ایاز صدیقی میں نے مدحت کا ارادہ جو سرِ دل باندھا

[مہ جبین]

میں نے مدحت کا ارادہ جو سرِ دل باندھا​

نطق نے لیلیء اظہار کا محمل باندھا​

​

شوقِ دیدار ، غمِ زیست ، خیالِ سرکار​

پاس جو زادِ سفر تھا پئے منزل باندھا​

​

لے گئی گنبدِ خضرا پہ تخیل کی اڑان​

رشتہء ذہن سے جب سلسلہء دل باندھا​

​

شدتِ تشنگیِ دید بیاں ہو نہ سکی ​

" گرچہ دل کھول کے دریا کو بھی ساحل باندھا"​

​

بخش دیں آپ نے کونین کی خوشیاں مجھ کو​

چشمِ گریاں نے وہ مضمونِ غمِ دل باندھا​

​

اللہ اللہ جمالِ غمِ ہجرِ سرکار ​

داغِ حسرت کو حریفِ مہِ کامل باندھا​

​

شہرِ دل میں ، میرے ممدوح کا مسکن ہے ایاز​

میں نے اس شہر کو طیبہ کا مماثل باندھا​

​

ایاز صدیقی​

 

[عاطف بٹ]

سبحان اللہ، بہت خوبصورت ہدیہء عقیدت ہے۔
اللہ آپ کو جزائے خیر دے۔

 

[حسیب نذیر گِل]

سبحان اللہ و جزاکم اللہ

 

[چھوٹاغالبؔ]

استاد جی کے مصرعے نے تو آٹھ دونی سولہ چاند لگا دئیے ہیں
زبردست ، اور جزاک اللہ

 

[مہ جبین]

عاطف خالد بٹ ، حسیب نذیر گِل ، چھوٹاغالبؔ ، نایاب بھائی اور انتہا !

نعت شریف کی پسندیدگی کے لئے میں آپ سب کی بہت مشکور ہوں

سدا خوش رہیں