تعارف میں سیدہ سارا ہاشمی غزل

[سیدہ سارا غزل]

السلام علیکم، سر ابن ِ سعید کی طرف سے حکم جاری ہوا کہ اپنا تعارف فورم میں پیش کروں سو ان کے حکم کی تعمیل ہوتی ہے، میں سیدہ سارا ہاشمی، غزل کے تخلص سے لکھتی ہوں، سخن سے بالکل مختلف سبجکٹ اکنامکس میں ایم ایس سی کرنے کے بعد ایم۔ فل کر رہی ہوں لیکن اگلے ہفتے شادی اور کراچی چھوڑنے کے باعث شاید یہ تعلیمی سلسلہ منقطع ہو جایے ۔ یوں تو شاعری کا شوق اوائل عمری سے ہی تھا لیکن کوئی راہنمائی میسر نہ تھی اب سر فاروق درویش صاحب سے اصلاح لے کر لکھنا شروع کیا ہے اور کچھ ٹوٹا پھوٹا لکھ لیتی ہوں ۔ ایک طالبہ کو امید ہے کہ اس فورم پر موجود سر ابن سعید ، سر الف عین اور سر محمد وارث جیسے سینیئر سخن وروں کی موجودگی میں بہت کچھ سیکھنے کو ملے گا۔ میں سر فاروق درویش کے ساتھ ایک ادبی گروپ فیس بک پر چلا رہی ہوں آپ سے بھی شرکت کی درخواست ہے ۔آپ سب دوستوں کی دعاؤں کی طابگار ہوں ۔ ہمیشہ خوش رہیں
اللہ حافظ

سیدہ سارا غزل ہاشمی
ایڈمن نوائے سخن
https://www.facebook.com/groups/157661354323024/

 

[شمشاد]

اردو محفل میں صمیم قلب سے خوش آمدید

اور سعود بھائی کا بھی شکریہ ادا کرتا چلوں۔

شادی کی مبارکباد پیشگی قبول فرمائیں۔

 

[محمداحمد]

محفل میں خوش آمدید سارا صاحبہ، آپ کا تعارف پڑھ کر اچھا لگا۔

ساتھ ساتھ شادی کی مبارکباد بھی ایڈوانس وصول کیجے۔

اللہ آپ کو شاد آباد رکھے (آمین)۔

 

[سیدہ سارا غزل]

بہت شکریہ سر دلشاد ، آپ کی دعاؤں کی ہی طلبگار ہوں ۔ سلامت و آباد رہیں

 

[سیدہ سارا غزل]

بہت شکریہ سر محمد احمد صاحب ،آپ کی دعائیں بڑا سرمایہ ہیں ، سلامت رہیں

 

[محمد امین]

سیّدہ صاحبہ بہت شکریہ اردو محفل کو رونق بخشنے کا۔ اور نئی زندگی کی ابتداء کے لیے بہت نیک تمنائیں اور مبارکباد قبول کیجیے۔

 

[ابن سعید]

بٹیا رانی، محفل میں ایک بار پھر خوش آمدید۔ ہمیں امید ہے کہ آپ کی موجودگی محفل کے لئے بہت خوشگوار ہوگی۔

اول تو یہ کہ ہم نے حکم نہیں بلکہ درخواست کی تھی یا بالفاظ دیگر، مشورہ دیا تھا کہ آپ اپنا تعارف کرا دیں۔ اور اب جبکہ آپ نے یہ کام حکم سمجھ کر کر دیا ہے تو آپ کو سزا کے طور پر ایک عدد آئس کریم کھانی پڑے گی۔

نیز یہ کہ آپ نے محفل میں یہ جو "سر" والی بدعت نکالی ہے اس کے باعث ہمیں بار بار اپنا سر ٹٹولنا پڑتا ہے کہ کہیں ہمارے سر پر ایک اور سر تو نہیں اگ آیا۔ کیا ہی اچھا ہو جو آپ کم از کم ہمارے لئے اس کا استمال نہ کریں کہ ہم اس خطاب کے کسی طور اہل نہیں۔ اگر نام کے ساتھ کچھ لگانا ہی مقصود ہو تو "بھائی" یا تھوڑی اور بے تکلفی کے ساتھ "بھیا" لگا لیا کریں کہ ہم ان الفاظ سے بہت مانوس ہیں۔

شادی کی بہت بہت مبارکباد قبول فرمائیں۔ اور دن تاریخ معلوم ہو جائے تو محفل میں بھی تھوڑے سے ہنگامے ہو جائیں گے۔ اللہ آپ کو بہت ہی خوشگوار اور تابناک مستقبل کے ساتھ ساتھ ہم مزاج رفیق حیات کی نعمت بخشیں۔ آمین۔

اور اخیر میں یہ عرض کر دیں کہ ہمیں سخنور کہہ کر اور وہ بھی صف اول کے سینئیر سخنوروں کی فہرست میں کھڑا کرکے یوں نادم نہ کریں بٹیا رانی۔ ہم تو شاید شعراء کی محفل کی سترہویں صف میں بھی خود کو موزوں نہ پائیں گے اور ہمارا قد کچھ چھوٹا چھوٹا سا لگے گا۔ لیکن محفل میں سخنوروں کی واقعی کوئی قلت نہیں ہے۔

 

[فرخ منظور]

خوش آمدید سیدہ!

