نئی ویب گاہ کا اجرا

[محمد ریحان قریشی]

اپنی شعری و نثری کاوشات کو یادگار رکھنے کے لیے میں نے گذشتہ برس ایک Wordpress blog بنایا تھا ۔ اس کارِ غیر اہم کے لیے تو وہ کافی موزوں ثابت ہوا تاہم اس کی 'خوش روئی' مرے لیے کچھ باعثِ تشویش تھی۔ اس سال بھی حسبِ دستور جب تعطیلات کا طویل حصہ ضائع کر لیا تو خیال آیا کہ اس بارے میں غور کرنا چاہیے۔ بھلا ہو open-source projects اور ہمارے ایک دوست کا جنھوں نے اس معاملے میں بہت مدد کی۔ احباب سے درخواست ہے کہ ویب گاہ پر اپنی رائے دیں اور اگر کوئی مسئلہ دکھائی دے تو مطلع فرمائیں۔ نئی ویب گاہ کا پتا کچھ یوں ہے:

Chashm e Afreen

 

[میم الف]

بہت خوبصورت بلاگ ہے
خوبصورت فانٹ اور خوبصورت پیشکش
مولٹن گلاس سے آپ کی کیا مراد ہے؟

 

[دوست]

ورڈپریس بلاگ
اوپن سورس پراجیکٹس

 

[محمد ریحان قریشی]

بہت خوبصورت بلاگ ہے
خوبصورت فانٹ اور خوبصورت پیشکش
مولٹن گلاس سے آپ کی کیا مراد ہے؟

شکریہ۔ مؤلٹن گلاس صرف ایک مجرد سا اسم ہے ۔ اس کا کچھ ربط مرزا نوشہ کے شعر سے ہے:

تا بادہ تلخ تر شود و سینه ریش تر
بگدازم آبگینه و در ساغر افگنم

 

[میم الف]

تا بادہ تلخ تر شود و سینه ریش تر
بگدازم آبگینه و در ساغر افگنم

آبگینے اور ساغر میں کیا فرق ہوتا ہے؟

 

[محمد ریحان قریشی]

آبگینے اور ساغر میں کیا فرق ہوتا ہے؟

ساغر سے مرے ذہن میں مٹی کا پیالہ آتا ہے اور آبگینے سے گلاس۔ لیکن مجھے اپنے درست ہونے کا زعم نہیں ۔

 

[محمد ریحان قریشی]

ورڈپریس بلاگ
اوپن سورس پراجیکٹس

اردو فورم پر آپ کو اکثریت دیسی لوگوں کی ہی نظر آئے گی۔

 

[فرقان احمد]

تخلیقیت اور ذوقِ جمال اپنے عروج پر! اس ویب گاہ پر جا کر کافی سکون محسوس ہوا۔ یعنی کہ، یہ تجربہ کامیاب رہا۔ اور یوں، ورڈ پریس کو اننگز کی شکست کا سامنا کرنا پڑا!