شیخ بسمل]

شکریہ محترم وارث

 

[سید زبیر]

جب دھواں گٹھتا ہے آہوں کا مرے سینے میں تب
آتی ہیں غم کی گھٹائیں اشک برسانے بہت
ماشاء اللہ بہت خوب

 

[الف عین]

بے وزن غزل کہتے ہو اور ہابندِ بحور شاعری میں پوسٹ کرتے ہو؟
میں شاید پہلے بھی کہہ چکا ہوں کہ مشکل پسندی سے بچنا چاہئے شعراء کو۔
یہ مصرع واقعی توجہ کا طلبگار ہے
تار تو تسبیح کا چھوٹا ہے مگر دانے بہت

 

[محمد بلال اعظم]

ماشاءاللہ
کیا خوب کلام ہے۔

 

[مزمل شیخ بسمل]

بے وزن سے مقصود معیار تھا حضرت. کوشش آسان کی ہی کی ہے. کچھ مشکل مصرعے حذف کردءے ہیں.
. اس مصرعہ کو یوں کروں تو بہتر بنتا ہے شاید

تار تو تسبیح کا چھوٹا ہے پر دانے بہت.

 

[مہدی نقوی حجاز]

داد حاضر ہے۔۔ بہت خوب ٍغزل ہ--

 

[مزمل شیخ بسمل]

شکریہ حجاز اور باقی سب حضرات کا پسندیدگی کے لئے

 

[کامران ساحل]

خوب ہے. عمدہ

 

[متلاشی]

واقعی زبردست غزل ہے ۔۔۔۔!

 

[محمود احمد غزنوی]

کمال ہے۔۔۔
ہم تو ہوتے جارہے ہیں تیرے دیوانے بہت

 

[مزمل شیخ بسمل]

متلاشی محمود غزنوی آپ دونو کا بہت شکر گذار ہوں ان کلمات کے لئے

 

[کامران ساحل]

جناب ان اشعار سے بھی زیادہ مشکل تھے جو حذف کردئے؟ ہمیں تو آپ کی مشکل اردو فارسی کی لغت میں تلاشنی پڑتی ہے
ویسے مثلاً کونسا شعر آپ نے حزف کیا؟

 

[مزمل شیخ بسمل]

کامران آپ نے مجھے پٹوانے کی ٹھان لی ہے لگتا ہے. ارے حضرت حذف تو وجہ کی بنا پے کرے ہیں لکھتے ہوئے اچانک اعجاز صاحب اور شاکر بھائی یاد آئے تو مارے ڈر کے ان مصرعوں کو نکال باہر کردیا .

 

[مزمل شیخ بسمل]

ویسے مشکل اردو سے فارسی کا خوب جوڑ پیدا کیا آپ نے. ویسے میں مبتدی ہی ہوں آپ مجھ سے بہتر شعر کہتے ہیں یہ حقیقت ہے.

حجاز بھائی آپ کراچی کے ہیں اچھا لگا جان کر.

 

[مہدی نقوی حجاز]

جناب کہاں سے جانا یہ راز گنج پنہان آپ نے؟

 

[مزمل شیخ بسمل]

جناب کہاں سے جانا یہ راز گنج پنہان آپ نے؟

جناب یہ تو وہی بات ہوئی اوپن سیکرٹ والی. آپ کی پروفائل پر دیکھا.

 

[مہدی نقوی حجاز]

جناب یہ تو وہی بات ہوئی اوپن سیکرٹ والی. آپ کی پروفائل پر دیکھا.

آپ نے غور نہیں فرمایا میں نے تطبیق "راز گنج پنہان" استعمال کی ہے اور مجھے امید تھی کے یہاں احباب پہلی تنقید میرے فارسی کے کثیر از حد استعمال پر ہی کریں گے۔

 

[مزمل شیخ بسمل]

ضرور غور کیا جناب. تنقید بہر حال میرا زمرہ نہیں تو میں کرتا بھی نہیں . علاوہ شاعری کے میں انتہائی سہل انداز گفتگو پسند کرتا ہوں. جس مقصد کے لئے یہاں آیا ہوں وہ بخوبی پورا ہوا جارہا ہے.