 

[سیدہ شگفتہ]

السلام علیکم ، اردو محفل میں خوش آمدید سارا اور شادی کی مبارک باد ایڈوانس میں !

 

[عائشہ عزیز]

خوش آمدید محفل میں

اور بہت سی نیک تمنائیں آپ کے لیے ۔۔

 

[عندلیب]

خوش آمدید !

 

[کاشفی]

السلام علیکم سیدہ سارا ہاشمی - اُردو محفل میں خوش آمدید۔ خوش و خرم رہیں۔

 

[مقدس]

ویلکم سس۔۔۔

 

[سیدہ سارا غزل]

ارے صاحب ، میرے پیارے بھیا جانی سعود ابن سعید صاحب اتنی محبت اور اتنی اپناییت، مجھے تو بس کیا کہوں آپ بہت اچھے ہیں ، بس تیار رہیں میں جلد ورجینیا آ رہی ہوں ، میرا اک بھائی آج کل ائر کمبیٹ ٹریننگ کے لئے ہوسٹن ائر بیس پر ھے اگلے ماہ اس سے ملنے جاؤں گی تو آپ سے ملنا اب آپ کی بہنا پر قرض ہے ، آپ کے لئے بہت ساری دعائیں اور وہ بھی سچے دل سے ۔ ہمہشہ یونہی مسکراتے رہیں

 

[ابن سعید]

ارے صاحب ، میرے پیارے بھیا جانی سعود ابن سعید صاحب اتنی محبت اور اتنی اپناییت، مجھے تو بس کیا کہوں آپ بہت اچھے ہیں ، بس تیار رہیں میں جلد ورجینیا آ رہی ہوں ، میرا اک بھائی آج کل ائر کمبیٹ ٹریننگ کے لئے ہوسٹن ائر بیس پر ھے اگلے ماہ اس سے ملنے جاؤں گی تو آپ سے ملنا اب آپ کی بہنا پر قرض ہے ، آپ کے لئے بہت ساری دعائیں اور وہ بھی سچے دل سے ۔ ہمہشہ یونہی مسکراتے رہیں

بٹیا رانی، آج کا دن بہت ہی خوشگوار صبح سے شروع ہوا۔ سو کر اٹھتے ہی محفل میں حاضری دی تو ذاتی پیغامات میں ایک ننھی سی پری جیسی بٹیا رانی کا پیغام پڑا ہوا تھا۔ ان کو جواب تحریر کرکے پبلک فورم کی جانب آئے تو سب سے پہلے آپ کا یہ پیغام نظر آیا۔ اس وقت کاش کوئی ہمارے آس پاس ہوتا اور پوچھتا کہ سعود بھیا کیا ہو گیا، آپ ایسے کیوں مسکرا رہے ہیں؟

آپ ایک کام کیوں نہیں کرتیں۔ یوں کہہ لیں کہ "ہمارے ایک بھیا ہیں جو ورجینیا میں پی ایچ ڈی کر رہے ہیں، اگلے ماہ ان سے ملنے جاؤں گی تو ہوسٹن ائیر بیس والے بھائی سے بھی ملنے چلی جاؤں گی"۔ ایک ترمیم اور، دلاری بہن پر بھیا سے ملنا "قرض" نہیں "فرض" ہے۔

آپ کی حالیہ غزل کے الفاظ میں کہیں تو، مسکان آپ کے لبوں پر ایسے جلتی رہے جیسے پھول پر خوشبو۔

 

[محمد وارث]

خوش آمدید سیدہ سارا صاحبہ۔

 

[ناعمہ عزیز]

خوش آمدید ڈئیر سس

آپ کی زندگی کے لئے بہت سی نیک تمنائیں

 

[طارق راحیل]

خوش آمدید ۔۔۔۔۔۔۔۔۔۔۔۔۔۔۔۔۔۔۔

 

[دوست]

جی آیاں نوں۔
اللہ آپ کی نئی زندگی مبارک کرے۔

 

[مغزل]

سارہ بٹیا محفل میں صمیمِ قلب سے خوش آمدید ۔
امید ہے کہ آپ کے کلام سے مجھ ایسے طفلان مکتب کو بھی فیوض و برکات سمیٹنے کے مواقع میسر آئیں گے۔
جم جم آئیے محفل کو اپنا گھر خیال کیجے ۔ جیتی رہیں۔